പ്ര​കൃ​തി​യി​ല​ലി​ഞ്ഞു ന​ട​ക്കാ​ൻ പ്ര​കൃ​തി​പാ​ത

ഉ​മ്മു​ൽ ഖു​വൈ​നി​ലെ പ്ര​കൃ​തി വൈ​വി​ധ്യ​ങ്ങ​ളെ ന​ട​ന്നു കാ​ണാ​ൻ വി​നോ​ദ​സ​ഞ്ചാ​ര വ​കു​പ്പി​ന്‍റെ പു​തി​യ പ​ദ്ധ​തി​യാ​യ പ​രി​സ്ഥി​തി സൗ​ഹൃ​ദ പാ​ത സ​ഞ്ചാ​രി​ക​ൾ​ക്കാ​യി ഒ​രു​ങ്ങു​ന്നു. ഇ​ക്ക​ഴി​ഞ്ഞ ലോ​ക വി​നോ​ദ​സ​ഞ്ചാ​ര ദി​വ​സ​ത്തി​ൽ പ്ര​ഖ്യാ​പി​ച്ച ഈ ​പ​ദ്ധ​തി 2025 ആ​രം​ഭ​ത്തി​ൽ ത​ന്നെ വി​നോ​ദ​സ​ഞ്ചാ​രി​ക​ൾ​ക്കാ​യി തു​റ​ന്നു​കൊ​ടു​ക്കും എ​ന്നാ​ണ് ബ​ന്ധ​പ്പെ​ട്ട​വ​ർ അ​റി​യി​ച്ച​ത്.

ക​ണ്ട​ൽ​ക്കാ​ടു​ക​ളാ​ലും ചെ​റു​തു​രു​ത്തു​ക​ളാ​ലും സ​മ്പ​ന്ന​മാ​യ ഈ ​പ്ര​ദേ​ശ​ത്തേ​ക്ക് പ്ര​കൃ​തി ഭം​ഗി നു​ക​രാ​ൻ ഒ​ഴു​കി​യെ​ത്തു​ന്ന സ​ഞ്ചാ​രി​ക​ൾ നി​ര​വ​ധി​യാ​ണ്. പ​രി​സ്ഥി​തി​യെ നോ​വി​ക്കാ​തെ ത​യ്യാ​റാ​ക്കു​ന്ന ഈ ​പാ​ത യാ​ഥാ​ർ​ഥ്യ​മാ​കു​ന്ന​തോ​ടെ കി​ളി​ക​ളോ​ടും മീ​നു​ക​ളോ​ടും കി​ന്നാ​രം പ​റ​ഞ്ഞും കു​ളി​ർ​കാ​റ്റേ​റ്റും സ​ന്ദ​ർ​ശ​ക​ർ​ക്ക് പ്ര​കൃ​തി​യി​ൽ ന​ട​ത്തം ആ​സ്വ​ദി​ക്കാം. എ​മി​റേ​റ്റ്സ് നാ​ച്ചു​റ​ൽ ഡ​ബ്ള്യൂ ഡ​ബ്ള്യൂ എ​ഫു​മാ​യി സ​ഹ​ക​രി​ച്ചാ​ണ് ഈ ​പ​ദ്ധ​തി ടൂ​റി​സം ഡി​പ്പാ​ർ​ട്ട്മെ​ന്‍റ്​ ന​ട​പ്പി​ലാ​ക്കു​ന്ന​ത്.

ജൈ​വ​വൈ​വി​ധ്യ​ങ്ങ​ളെ​യും പ്ര​കൃ​തി​ദ​ത്ത​മാ​യ ത​ടാ​ക​ങ്ങ​ളെ​യും ക​ണ്ട​ൽ​ക്കാ​ടു​ക​ളു​ടെ പ്രാ​ധാ​ന്യ​ത്തെ​യും സ​ഞ്ചാ​രി​ക​ളെ ബോ​ധ​വ​ൽ​ക്ക​രി​ക്കു​ക, പ്ര​കൃ​തി​യു​മാ​യി മ​നു​ഷ്യ​രെ കൂ​ടു​ത​ൽ അ​ടു​പ്പി​ക്കു​ക എ​ന്നീ ല​ക്ഷ്യ​ങ്ങ​ളോ​ടെ​യാ​ണ് പ​ദ്ധ​തി ആ​വി​ഷ്ക​രി​ച്ച​ത് എ​ന്ന് ടൂ​റി​സം വ​കു​പ്പ് ഡ​യ​റ​ക്ട​ർ ജ​ന​റ​ൽ ഹൈ​ത്താം സു​ൽ​ത്താ​ൻ അ​ലി അ​റി​യി​ച്ചു. ല​ഗൂ​ണു​ക​ളു​ടെ​യും ക​ണ്ട​ൽ​ക്കാ​ടു​ക​ളു​ടെ​യും സൗ​ന്ദ​ര്യം ചോ​രാ​തെ പ്ര​കൃ​തി​ദ​ത്ത​മാ​യ സാ​മ​ഗ്രി​ക​ളാ​ണ് നി​ർ​മ്മാ​ണ​ത്തി​നാ​യി ഉ​പ​യോ​ഗി​ക്കു​ന്ന​ത്.

ത​ടി​യി​ൽ തീ​ർ​ത്ത 250 മീ​റ്റ​ർ നീ​ളം വ​രു​ന്ന ന​ട​പ്പാ​ത​യും വൃ​ക്ഷ​ങ്ങ​ൾ ത​ണ​ൽ വി​രി​ച്ച മ​ണ​ൽ കൂ​ന​ക​ൾ​ക്കി​ട​യി​ലൂ​ടെ​യു​ള്ള 1.8 മീ​റ്റ​ർ പാ​ത​യും ഇ​തി​ൻ​റെ ഭാ​ഗ​മാ​ണ്. കൂ​ടാ​തെ യ​ഥേ​ഷ്ടം സൂ​ച​നാ​ബോ​ർ​ഡു​ക​ളും ജൈ​വ വൈ​വി​ധ്യ​ങ്ങ​ളു​ടെ വി​വ​ര​ങ്ങ​ൾ അ​ട​ങ്ങി​യ കു​റി​പ്പു​ക​ളും നി​രീ​ക്ഷ​ണ​ത്തി​നാ​യി ഒ​രു മ​ജ്ലി​സും ഇ​തി​നോ​ട​നു​ബ​ന്ധി​ച്ച് സ​ജ്ജീ​ക​രി​ക്കും. ഇ​ത്ത​രം നൂ​ത​ന പ​ദ്ധ​തി​യി​ലൂ​ടെ എ​മി​റേ​റ്റി​ലേ​ക്കു​ള്ള സ​ഞ്ചാ​രി​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ദ്ധ​ന ഉ​ണ്ടാ​ക്കാ​നും അ​തു​വ​ഴി ടൂ​റി​സം മേ​ഖ​ല​യി​ലൂ​ടെ​യു​ള്ള വ​രു​മാ​നം ഉ​യ​ർ​ത്താ​നാ​കും എ​ന്നാ​ണ് വി​ല​യി​രു​ത്ത​ൽ.