ചൂളമടിച്ചു പറന്നു നടക്കും നീലക്കവിളൻ വേലിത്തത്ത

വെ​റും ചു​ട്ടു​പൊ​ള്ളു​ന്ന മ​രു​ഭൂ​മി മാ​ത്ര​മ​ല്ല കു​വൈ​ത്ത്. ഋ​തു​ഭേ​ദ​ങ്ങ​ളു​ടെ ആ​വ​ർ​ത്ത​ന​ങ്ങ​ളി​ൽ രാ​ജ്യം പ​ല കാ​ലാ​വ​സ്ഥ​ക​ളി​ലൂ​ടെ ക​ട​ന്നു​പോ​കു​ന്നു. പ​ല കാ​ഴ്ച​ക​ൾ​ക്കും സാ​ക്ഷി​യാ​കു​ന്നു. കു​വൈ​ത്തി​ലെ ശ​​ര​​ത്കാ​​ലം അ​ത്ത​രം കാ​ഴ്ച​ക​ളു​ടെ വ​സ​ന്ത​കാ​ല​മാ​ണ്. രാ​ജ്യ​ത്ത് വ​​ൻ​തോ​​തി​​ൽ ദേ​​ശാ​​ട​​ന​​പ്പ​​ക്ഷി​​ക​​ൾ എ​ത്തു​ന്ന സ​മ​യം. ത​​ണ്ണീ​​ർ​ത്ത​ട​​ങ്ങ​​ളി​​ലും ക​​ട​​ലോ​​ര​​ത്തും അ​​വ പ​​റ​​ന്നി​​റ​​ങ്ങും. ചി​​ല്ല​​ക​​ളി​​ൽ കൂ​​ടു​​കൂ​​ട്ടും. ആ​​കാ​​ശ​​ത്ത് ചി​​റ​​കു ​വി​​രി​​ക്കും. അ​​ങ്ങ​​നെ കാ​​ഴ്ച​​ക​​ളു​​ടെ വ​​ർ​​ണ​​ത്തൂ​​വ​​ലു​​ക​​ൾ വി​​ട​​ർ​​ത്തി ദി​​വ​​സ​​ങ്ങ​​ൾ കു​​വൈ​​ത്തി​​ൽ തു​​ട​​രും. ഒ​​ടു​​വി​​ൽ മ​​റ്റൊ​​രു ദേ​​ശ​​ത്തേ​​ക്ക് പ​​റ​​ന്നു​​പോ​​കും.

ഇ​തി​നൊ​പ്പം കു​വൈ​ത്തി​ന്റെ മാ​ത്രം പ​ക്ഷി​വ​ർ​ഗ​ങ്ങ​ളു​മു​ണ്ട്. മ​രു​ഭൂ​മി​യി​ലെ ചൂ​ടും ത​ണു​പ്പും ഒ​രു​പോ​ലെ മ​റി​ക​ട​ന്ന് അ​ത്ഭു​ത​പ്പെ​ടു​ത്തു​ന്ന​വ. പ​ല രൂ​പ​ങ്ങ​ളി​ൽ, കാ​ഴ്ച​ക​ളി​ൽ, സ്വ​ഭാ​വ​ങ്ങ​ളി​ൽ തു​ട​രു​ന്ന​വ. മ​ല​യാ​ളി​യും പ​ക്ഷി​നി​രീ​ക്ഷ​ക​നു​മാ​യ ഇ​ർ​വി​ൻ ജോ​സ് നെ​ല്ലി​ക്കു​ന്നേ​ൽ അ​വ പ​രി​ച​യ​പ്പെ​ടു​ത്തു​ന്നു. ‘കു​വൈ​ത്തി​ലെ തൂ​വ​ൽ കു​പ്പാ​യ​ക്കാ​ർ’ എ​ന്ന കോ​ള​ത്തി​ലൂ​ടെ.

യൂ​റോ​പ്പി​ൽ​നി​ന്ന് ആ​ഫ്രി​ക്ക​യി​ലേ​ക്ക് ദേ​ശാ​ട​നം ന​ട​ത്തു​ന്ന ഒ​രി​നം വേ​ലിത്തത്ത​യാ​ണ് നീ​ല​ക്കവി​ള​ൻ വേ​ലി​ത്തത്ത (ബ്ലൂ ​ചീ​ക്ഡ് ബീ ​ഈ​റ്റ​ർ). കു​വൈ​ത്തി​ൽ കൂ​ടി യാ​ത്ര ചെ​യ്യു​ന്ന ഇ​വ മി​ക്ക​പ്പോ​ഴും വ​ലി​യ കൂ​ട്ട​ങ്ങ​ളാ​യാ​ണ് ക​ണ്ടു​വ​രു​ന്ന​ത്. യാ​ത്ര ചെ​യ്യു​മ്പോ​ൾ നി​ര​ന്ത​രം ചൂ​ള​മ​ടി​ക്കു​ന്ന​ത് ഇ​വ​രു​ടെ പ്ര​ത്യേ​ക​ത​യാ​ണ്. കു​വൈ​ത്തി​ൽ പ്ര​ജ​ന​നം ന​ട​ത്തി​യ ചു​രു​ക്കം ചി​ല ദേ​ശാ​ട​നപ്പക്ഷി​ക​ളി​ൽ ഒ​ന്നു​മാ​ണി​വ.

