മണ്ണിന്‍റെ പുണ്യമാം ഗന്ധർവ്വ ഗായകാ...പ്രിയ ദാസേട്ടന്​ ​ആദരമൊരുക്കി 28 ഗായകർ

മണ്ണിന്‍റെ പുണ്യമാം ഗന്ധർവ്വ ഗായകാ...മന്ത്രമീ ഞങ്ങൾക്ക്​ നിൻ നാദം....പിറന്നാ​ളാഘോഷിക്കുന്ന ഗാനഗന്ധർവ്വൻ കെ.ജെ.യേശുദാസിന്​ ആദരവുമായി മലയാളത്തിലെ പ്രിയ ഗായകർ ഒത്തുചേർന്നു. യുവതലമുറയിലെ ഗായിക ശ്വേതാ മോഹനാണ്​ ഇങ്ങിനൊരു ആദരം ഗാനഗന്ധർവ്വനായി ഒരുക്കിയത്​. ബി.കെ.ഹരിനാരായണന്‍റെ വരികൾക്ക്​ ​ശ്വേതാ മോഹൻ തന്നെയാണ്​ ഈണമിട്ടിരിക്കുന്നത്​. ​മലയാളത്തിലെ 28 ഗായകരാണ്​ ആറ്​ മിനിറ്റിലധികംവരുന്ന ഗാനം പാടിയിരിക്കുന്നത്​. വീണ വാദകനായ രാജേഷ്​ വൈദ്യയും ഇവരോടൊപ്പം അണിനിരന്നിട്ടുണ്ട്​.

െക.എസ്​.ചിത്ര, എം.ജി.ശ്രീകുമാർ, സുജാതാ മോഹൻ, ശ്രീനിവാസ്​, ജി.വേണുഗോപാൽ, ഉണ്ണിമേനോൻ, കൃഷ്​ണചന്ദ്രൻ, ബിജുനാരായണൻ, അഫ്​സൽ, ജ്യോത്സന, റിമിടോമി, മധുബാലകൃഷ്​ണൻ, വിധുപ്രതാപ്​, ഗായത്രി, സിതാര, വിജയ്​യേശുദാസ്​ തുടങ്ങി പുതുതലമുറയിലെ ഹരിശങ്കറും മധുശ്രീയും രാജലക്ഷ്​മിയുംവരെ ഗായകരുടെ നിരയിലുണ്ട്​.

'നമ്മുടെ ഗാനഗന്ധർവനുമായുള്ള ഈ ആദരം ജനിച്ചത് ദാസേട്ടനോട് നമ്മിൽ ഓരോരുത്തരോടും കാണിക്കുന്ന സ്നേഹത്തിലും ബഹുമാനത്തിലും നിന്നാണ്. ഇത് എന്‍റെ പാട്ടല്ല. നമ്മുടെ രാജ്യം കണ്ട ഏറ്റവും മികച്ച ഗായകരിൽ ഒരാൾക്ക് വേണ്ടി എല്ലാ ആരാധകർക്കും വേണ്ടി നിർമ്മിച്ച ഗാനമാണിത്. ദാസ്​മാമയ്‌ക്കായി ഞങ്ങളുടെ ഹൃദയത്തിൽ തോന്നുന്ന കാര്യങ്ങൾ മനോഹരമായി വാക്കുകളിലേക്ക് പകർത്തിയതിന് ഹരിനാരായണൻ ചേട്ടന് നന്ദി. പാട്ടിന് മാന്ത്രിക സ്പർശം നൽകിയതിന് രാജേഷ് വൈദ്യ അണ്ണയ്ക്കും മറ്റ് 28 ഗായകർക്കും ഞാൻ നന്ദി പറയുന്നു'-പാട്ട്​ യൂട്യൂബിൽ പങ്കുവച്ചുകൊണ്ട്​ ശ്രേതാ മോഹൻ കുറിച്ചു.

Latest Video: