‘‘കാ​ലി​ത്തൊ​ഴു​ത്തി​ൽ പി​റ​ന്ന​വ​നെ’’ എ​ന്ന ഗാ​നം കാ​ലാ​തീ​തം; കെ.ജെ.​ ജോയ്​ സംഗീത സങ്കൽപ്പങ്ങൾ തിരുത്തിയ പ്രതിഭ

തൃ​ശൂ​ർ: സം​ഗീ​ത​സം​വി​ധാ​നം പാ​ര​മ്പ​ര്യ​രീ​തി​ക​ളി​ൽ ഒ​തു​ങ്ങി​നി​ന്ന​പ്പോ​ൾ നൂ​ത​ന​രീ​തി​ക​ൾ ച​ല​ച്ചി​ത്ര​ഗാ​ന​ങ്ങ​ളി​ൽ പ്ര​യോ​ഗി​ച്ച് ച​രി​ത്ര​ത്തി​ൽ പേ​ര് അ​ട​യാ​ള​പ്പെ​ടു​ത്തി​യാ​ണ് കെ.​ജെ. ജോ​യ് എ​ന്ന സം​ഗീ​ത​ജ്ഞ​ന്റെ മ​ട​ക്കം. ജ​യ​ൻ കാ​ല​ഘ​ട്ട​ത്തെ സി​നി​മ​യി​ൽ അ​ട​യാ​ള​പ്പെ​ടു​ത്തു​ന്ന​ത് കെ.​ജെ. ജോ​യി​യു​ടെ പാ​ട്ടു​ക​ളാ​ണെ​ന്ന് നി​രൂ​പ​ക​ൻ ര​വി മേ​നോ​ൻ ഓ​ർ​ക്കു​ന്നു. ഓ​ർ​ക്ക​സ്ട്രേ​ഷ​നി​ൽ, ശ​ബ്ദ​ങ്ങ​ളി​ൽ എ​ല്ലാം വ്യ​ത്യ​സ്ത​ത വ്യ​ക്ത​മാ​കു​ന്ന​താ​ണ് ജോ​യി​യു​ടെ ഈ​ണ​ങ്ങ​ൾ. പാ​ട്ടി​ന​നു​സ​രി​ച്ച് ട്യൂ​ൺ ചെ​യ്തി​രു​ന്നി​ട​ത്ത് നി​ന്ന് ട്യൂ​ണി​ന​നു​സ​രി​ച്ച് പാ​ട്ടെ​ഴു​തു​ന്ന​തും ജോ​യി​യു​ടെ പ​രീ​ക്ഷ​ണ​മാ​ണ്. ഒ​രി​ക്ക​ലും വി​സ്മ​രി​ക്കാ​നാ​വാ​ത്ത​തും പ​ല​പ്പോ​ഴും അ​റി​യാ​തെ ആ​രും മൂ​ളി​പ്പോ​കു​ന്ന​തും കേ​ൾ​ക്കു​മ്പോ​ൾ അ​നു​ഭൂ​തി​ക​ളു​ടെ ലോ​ക​ത്തി​ലേ​ക്ക് കൈ​പി​ടി​ച്ച് ന​ട​ത്തു​ന്ന​തു​മാ​യ ഒ​രു​പാ​ട് ഗാ​ന​ങ്ങ​ൾ ബാ​ക്കി​വെ​ച്ചാ​ണ് ജോ​യി​യു​ടെ വി​യോ​ഗം.

സാ​യൂ​ജ്യം എ​ന്ന ചി​ത്രം (1979) ഒ​രു പ​ക്ഷേ എ​ക്കാ​ല​വും സ്മ​രി​ക്ക​പ്പെ​ടു​ക ഏ​റ്റ​വും മ​നോ​ഹ​ര​മാ​യ ക്രി​സ്മ​സ് ഗാ​ന​ത്തി​ന്റെ മേ​ൽ​വി​ലാ​സ​ത്തി​ലാ​കും. ജോ​യ് സം​ഗീ​ത​സം​വി​ധാ​നം നി​ർ​വ​ഹി​ച്ച ‘‘കാ​ലി​ത്തൊ​ഴു​ത്തി​ൽ പി​റ​ന്ന​വ​നെ’’... എ​ന്ന് തു​ട​ങ്ങു​ന്ന ഗാ​ന​ത്തെ വെ​ല്ലാ​വു​ന്ന ഒ​രു ക്രി​സ്മ​സ് ഗാ​നം ഇ​നി പി​റ​ന്നി​ട്ടു​വേ​ണം. എ​ൻ സ്വ​രം പൂ​വി​ടും ഗാ​ന​മേ..(​അ​നു​പ​ല്ല​വി), ക​സ്തൂ​രി മാ​ൻ മി​ഴി...(​മ​നു​ഷ്യ​മൃ​ഗം), സ്വ​ർ​ണ​മീ​നി​ന്റെ ചേ​ലൊ​ത്ത...(​സ​ർ​പ്പം), മ​റ​ഞ്ഞി​രു​ന്നാ​ലും... (സാ​യൂ​ജ്യം), ആ​ഴി​ത്തി​ര​മാ​ല​ക​ൾ...(​മു​ക്കു​വ​നെ സ്നേ​ഹി​ച്ച ഭൂ​തം), അ​ക്ക​രെ​യി​ക്ക​രെ നി​ന്നാ​ലെ​ങ്ങ​നെ...(​ഇ​താ ഒ​രു തീ​രം), തു​ട​ങ്ങി​യ​വ​യാ​ണ് ജോ​യി​യു​ടെ ഏ​റെ ജ​ന​പ്രി​യ​മാ​യ ഗാ​ന​ങ്ങ​ള്‍.