മെ​ലി​ഞ്ഞ ശ​രീ​ര​പ്ര​കൃ​ത​മു​ള്ള ആ​ൺ-​പെ​ൺ പ​ക്ഷി​ക​ളെ ത​മ്മി​ൽ വ​ലി​യ വ്യ​ത്യ​സ​ങ്ങ​ൾ കാ​ഴ്ച​യി​ൽ ഇ​ല്ലെ​ങ്കി​ലും ആ​ൺ​പ​ക്ഷി​ക​ളു​ടെ അ​ങ്ക​വാ​ലി​ന് നീ​ള​ക്കൂ​ടു​ത​ൽ ഉ​ണ്ട്. പ​ല​യി​നം വേ​ലി​ത്തത്ത​ക​ളെ പോ​ലെ ത​ന്നെ നി​റ​ങ്ങ​ളാ​ൽ സ​മൃ​ദ്ധ​മാ​ണ് നീ​ല​ക​വി​ള​നും. തി​ള​ങ്ങു​ന്ന മ​ര​ത​ക നി​റ​ത്തി​ലു​ള്ള ഇ​വ​യു​ടെ ര​ണ്ടു ക​വി​ളി​ലും നീ​ല നി​റ​വും ക​ണ്ണി​ന് കു​റു​ക്കെ ക​റു​ത്ത പ​ട്ട​യും ക​ഴു​ത്തി​ൽ ഓ​റ​ഞ്ച് നി​റ​വും കാ​ണു​ന്നു. ഈ ​തി​ള​ങ്ങു​ന്ന നി​റം ത​ന്നെ​യാ​ണ് ദേ​ശാ​ട​ന​വേ​ള​യി​ൽ ഇ​വ​യു​ടെ ശാ​പ​വും. എ​ളു​പ്പം ക​ണ്ടെ​ത്താ​വു​ന്ന ഇ​വ പ​ക്ഷി വേ​ട്ട​ക്കാ​രു​ടെ സ്ഥി​രം ഇ​ര​യാ​ണ്.

തേ​നീ​ച്ച​പി​ടി​യ​ൻ എ​ന്നാ​ണ് ഇം​ഗ്ലീ​ഷ് പേ​രി​ന്റെ അ​ർ​ഥ​മെ​ങ്കി​ലും നീ​ല​ക്കവി​ള​ൻ വേ​ലി​ത്തത്ത​യു​ടെ മു​ഖ്യ ആ​ഹാ​രം തു​മ്പി​ക​ളാ​ണ്. പ​റ​ന്നു ന​ട​ന്ന് വേ​ട്ട​യാ​ടാ​ൻ മി​ടു​ക്ക​രാ​ണ് ഇ​വ​ർ. തു​മ്പി​ക​ളെ കൂ​ടാ​തെ തേ​നീ​ച്ച, ക​ട​ന്ന​ൽ, വെ​ട്ടു​കി​ളി എ​ന്നി​വ​യും ഇ​വ​ർ ആ​ഹാ​ര​മാ​ക്കു​ന്നു. ഒ​റ്റ​പ്പെ​ട്ട മ​ര​ങ്ങ​ളു​ള്ള തു​റ​സ്സാ​യ സ്ഥ​ല​ങ്ങ​ൾ ആ​ണ് പ്ര​ധാ​ന ആ​വാ​സ​മേ​ഖ​ല.

കൊ​ക്കു​കൊ​ണ്ട് കു​ഴി​ച്ച് നി​ർ​മി​ക്കു​ന്ന മൂ​ന്ന​ടി മു​ത​ൽ പ​ത്ത​ടി വ​രെ നീ​ള​മേ​റി​യ മാ​ള​ങ്ങ​ൾ ആ​ണ് കൂ​ടു​ക​ൾ. മ​ണ​ൽ തി​ട്ട​ക​ളി​ലും കി​ഴു​ക്കാ​ന്‍ തൂ​ക്കാ​യ മ​ല​ഞ്ചെ​രി​വു​ക​ളി​ലും കൂ​ടു​ണ്ടാ​ക്കു​ന്നു. ഇ​വ ഇ​തി​നാ​യി കാ​സ്പി​യ​ൻ ക​ട​ലി​ന്റെ ക​ര​ക​ളാ​ണ് ഏ​റ്റ​വും അ​ധി​കം തി​ര​ഞ്ഞെ​ടു​ക്കു​ന്ന​ത്. ഒ​റ്റ​ക്കോ പ​ത്തി​ൽ അ​ധി​കം വ​രു​ന്ന കൂ​ട്ട​ങ്ങ​ളാ​യോ ഇ​വ കൂ​ടു​കൂ​ട്ടു​ന്നു. അ​ട​യി​രി​ക്കു​ന്ന​ത് മു​ത​ൽ ഭ​ക്ഷ​ണ​സ​മ്പാ​ദ​ന​ത്തി​ൽ വ​രെ കു​ട്ടി​ക​ളെ വ​ള​ർ​ത്തു​ന്ന​തി​ൽ തു​ല്യ ഉ​ത്ത​ര​വാ​ദി​ത്തം പാ​ലി​ക്കു​ന്ന​വ​രാ​ണ് നീ​ല​ക്കവി​ള​ൻ വേ​ലി​ത്തത്ത​ക​ൾ.

Merops persicus എ​ന്നാ​ണ് ശാ​സ്ത്രീ​യ നാ​മം. മ​രു​ഭൂ​മി, ക​ട​ൽ​ത്തീ​ര​ങ്ങ​ൾ, ഫാ​മു​ക​ൾ തു​ട​ങ്ങി ദേ​ശാ​ട​ന​സ​മ​യ​ത്ത് കു​വൈ​ത്തി​ലെ എ​ല്ലാ​ത​രം ആ​വാ​സ​വ്യ​വ​സ്ഥ​ക​ളി​ലും ഇ​വ​യെ കാ​ണാം.