മധു ബാലകൃഷ്‍ണന്‍റെ മനോഹരമായ മെലഡിയിൽ ഇന്ദ്രന്‍സ് നായകനാവുന്ന 'ഹോ'മിലെ പാട്ടിറങ്ങി
text_fields
ഇന്ദ്രന്‍സിനെ നായകനാക്കി റോജിന്‍ തോമസ് രചനയും സംവിധാനവും നിർവഹിക്കുന്ന 'ഹോം' എന്ന ചിത്രത്തിലെ ആദ്യഗാനം എത്തി. മധു ബാലകൃഷ്‍ണന്‍ പാടിയിരിക്കുന്ന 'മുകിലു തൊടാനായ്' എന്നാരംഭിക്കുന്ന ഗാനത്തിന് വരികള്‍ എഴുതിയിരിക്കുന്നത് അരുണ്‍ ആലാട്ട് ആണ്. സംഗീതം രാഹുല്‍ സുബ്രഹ്മണ്യം.
ആമസോണ്‍ പ്രൈമിലൂടെ എത്തുന്ന ചിത്രത്തിന്‍റെ റിലീസ് ഈ മാസം19 ന് ആണ്. ഫ്രൈഡേ ഫിലിം ഹൗസിന്‍റെ ബാനറില്‍ വിജയ് ബാബുവാണ് ചിത്രം നിർമിച്ചിരിക്കുന്നത്. ഫിലിപ്‍സ് ആന്‍ഡ് ദി മങ്കി പെന്‍, ജോ ആൻഡ് ദി ബോയ് എന്നീ ചിത്രങ്ങള്‍ക്കു ശേഷം റോജിന്‍ തോമസ് സംവിധാനം ചെയ്യുന്ന ചിത്രമാണിത്.
പുതുകാല സാങ്കേതികവിദ്യകള്‍ കൈകാര്യം ചെയ്യാന്‍ ബുദ്ധിമുട്ടുന്ന 'ഒലിവര്‍' എന്ന കഥാപാത്രത്തെയാണ് ഇന്ദ്രന്‍സ് അവതരിപ്പിക്കുന്നത്. സദാസമയവും സോഷ്യല്‍ മീഡിയയില്‍ ചെലവഴിക്കുന്ന തന്‍റെ രണ്ട് മക്കളോട് അടുപ്പം നിലനിര്‍ത്താനുള്ള ഒരു അച്ഛന്‍റെ ശ്രമമാണ് സിനിമ പറയുന്നത്.
ഇന്ദ്രന്‍സിനൊപ്പം ശ്രീനാഥ് ഭാസി, വിജയ് ബാബു എന്നിവര്‍ ചിത്രത്തില്‍ പ്രധാന വേഷത്തിലെത്തുന്നു. മഞ്ജു പിള്ള, നസ്‍ലെന്‍, കൈനകരി തങ്കരാജ്, കെ.പി.എ.സി ലളിത, ശ്രീകാന്ത് മുരളി, ജോണി ആന്‍റണി, പോളി വില്‍സണ്‍, മണിയന്‍പിള്ള രാജു, അനൂപ് മേനോന്‍, അജു വര്‍ഗീസ്, കിരണ്‍ അരവിന്ദാക്ഷന്‍, ദീപ തോമസ്, പ്രിയങ്ക നായര്‍ എന്നിവരും കഥാപാത്രങ്ങളായെത്തുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