18ാം വ​യ​സ്സി​ലാ​ണ് പ്ര​ശ​സ്ത സം​ഗീ​ത​ജ്ഞ​ൻ എം.​എ​സ്. വി​ശ്വ​നാ​ഥ​ന്‍റെ ഓ​ർ​ക്ക​സ്ട്ര​യി​ൽ ചേ​ർ​ന്ന​ത്. എം.​എ​സ്. വി​ശ്വ​നാ​ഥ​ന് വേ​ണ്ടി മാ​ത്രം 500ല​ധി​കം സി​നി​മ​ക​ൾ​ക്ക് സ​ഹാ​യി​യാ​യി പ്ര​വ​ർ​ത്തി​ച്ചു. അ​ക്കാ​ല​ത്തെ പ്ര​മു​ഖ​നാ​യി​രു​ന്ന കെ.​വി. മ​ഹാ​ദേ​വ​ന്‍റെ സം​ഗീ​ത സം​വി​ധാ​ന സ​ഹാ​യി​യും ജോ​യി​യാ​യി​രു​ന്നു. നൗ​ഷാ​ദ്, ല​ക്ഷ്‌​മി​കാ​ന്ത് പ്യാ​രെ​ലാ​ൽ, മ​ദ​ൻ​മോ​ഹ​ൻ, ബാ​പ്പി ലാ​ഹി​രി, ആ​ർ.​ഡി. ബ​ർ​മ​ൻ തു​ട​ങ്ങി​യ സം​ഗീ​ത ഇ​തി​ഹാ​സ​ങ്ങ​ളോ​ടൊ​ത്തും പ്ര​വ​ർ​ത്തി​ച്ചു.

ദേ​വ​രാ​ജ​ൻ, ബാ​ബു​രാ​ജ്, ദ​ക്ഷി​ണാ​മൂ​ർ​ത്തി, എ.​ടി. ഉ​മ്മ​ർ, സ​ലി​ൽ ചൗ​ധ​രി, എം.​കെ അ​ർ​ജു​ന​ൻ തു​ട​ങ്ങി​യ മ​ഹാ​ര​ഥ​ൻ​മാ​ർ ച​ല​ച്ചി​ത്ര സം​ഗീ​ത​രം​ഗ​ത്ത് അ​ര​ങ്ങ് നി​റ​ഞ്ഞ് നി​ൽ​ക്കു​മ്പോ​ഴാ​ണ് ജോ​യി​യു​ടെ രം​ഗ​പ്ര​വേ​ശ​ന​വും രാ​ജ​സൂ​യ​വും. ഇ​വ​രു​ടെ പാ​ര​മ്പ​ര്യ രീ​തി​ക​ളി​ൽ പു​തി​യ സം​ഗീ​ത​രീ​തി​ക​ൾ പ്ര​യോ​ഗി​ച്ച് സ്വ​ന്തം ഇ​രി​പ്പി​ട​മൊ​രു​ക്കു​ക​യാ​യി​രു​ന്നു ജോ​യി. ഹാ​ർ​മോ​ണി​യം ഉ​പ​യോ​ഗി​ച്ച് ഗാ​ന​ങ്ങ​ൾ​ക്ക് ഈ​ണം പ​ക​ർ​ന്നി​രു​ന്ന​വ​രി​ൽ നി​ന്ന് വ്യ​ത്യ​സ്ത​നാ​യി കീ​ബോ​ർ​ഡ് പ​രി​ച​യ​പ്പെ​ടു​ത്തി. ആ​ർ.​ഡി. ബ​ർ​മ​ൻ, എ​സ്.​ഡി. ബ​ർ​മ​ൻ തു​ട​ങ്ങി ബോ​ളി​വു​ഡി​ലെ അ​ന​ന്യ​സം​ഗീ​ത പ്ര​തി​ഭ​ക​ളു​മാ​യു​ള്ള പ​രി​ച​യ​ത്തി​ൽ ല​ഭി​ച്ച അ​റി​വ് ജോ​യി മ​ല​യാ​ള​ത്തി​ൽ പ്ര​യോ​ജ​ന​പ്പെ​ടു​ത്തി.