മ​ഴ കു​റ​ഞ്ഞു; ചാ​ല​ക്കു​ടി​പ്പു​ഴ​യോ​രത്ത് ജലക്ഷാമം

ചാ​ല​ക്കു​ടി: മ​ഴ മാ​റി​യ​തോ​ടെ ചാ​ല​ക്കു​ടി​പ്പു​ഴ​യോ​രത്ത് ജലക്ഷാമം. ജ​ല​നി​ര​പ്പ് താ​ഴ്ന്ന​തോ​ടെ പു​ഴ​യോ​ര​ത്തെ വീ​ടു​ക​ളി​ലെ കി​ണ​റു​ക​ളി​ലെ വെ​ള്ള​വും കു​റ​ഞ്ഞു. പു​ഴ​യി​ൽ പൊ​ടു​ന്ന​നെ വെ​ള്ളം കു​റ​യു​ന്ന​ത് പ്ര​ള​യ​കാ​ല​ത്തി​ന് ശേ​ഷ​മു​ള്ള പ്ര​തി​ഭാ​സ​മാ​ണ്.

ഇ​തി​ന് കാ​ര​ണം പു​ഴ​യി​ൽ കൂ​ടു​ത​ലാ​യി അ​ടി​ഞ്ഞ ച​ളി​യും മ​ണ്ണു​മാ​ണ്. പു​ഴ​യു​ടെ ആ​ഴം 2018ന് ​മു​മ്പ​ത്തെ​ക്കാ​ൾ വ​ള​രെ കു​റ​ഞ്ഞ​താ​യാ​ണ് നാ​ട്ടു​കാ​ർ പ​റ​യു​ന്ന​ത്. അ​തു​കൊ​ണ്ട് വെ​ള്ളം കൂ​ടു​ത​ൽ ഉ​ൾ​ക്കൊ​ള്ളാ​ൻ ക​ഴി​യു​ന്നി​ല്ല. പെ​രി​യാ​റി​ൽ ചെ​യ്ത​തു​പോ​ലെ ഇ​വി​ടെ​യും ച​ളി നീ​ക്കം ചെ​യ്യ​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്. എ​ന്നാ​ൽ, ക​ഴി​ഞ്ഞ വേ​ന​ൽ​ക്കാ​ല​ത്ത് ഇ​തി​ന്​ ചെ​റി​യ ശ്ര​മ​ങ്ങ​ൾ പ​ല​യി​ട​ത്തും ന​ട​ന്നി​രു​ന്നെ​ങ്കി​ലും നാ​ട്ടു​കാ​രു​ടെ എ​തി​ർ​പ്പ് നേ​രി​ടേ​ണ്ടി​വ​ന്നു.

വെ​ള്ളം ക​വി​ഞ്ഞൊ​ഴു​കി​യ പു​ഴ​യോ​ര​ത്തെ പു​ല്ലു​ക​ളും കാ​ട്ടു​പ​ട​ർ​പ്പു​ക​ളും ഇ​പ്പോ​ൾ ക​രി​ഞ്ഞ നി​ല​യി​ലാ​ണ്. ഒ​രാ​ഴ്ച മു​മ്പ് 7.27 മീ​റ്റ​റോ​ളം ഉ​ണ്ടാ​യി​രു​ന്ന ജ​ല​നി​ര​പ്പ് ര​ണ്ടു​മീ​റ്റ​റി​ൽ താ​ഴെ​യാ​യി പൊ​ടു​ന്ന​നെ കു​റ​ഞ്ഞ​ത് ആ​ശ​ങ്ക​ക്കി​ട​യാ​ക്കി. മു​ക​ൾ​ത്ത​ട്ടി​ലെ ഡാ​മു​ക​ളു​ടെ ഷ​ട്ട​റു​ക​ൾ അ​ട​ച്ച​തി​നാ​ൽ കാ​ര്യ​മാ​യ രീ​തി​യി​ൽ നീ​രൊ​ഴു​ക്കി​ല്ല. പെ​രി​ങ്ങ​ൽ​ക്കു​ത്തി​ലെ സ്ലൂ​യി​സ് ഗേ​റ്റു​ക​ൾ പൂ​ർ​ണ​മാ​യും അ​ട​ച്ചു. ഷോ​ള​യാ​റി​ലെ​യും ഷ​ട്ട​റു​ക​ൾ അ​ട​ച്ച​തി​നാ​ൽ വൈ​ദ്യു​തി ഉ​ൽ​പാ​ദ​ന​ത്തി​ന് ശേ​ഷ​മു​ള്ള ചെ​റി​യ രീ​തി​യി​ലെ വെ​ള്ളം മാ​ത്ര​മേ പെ​രി​ങ്ങ​ലി​ൽ എ​ത്തു​ന്നു​ള്ളൂ. പ​റ​മ്പി​ക്കു​ള​ത്തു​നി​ന്ന് 300 ക്യു​സെ​ക്സ് വെ​ള്ളം വ​രു​ന്നു​ണ്ട്. ദി​വ​സ​ങ്ങ​ളോ​ളം സം​ഹാ​ര​ഭാ​വ​ത്തി​ൽ ക​വി​ഞ്ഞൊ​ഴു​കി​യ അ​തി​ര​പ്പി​ള്ളി വെ​ള്ള​ച്ചാ​ട്ടം ഇ​പ്പോ​ൾ സാ​ധാ​ര​ണ ഗ​തി​യി​ലാ​ണ്.

അ​തേ​സ​മ​യം, പ്ര​ള​യ​ഭീ​തി ഒ​ഴി​ഞ്ഞ ആ​ശ്വാ​സ​ത്തി​ലാ​ണ് പു​ഴ​യോ​ര​വാ​സി​ക​ൾ. 2018 ലെ​യും '19 ലെ​യും പ്ര​ള​യ​ത്തി​ന് ശേ​ഷം ആ​ഗ​സ്റ്റ് 14, 15 തീ​യ​തി​ക​ൾ പു​ഴ​യോ​ര​വാ​സി​ക​ളു​ടെ പേ​ടി​സ്വ​പ്ന​മാ​ണ്. എ​ന്നാ​ൽ, വ​ലി​യ കു​ഴ​പ്പ​മി​ല്ലാ​തെ ഈ ​ദി​വ​സ​ങ്ങ​ൾ ക​ട​ന്നു​പോ​യ​തോ​ടെ ജ​നം ആ​ശ്വാ​സ​ത്തി​ലാ​ണ്.