ഓണമറിഞ്ഞും ഓണപ്പാട്ടുപാടിയും സൗ​ദി ഗാ​യ​ക​ൻ

കൊ​ല്ലം: മ​ല​യാ​ള ഗാ​ന​ങ്ങ​ൾ ആ​ല​പി​ച്ചും കേ​ര​ള​മാ​കെ പ​ല​വ​ട്ടം സ​ഞ്ച​രി​ച്ച്​ വി​വി​ധ പ​രി​പാ​ടി​ക​ളി​ൽ പ​​ങ്കെ​ടു​ക്കു​ക​യും ചെ​യ്തി​ട്ടു​ള്ള സൗ​ദി ഗാ​യ​ക​ൻ ഹാ​ഷിം അ​ബ്ബാ​സ്​ കൊ​ല്ല​ത്തെ​ത്തി. ഓ​ണ​നാ​ളു​ക​ളി​ൽ ​കേ​ര​ള​ത്തി​ൽ ചെ​ല​വി​ടു​ന്ന അ​ദ്ദേ​ഹം എം. ​മു​​കേ​​ഷ് എം.​എ​ൽ.​എ​യു​മാ​യി കൂ​ടി​ക്കാ​ഴ്ച​യും ന​ട​ത്തി.

‘പൂ​വി​ളി...​പൂ​വി​ളി പൊ​ന്നോ​ണ​മാ​യ്..’ എ​ന്ന പാ​ട്ടി​നെ അ​റ​ബി ഭാ​ഷ​കൂ​ടി ക​ല​ർ​ത്തി ത​യാ​റാ​ക്കി​യി​ട്ടു​ള്ള ഹാ​ഷിം ഇ​ത്​ മു​കേ​ഷി​നൊ​പ്പം ചേ​ർ​ന്ന്​ ആ​ല​പി​ച്ചു. ഓ​ണം എ​ന്താ​ണെ​ന്നും മ​ഹാ​ബ​ലി ആ​രാ​​ണെ​ന്നും ശ​രി​ക്ക്​ മ​ന​സ്സി​ലാ​ക്കാ​ത്ത​വ​ർ ത​ന്‍റെ നാ​ട്ടി​ല​ട​ക്ക​മു​ണ്ടെ​ന്നും അ​വ​ർ​ക്ക്​ ഓ​ണ​ത്തി​ന്‍റെ ​സ​ന്ദേ​ശം പ​ക​രു​ക​യാ​ണ്​ ഗാ​നാ​ലാ​പ​ന​ത്തി​ന്‍റെ ല​ക്ഷ്യ​മെ​ന്നും ഹാ​ഷിം പ​റ​ഞ്ഞു. ഓ​ണ​പ്പാ​ട്ട്​ ഉ​ൾ​പ്പെ​ടു​ത്തി​യ ആ​ൽ​ബം പു​റ​ത്തി​റ​ക്കു​ക​യും ത​ന്‍റെ ​സ​മൂ​ഹ​മാ​ധ്യ​മ അ​ക്കൗ​ണ്ടി​ലൂ​ടെ കൂ​ടു​ത​ൽ പേ​രി​ലേ​ക്ക്​ എ​ത്തി​ക്കു​ക​യു​മാ​ണ്​ ല​ക്ഷ്യം.

ദി​വ​സ​ങ്ങ​ൾ​ക്കു​മു​മ്പ്​ മു​കേ​ഷി​ന്‍റെ മാ​താ​വും ന​ടി​യു​മാ​യ വി​ജ​യ​കു​മാ​രി ഒ. ​മാ​ധ​വ​നെ വീ​ട്ടി​ലെ​ത്തി ഹാ​ഷിം സ​ന്ദ​ർ​ശി​ച്ചി​രു​ന്നു. ക​ഴി​ഞ്ഞ വ​ർ​ഷം സെ​പ്​​റ്റം​ബ​റി​ൽ കേ​ര​ള​ത്തി​ലെ​ത്തി​യ ഇ​ദ്ദേ​ഹം തൃ​ശൂ​ർ സ​ന്ദ​ർ​ശി​ച്ച്​ അ​റ​ബി വേ​ഷം ധ​രി​ച്ച്​ പു​ലി​ക​ളി​യി​ൽ പ​ങ്കാ​ളി​യാ​യ​ത്​ ഏ​റെ വാ​ർ​ത്താ​പ്രാ​ധാ​ന്യം നേ​ടി. ക​ലാ​ഭ​വ​ൻ മ​ണി​യു​ടെ നാ​ട​ൻ പാ​ട്ടു​ക​ളു​ടെ ആ​രാ​ധ​ക​നാ​ണ് ഹാ​ഷിം.

‘ചാ​ല​ക്കു​ടി ച​ന്ത​ക്കു പോ​കു​മ്പോ​ൾ’, ‘ഓ​ടേ​ണ്ട ഓ​ടേ​ണ്ട ഓ​ടി​ത്ത​ള​രേ​ണ്ട’ തു​ട​ങ്ങി​യ പാ​ട്ടു​ക​ൾ വ​രി​യും വാ​ക്കു​ക​ളും തെ​റ്റാ​തെ ഹാ​ഷിം പാ​ടാ​റു​ണ്ട്. ഓ​രോ മ​ല​യാ​ളം പാ​ട്ടും ആ​റു​മാ​സം വ​രെ സ​മ​യ​മെ​ടു​ത്താ​ണ്​ മ​ന​പ്പാ​ഠ​മാ​ക്കാ​റു​ള്ള​ത്. വ്ലോ​ഗ​റും ബി​സി​ന​സു​കാ​ര​നും കൂ​ടി​യാ​യ ഹാ​ഷി​മി​ന്​ ഗ​ൾ​ഫി​ലും കേ​ര​ള​ത്തി​ലും നി​ര​വ​ധി മ​ല​യാ​ളി സു​ഹൃ​ത്തു​ക്ക​ളു​ണ്ട്. മ​ല​യാ​ള​ത്തി​ൽ സി​നി​മ​യി​ലും ആ​ൽ​ബ​ങ്ങ​ളി​ലു​മൊ​ക്കെ സാ​ന്നി​ധ്യ​മ​റി​യി​ക്കു​ക​യും ചെ​യ്തു. ഗ​ൾ​ഫി​ൽ മ​ല​യാ​ളി കൂ​ട്ടാ​യ്മ​ക​ൾ ഒ​രു​ക്കു​ന്ന പ​രി​പാ​ടി​ക​ളി​ലും പ​​ങ്കെ​ടു​ക്കു​ന്നു.