ബലൂചിസ്താനിലെ സിതാറിൽ ബോളിവുഡ് ഹിറ്റ് ഗാനം; പങ്കുവെച്ച് പാക് സംഗീതജ്ഞൻ

അതിർത്തികളും ഭാഷകളും മായുന്ന മാസ്മരികതയാണ് സംഗീതത്തിന്. നല്ല ഒരു സംഗീതത്തിന് ഒരാളുടെ ദിവസത്തെ അത്രമേൽ മനോഹരമാക്കാൻ സാധിക്കും. പാക് സംഗീതജ്ഞനായ ദാനിയൽ അഹമ്മദ് ഇൻസ്റ്റഗ്രാമിൽ പങ്കുവെച്ച ഒരു വിഡിയോ അതിരുകളില്ലാത്ത സംഗീതത്തിന്‍റെ അടയാളമാകുകയാണ്.

പാകിസ്താനിലെ ബലൂചിസ്താൻ മേഖലയിൽ നിന്നുള്ള ഉസ്താദ് നൂർ ബക്ഷ് എന്ന വയോധികൻ ബെഞ്ചു എന്ന സംഗീതോപകരണത്തിൽ ഹിറ്റ് ബോളിവുഡ് ഗാനം വായിക്കുന്ന വിഡിയോയാണ് അദ്ദേഹം പങ്കുവെച്ചത്. 1996ൽ പുറത്തിറങ്ങിയ അമീർ ഖാൻ നായകനായ രാജാ ഹിന്ദുസ്ഥാനി എന്ന ചിത്രത്തിലെ 'ആയേ ഹൊ മേരി സിന്ദഗീ...' എന്ന ഗാനമാണ് സിതാറിന് സമാനമായ സംഗീതോപകരണത്തിൽ മനോഹരമായി വായിക്കുന്നത്.

വിഡിയോ കാണാം...