കാർത്തിക് ശങ്കർ സംവിധാനം ചെയ്യുന്ന തെലുങ്ക് ചിത്രത്തിലെ ആദ്യ ഗാനം പുറത്ത്

സമൂഹ മാധ്യമങ്ങളിൽ ഷോര്‍ട്ട് ഫിലിമുകളിലൂടെയും വെബ്‌ സീരീസുകളിലൂടെയും താരമായിരുന്ന കാർത്തിക് ശങ്കർ തെലുങ്ക് സിനിമയുടെ തിരക്കഥയെഴുതി സംവിധാനം ചെയ്യുന്ന "നേനു മീക്കു ബാഗാ കാവാല്‍സിന വാട്നി" എന്ന ചിത്രത്തിലെ ആദ്യഗാനം പുറത്ത്. LAWYER PAPA എന്ന ഗാനമാണ് റിലീസ് ചെയ്തത്. വിജയ് ചിത്രങ്ങളായ പോക്കിരി,ഷാജഹാന്‍,സുറ തുടങ്ങി തമിഴിലും തെലുങ്കിലുമായി ഒട്ടനവധി ചിത്രങ്ങള്‍ക്ക് സംഗീതം നല്‍കിയിട്ടുള്ള മണി ശര്‍മ്മയാണ് സംഗീതം നിര്‍വ്വഹിച്ചിരിക്കുന്നത്.

തെലുങ്ക് യുവഗായകന്‍ റാം മിരിയാലയാണ് പാടിയിരിക്കുന്നത്. ആറ് പാട്ടുകളാണ് ചിത്രത്തിലുള്ളത്. തെലുഗ് ഇതിഹാസ സംവിധായകൻ കോടി രാമകൃഷ്ണയുടെ ബാനറിൽ മകൾ കോടി ദിവ്യയാണ് നിർമാണം. തെലുങ്ക് യുവതാരം കിരണ്‍ അബ്ബവാരം നായകനായെത്തുന്ന ചിത്രത്തിൽ സഞ്ജന ആനന്ദ് ആണ് നായിക.