![സൂപ്പർസ്റ്റാർ ഡേവിഡ് പടിക്കലായി ടൊവിനോ; ‘നടികർ’ സിനിമയിലെ ഗാനമെത്തി... സൂപ്പർസ്റ്റാർ ഡേവിഡ് പടിക്കലായി ടൊവിനോ; ‘നടികർ’ സിനിമയിലെ ഗാനമെത്തി...](https://www.madhyamam.com/h-upload/2024/03/30/2218997-omal-kanave-david-origin-story-nadikar.webp)
സൂപ്പർസ്റ്റാർ ഡേവിഡ് പടിക്കലായി ടൊവിനോ; ‘നടികർ’ സിനിമയിലെ ഗാനമെത്തി...
text_fieldsയുവസൂപ്പർതാരം ടൊവിനോ തോമസ് നായകനാകുന്ന 'നടികര്' എന്ന സിനിമയിലെ ഏറ്റവും പുതിയ ഗാനം റിലീസ് ചെയ്തു. 'ഓമല് കനവേ' എന്ന് തുടങ്ങുന്ന ഗാനമാണ് യൂട്യൂബിലൂടെ പുറത്തുവിട്ടിരിക്കുന്നത്. വിനായക് ശശികുമാറിന്റെ വരികള്ക്ക് യാക്സന് ഗാരി പെരേരയും നേഹ നായറുമാണ് സംഗീതം നല്കിയിരിക്കുന്നത്. ജോബ് കുര്യന് ആണ് ഗാനം ആലപിച്ചിരിക്കുന്നത്.
ലാല് ജൂനിയര് സംവിധാനം ചെയ്യുന്ന ചിത്രത്തില് ടൊവിനോക്കൊപ്പം ഭാവനയാണ് നായികയാകുന്നത്. സൗബിന് ഷാഹിറാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ബാല എന്ന കഥാപാത്രത്തെയാണ് സൗബിന് ചിത്രത്തില് അവതരിപ്പിക്കുന്നത്. ടൊവിനോയും സൗബിനും ആദ്യമായി ഒന്നിക്കുന്ന ചിത്രമെന്ന പ്രത്യേകതയും ഈ സിനിമയ്ക്കുണ്ട്. മെയ് മൂന്നിന് ചിത്രം ലോകമെമ്പാടും റിലീസ് ചെയ്യും. ചിത്രത്തിന്റെ തിരക്കഥ ഒരുക്കുന്നത് സുവിന് എസ് സോമശേഖരനാണ്. ആല്ബിയാണ് ക്യാമറ.
ധ്യാന് ശ്രീനിവാസന്, അനൂപ് മേനോന്, ഷൈന് ടോം ചാക്കോ, ലാല്, ബാലു വര്ഗീസ്, സുരേഷ് കൃഷ്ണ, സംവിധായകന് രഞ്ജിത്ത്, ഇന്ദ്രന്സ്, മധുപാല്, ഗണപതി, വിജയ് ബാബു, അല്ത്താഫ് സലിം, മണിക്കുട്ടന്, മേജര് രവി, മൂര്, സുമിത്, നിഷാന്ത് സാഗര്, അഭിറാം പൊതുവാള്, ചന്ദു സലിംകുമാര്, ശ്രീകാന്ത് മുരളി, അര്ജുന് നന്ദകുമാര്, ദിവ്യ പിള്ള, ജോര്ഡി പൂഞ്ഞാര്, ദിനേശ് പ്രഭാകര്, അബു സലിം, ബൈജുക്കുട്ടന്, ഷോണ് സേവ്യര്, തുഷാര പിള്ള, ദേവി അജിത്, സ്മിനു സിജോ, കൃഷ്ണ സംഗീത്, ലെച്ചു (ബിഗ് ബോസ് ഫെയിം ) രജിത്ത് (ബിഗ് ബോസ് ഫെയിം) തിരക്കഥാകൃത്ത് ബിപിന് ചന്ദ്രന്, ചെമ്പില് അശോകന്, മാലാ പാര്വതി, ദേവികാ ഗോപാല് നായര്, ബേബി ആരാധ്യ, ജയരാജ് കോഴിക്കോട്, അഖില് കണ്ണപ്പന്, ഖയസ് മുഹമ്മദ്, ബേബി വിയ എന്നിവരും ചിത്രത്തില് അഭിനയിക്കുന്നുണ്ട്.
ഡ്രൈവിംഗ് ലൈസന്സ് എന്ന ഹിറ്റ് ചിത്രത്തിന് ശേഷം ലാല് ജൂനിയര് സംവിധാനം ചെയ്യുന്ന സിനിമയാണ് നടികര്. അലന് ആന്റണി, അനൂപ് വേണുഗോപാല് എന്നിവരുടെ നേതൃത്വത്തിലുള്ള ഗോഡ്സ്പീഡാണ് സിനിമ നിര്മിക്കുന്നത്. പുഷ്പ - ദ റൈസ് പാര്ട്ട് 1 ഉള്പ്പെടെ ഒട്ടേറെ ജനപ്രിയ ചിത്രങ്ങള് നിര്മിച്ച മൈത്രി മൂവി മെക്കേഴ്സിന്റെ നവീന് യര്നേനിയും വൈ. രവി ശങ്കറും ചിത്രത്തിന്റെ ഭാഗമാകുന്നുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.