മലിനീകരണം: 2019ൽ ഇന്ത്യയിൽ മരണം 23.5 ലക്ഷം​

ന്യൂ​ഡ​ൽ​ഹി: മ​ലി​നീ​ക​ര​ണം മൂ​ലം ഇ​ന്ത്യ​യി​ൽ 2019ൽ 23.5 ​ല​ക്ഷം പേ​ർ മ​രി​ച്ച​താ​യി പ​ഠ​നം. ഇ​തി​ൽ 16.7 ല​ക്ഷം മ​ര​ണ​വും അ​ന്ത​രീ​ക്ഷ മ​ലി​നീ​ക​ര​ണം മൂ​ലം. ലാ​ൻ​​സെ​റ്റ്​ ഹെ​ൽ​ത്ത്​ ജേ​ണ​ലാ​ണ് പ​ഠ​നം പു​റ​ത്തു​വി​ട്ട​ത്.

ആ​ഗോ​ള​ത​ല​ത്തി​ൽ, 2019-ൽ 90 ​ല​ക്ഷം പേ​രാ​ണ്​ മ​ലി​നീ​ക​ര​ണം മൂ​ലം മ​രി​ച്ച​ത്. ലോ​ക​ത്ത്​ ഏ​റ്റ​വും കൂ​ടു​ത​ൽ പേ​ർ മ​രി​ച്ച​തും ഇ​ന്ത്യ​യി​ൽ. രാ​ജ്യ​ത്തെ 16.7 ല​ക്ഷം മ​ര​ണ​ത്തി​ൽ 9.8 ല​ക്ഷ​വും ​ ശ്വാ​സ​കോ​​ശ​ത്തെ ഗു​രു​ത​ര​മാ​യി ബാ​ധി​ക്കു​ന്ന പി.​എം 2.5 തോ​ത്​ ഉ​യ​ർ​ന്ന​തു മൂ​ല​മാ​ണ് 6.1 ല​ക്ഷം മ​ര​ണം വീ​ടു​ക​ളി​ലെ വാ​യു മ​ലി​നീ​ക​ര​ണം മൂ​ല​മാ​ണെ​ന്നും ലാ​ൻ​സെ​റ്റ്​ വി​ശ​ദീ​ക​രി​ക്കു​ന്നു.

ഇ​ന്ത്യ​യി​ലെ 93 ശ​ത​മാ​നം പ്ര​​ദേ​ശ​ങ്ങ​ളി​ലും പി.​എം 2.5 മ​ലി​നീ​ക​ര​ണ തോ​ത്​ ലോ​കാ​രോ​ഗ്യ സം​ഘ​ട​ന നി​ശ്ച​യി​ച്ച അ​ള​വി​ന് മു​ക​ളി​ലാ​ണ്. ഇ​ന്തോ-​ഗം​ഗ സ​മ​ത​ല​ത്തി​ലാ​ണ് മ​ലി​നീ​ക​ര​ണം രൂ​ക്ഷം. ഇ​വി​ട​ത്തെ, ഭൂ​പ്ര​കൃ​തി, കാ​ലാ​വ​സ്ഥ, വ്യ​വ​സാ​യം, കൃ​ഷി, മ​റ്റു പ്ര​വ​ർ​ത്ത​ന​ങ്ങ​ൾ എ​ന്നി​വ​യി​ൽ നി​ന്നും വ​ലി​യ​തോ​തി​ൽ അ​ന്ത​രീ​ക്ഷം മ​ലി​നീ​ക​രി​ക്ക​പ്പെ​ടു​ന്ന​താ​യി പ​ഠ​നം വ്യ​ക്ത​മാ​ക്കു​ന്നു. വി​റ​കു ക​ത്തി​ക്കു​ന്ന​തും മ​റ്റും മൂ​ലം വീ​ടു​ക​ളി​ലു​ണ്ടാ​കു​ന്ന മ​ലി​നീ​ക​ര​ണം ഇ​ന്ത്യ​യി​ൽ മ​ര​ണ​ങ്ങ​ളു​യ​രാ​ൻ പ്ര​ധാ​ന കാ​ര​ണ​മാ​ണ്. ക​ൽ​ക്ക​രി, വി​ള​ക​ൾ ക​ത്തി​ക്ക​ൽ എ​ന്നി​വ മൂ​ല​വും അ​ന്ത​രീ​ക്ഷ മ​ലി​നീ​ക​ര​ണ തോ​ത് ഉ​യ​രു​ന്നു. വാ​യു മ​ലി​നീ​ക​ര​ണ നി​യ​ന്ത്ര​ണ​ത്തി​നാ​വ​ശ്യ​മാ​യ ശ​ക്ത​മാ​യ കേ​ന്ദ്രീ​കൃ​ത ഭ​ര​ണ​സം​വി​ധാ​നം ഇ​ന്ത്യ​ക്കി​ല്ലെ​ന്നും പ​ഠ​നം കു​റ്റ​​പ്പെ​ടു​ത്തു​ന്നു.

ഫോ​സി​ൽ-​ജൈ​വ ഇ​ന്ധ​ന​ങ്ങ​ൾ ക​ത്തി​ക്കു​ന്ന​തു​മൂ​ല​മു​ണ്ടാ​കു​ന്ന മ​ലി​നീ​ക​ര​ണം ആ​ഗോ​ള​ത​ല​ത്തി​ൽ മൊ​ത്തം 6.7 ദ​ശ​ല​ക്ഷം മ​ര​ണ​ങ്ങ​ൾ​ക്ക് കാ​ര​ണ​മാ​യി​ട്ടു​ണ്ട്. 2015 ൽ ​ഇ​ത് 4.2 ദ​ശ​ല​ക്ഷ​വും 2000ൽ 2.9 ​ദ​ശ​ല​ക്ഷ​വു​മാ​യി​രു​ന്നു.

ആ​ഗോ​ള​ത​ല​ത്തി​ൽ ഉ​ണ്ടാ​കു​ന്ന മ​ലി​നീ​ക​ര​ണ​ത്തി​ന്‍റെ ഭാ​രം പേ​റു​ന്ന​ത്​ താ​ഴ്ന്ന, ഇ​ട​ത്ത​രം വ​രു​മാ​ന​മു​ള്ള രാ​ജ്യ​ങ്ങ​ളാ​ണ്. അ​ന്താ​രാ​ഷ്ട്ര വി​ക​സ​ന അ​ജ​ണ്ട​യി​ൽ മ​ലി​നീ​ക​ര​ണം ത​ട​യു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ അ​വ​ഗ​ണി​ക്ക​പ്പെ​ടു​ന്ന​താ​യും ലാ​ൻ​സെ​റ്റ്​ പ​റ​യു​ന്നു.