കുവൈത്തിൽ ആശ്വാസമഴ, താപനിലയിൽ കുറവ്

കു​വൈ​ത്ത് സി​റ്റി: നീ​ണ്ട വേ​ന​ൽ​ക്കാ​ല​ത്തി​ന്റെ പൊ​ള്ളും ചൂ​ടി​ന് വി​രാ​മ​മി​ട്ട് കു​വൈ​ത്ത് കാ​ലാ​വ​സ്ഥ മാ​റ്റ​ത്തി​ന്റെ പു​തി​യ ഘ​ട്ട​ത്തി​ലേ​ക്കു ക​ട​ന്നു. വ്യാ​ഴാ​ഴ്ച രാ​വി​ലെ മു​ത​ൽ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ അ​നു​ഭ​വ​പ്പെ​ട്ട മ​ഴ അ​ന്ത​രീ​ക്ഷ​ത്തെ കു​ളി​ര​ണി​യി​ച്ചു. രാ​വി​ലെ ആ​രം​ഭി​ച്ച മ​ഴ രാ​ജ്യ​ത്തി​ന്റെ തെ​ക്ക​ൻ ഭാ​ഗ​ങ്ങ​ളി​ൽ കൂ​ടു​ത​ൽ ശ​ക്തി​യോ​ടെ പെ​യ്തു.

മ​റ്റി​ട​ങ്ങ​ളി​ൽ മ​​ഴ ശ​ക്ത​മാ​യി​ല്ലെ​ങ്കി​ലും കാ​ലാ​വ​സ്ഥ​യി​ലെ മാ​റ്റം പ്ര​ക​ട​മാ​യി​രു​ന്നു. മ​ഴ എ​ത്തി​യ​തോ​ടെ വ്യാ​ഴാ​ഴ്ച താ​പ​നി​ല​യി​ൽ കു​റ​വു​ണ്ടാ​യി.

വൈ​കാ​തെ താ​പ​നി​ല കു​റ​ഞ്ഞു​വ​രു​ക​യും ക​ടു​ത്ത ത​ണു​പ്പു​കാ​ല​ത്തേ​ക്ക് രാ​ജ്യം പ്ര​വേ​ശി​ക്കു​ക​യും ചെ​യ്യും. ത​ണു​പ്പു​കാ​ല വ​ര​വി​ന്റെ സൂ​ച​ന​യാ​യാ​ണ് മ​ഴ​യെ ക​ണ​ക്കാ​ക്കു​ന്ന​ത്. വ​രും​ദി​വ​സ​ങ്ങ​ളി​ൽ താ​പ​നി​ല​യി​ൽ ഗ​ണ്യ​മാ​യ കു​റ​വു​ണ്ടാ​കും. ക​ടു​ത്ത ചൂ​ടും ത​ണു​പ്പു​മി​ല്ലാ​ത്ത കാ​ലാ​വ​സ്ഥ​യാ​ണ് ഇ​പ്പോ​ൾ രാ​ജ്യ​ത്ത് അ​നു​ഭ​വ​പ്പെ​ടു​ന്ന​ത്.

രാ​ജ്യ​ത്ത് ശൈ​ത്യ​കാ​ലം ഒ​ക്ടോ​ബ​ർ 15ന് ​ആ​രം​ഭി​ക്കു​മെ​ന്ന് അ​ൽ ഒ​ജൈ​രി സ​യ​ന്റി​ഫി​ക് സെ​ന്റ​ർ നേ​ര​ത്തേ വ്യ​ക്ത​മാ​ക്കി​യി​രു​ന്നു. ശൈ​ത്യ​കാ​ലം നാ​ലു ഘ​ട്ട​ങ്ങ​ളാ​യി വി​ഭ​ജി​ക്ക​പ്പെ​ട്ടി​ട്ടു​ണ്ട്. ഓ​രോ ഘ​ട്ട​വും 13 ദി​വ​സം നീ​ണ്ടു​നി​ൽ​ക്കും. ഈ ​കാ​ല​യ​ള​വി​ൽ സൂ​ര്യ​ൻ തെ​ക്കോ​ട്ട് ചാ​യു​ന്ന​ത് തു​ട​രും. അ​തി​ന്റെ ഫ​ല​മാ​യി പ​ക​ൽ​സ​മ​യ​ത്ത് താ​പ​നി​ല കു​റ​യു​ക​യും മി​ത​മാ​യ കാ​ലാ​വ​സ്ഥ ആ​രം​ഭി​ക്കു​ക​യും ചെ​യ്യും.

അ​തേ​സ​മ​യം, വ​രും​ദി​വ​സ​ങ്ങ​ളി​ലും മ​ഴ​ക്കു സാ​ധ്യ​ത​യു​ണ്ട്. രാ​ജ്യ​ത്ത് മ​ഴ​ക്കാ​ലം മു​ന്നി​ൽ​ക​ണ്ട് സ​ജ്ജീ​ക​ര​ണ​ങ്ങ​ൾ ഒ​രു​ക്കി​യി​ട്ടു​ണ്ട്. മ​ഴ​ക്കാ​ല​ത്ത് ര​ക്ഷാ​പ്ര​വ​ർ​ത്ത​ന​ങ്ങ​ള്‍ ന​ല്‍കു​ന്ന​തി​നും അ​ടി​യ​ന്ത​ര സ​ഹാ​യ​ങ്ങ​ള്‍ എ​ത്തി​ക്കു​ന്ന​തി​നു​മാ​യി ഓ​പ​റേ​ഷ​ന്‍ റൂം ​സ​ജ്ജ​മാ​ക്കും. മ​ഴ​യ​ത്ത് വാ​ഹ​നം ഓ​ടി​ക്കു​മ്പോ​ൾ ജാ​ഗ്ര​ത പാ​ലി​ക്ക​ണ​മെ​ന്നും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന വാ​ഹ​നം ഡ്രൈ​വ് ചെ​യ്യ​രു​തെ​ന്നും അ​ധി​കൃ​ത​ർ നി​ർ​ദേ​ശി​ച്ചു.