‘ടു കിൽ എ ടൈഗർ‘ ഓസ്കറിലേക്ക്

നിഷ പൗജ സംവിധാനം ചെയ്ത ഇന്ത്യൻ ഡോക്യുമെന്ററി ചിത്രം ‘ടു കിൽ എ ടൈഗറിന്‘ ഓസ്കർ നാമനിർദേശം. മികച്ച ഫീച്ചർ ഡോക്യുമെന്ററി വിഭാഗത്തിലാണ് ചിത്രം തെരഞ്ഞെടുത്തത്. ഝാർഖണ്ഡിൽ കൂട്ടബലാത്സംഗത്തിന് ഇരയായ പതിമൂന്നുകാരിയായ മകൾക്ക് നീതിതേടി കർഷകനായ പിതാവ് നടത്തുന്ന പോരാട്ടത്തിന്റെ കഥയാണ് ‘ടു കിൽ എ ടൈഗർ’. 21 അന്താരാഷ്ട്ര പുരസ്‌കാരങ്ങളാണ് ഡോക്യുമെന്ററി ഇതുവരെ നേടിയത്. ഇന്ത്യൻ വംശജയായ കനേഡിയൻ സംവിധായികയാണ് നിഷ പൗജ.