എസ്​.പി ബാലസുബ്രഹ്​മണ്യത്തി​െൻറ​ കോവിഡ്​ ഫലം നെഗറ്റിവെന്ന് പി.ആർ ഏജൻസി; നിഷേധിച്ച് മകൻ

ന്യൂഡൽഹി: ഗായകൻ എസ്​.പി. ബാലസുബ്രഹ്​മണ്യം കോവിഡ്​ മുക്തനായി എന്ന വാർത്ത നിഷേധിച്ച് മകൻ എസ്​.പി ചരൺ. പ്രചരിക്കുന്ന വാർത്തകൾ ശരിയല്ല. പിതാവ് വെന്‍റിലേറ്ററിൽ തന്നെ തുടരുകയാണെന്നും അദ്ദേഹം അറിയിച്ചു.

പിതാവിന്‍റെ ആരോഗ്യ വിവരങ്ങൾ ഡോക്ടർമാർ തന്നെയാണ് അറിയിക്കാറുള്ളത്. അത്തരം ഘട്ടങ്ങളിൽ ഞാൻ തന്നെ അത് മാധ്യമങ്ങളെ അറിയിക്കുമെന്നും ചരൺ വ്യക്തമാക്കി.

അതേസമയം, രാവിലെ ഒരു പി.ആർ ഏജൻസിയാണ് ബാലസുബ്രഹ്​മണ്യത്തിന്‍റെ കോവിഡ് ഫലം നെഗറ്റീവായെന്ന് അറിയിച്ചത്.

കോവിഡ്​ ബാധിച്ചതിനെ തുടർന്ന് ആഗസ്റ്റ്​ അഞ്ചിനാണ് എസ്.പി.ബിയെ എം.ജി.എം ഹെല്‍ത്ത്കെയര്‍ ആശുപത്രിയില്‍ പ്രവേശിപ്പിച്ചത്. ​ആരോഗ്യ നില വഷളായ അദ്ദേഹം ഐ.സി.യുവിലാണ്. പൂർണ ആരോഗ്യവാനായി അദ്ദേഹം മടങ്ങി വരാനായി സംഗീത ലോകം പ്രാർഥനയിലാണ്.