തീ​രം പ​ച്ച​പ്പ​ണി​യു​ന്നു; ഈ ​വ​ർ​ഷം മാ​ത്രം 9000 ക​ണ്ട​ൽ തൈ​ക​ൾ

ദോ​ഹ: ക​ണ്ണെ​ത്താ​ദൂ​രം ഊ​ഷ​ര​മാ​യി നി​ല​ക്കു​ന്ന മ​ണ്ണ​ല്ല ഈ ​മ​രു​ഭൂ​നാ​ടി​​ന്റെ തീ​ര​ങ്ങ​ൾ. ക​ണ്ട​ലു​ക​ളും പ​ച്ച​പ്പു​മാ​യി അ​റേ​ബ്യ​ൻ മ​ണ്ണും മാ​റു​ക​യാ​ണ്. ഖ​ത്ത​ർ പ​രി​സ്ഥി​തി കാ​ലാ​വ​സ്ഥാ വ്യ​തി​യാ​ന മ​ന്ത്രാ​ല​യം ഈ ​വ​ർ​ഷം ഇ​തു​വ​രെ​യാ​യി രാ​ജ്യ​ത്തി​ന്റെ തീ​ര​ങ്ങ​ളി​ൽ വെ​ച്ചു​പി​ടി​പ്പി​ച്ച​ത് 9000ത്തി​ലേ​റെ ക​ണ്ട​ലു​ക​ൾ. ക​ണ്ട​ൽ​ക്കാ​ടു​ക​ളു​ടെ സം​ര​ക്ഷ​ണ​വും വ്യാ​പ​ന​വും മു​ൻ​നി​ർ​ത്തി​യാ​ണ് മ​ന്ത്രാ​ല​യം നേ​തൃ​ത്വ​ത്തി​ൽ തൈ​ക​ൾ വെ​ച്ചു​പി​ടി​പ്പി​ച്ച​ത്.

അ​ൽ ഗ​ഷാ​മി​യ കേ​ന്ദ്ര​ത്തി​ൽ​നി​ന്നു​ള്ള ആ​റാ​യി​രം ക​ണ്ട​ൽ തൈ​ക​ളും അ​ൽ ദ​ഖീ​റ മ​റൈ​ൻ ന​ഴ്‌​സ​റി​യി​ൽ​നി​ന്നു​ള്ള 3000 ക​ണ്ട​ൽ തൈ​ക​ളു​മാ​ണ് ഇ​തി​നാ​യി ശേ​ഖ​രി​ച്ച് തീ​ര​ങ്ങ​ളി​ൽ ന​ട്ട​തെ​ന്ന് മ​ന്ത്രാ​ല​യം അ​റി​യി​ച്ചു. ഖ​ത്ത​രി പ​രി​സ്ഥി​തി​യി​ലെ ഏ​റ്റ​വും പ്ര​ധാ​ന സ​സ്യ​ങ്ങ​ളി​ലൊ​ന്നാ​യ ക​ണ്ട​ൽ മ​ര​ങ്ങ​ളു​ടെ പ​രി​പാ​ല​ന​ത്തി​ലും സം​ര​ക്ഷ​ണ​ത്തി​ലും പ്ര​ത്യേ​ക പ്രാ​ധാ​ന്യം ന​ൽ​കാ​ൻ ഭ​ര​ണ​കൂ​ടം ആ​ഗ്ര​ഹി​ക്കു​ന്നു​ണ്ടെ​ന്നും മ​ന്ത്രാ​ല​യം പ്ര​സ്താ​വ​ന​യി​ൽ ചൂ​ണ്ടി​ക്കാ​ട്ടി.

മ​ണ്ണി​ലും ഇ​ല​ക​ളി​ലും ശാ​ഖ​ക​ളി​ലും ഗ​ണ്യ​മാ​യ കാ​ർ​ബ​ൺ സം​ഭ​രി​ക്കു​ന്ന പ്ര​ത്യേ​ക ഇ​നം സ​സ്യ​മാ​ണ് ക​ണ്ട​ൽ ചെ​ടി​ക​ൾ. ഒ​രു ഹെ​ക്ട​ർ ക​ണ്ട​ൽ​ക്കാ​ടു​ക​ൾ​ക്ക് മാ​ത്രം 3754 ട​ൺ കാ​ർ​ബ​ൺ സം​ഭ​രി​ച്ച് വെ​ക്കാ​ൻ സാ​ധി​ക്കു​മെ​ന്നാ​ണ് ശാ​സ്ത്രീ​യ പ​ഠ​ന​ങ്ങ​ൾ. അ​ഥ​വാ, 2650 കാ​റു​ക​ൾ ഒ​രു​വ​ർ​ഷ​ത്തേ​ക്ക് നി​ര​ത്തി​ൽ​നി​ന്ന് പി​ൻ​വ​ലി​ക്കു​മ്പോ​ൾ ത​ട​യാ​നാ​വു​ന്ന കാ​ർ​ബ​ണി​നോ​ളം അ​ള​വ്.

ഖ​ത്ത​റി​ലെ അ​ൽ​ഖോ​ർ, ദ​ഖീ​റ മേ​ഖ​ല​ക​ളി​ലാ​ണ് ക​ണ്ട​ൽ മ​ര​ങ്ങ​ൾ സ​മൃ​ദ്ധ​മാ​യി വ​ള​രു​ന്ന​ത്. 2006ലെ ​ആ​റാം ന​മ്പ​ർ നി​യ​മ​പ്ര​കാ​രം വ​ന്യ​ജീ​വി സം​ര​ക്ഷ​ണ കേ​ന്ദ്ര​മാ​യി ഇ​വ​യെ നി​ർ​ണ​യി​ച്ചി​ട്ടു​ണ്ട്.

അ​ൽ​റു​വൈ​സ്, ഉം ​അ​ൽ ഹൂ​ൽ, ഫു​വൈ​രി​ത്, റാ​സ് അ​ൽ മ​ത്ബ​ഖ് തു​ട​ങ്ങി​യ പ്ര​ദേ​ശ​ങ്ങ​ളി​ലും ക​ണ്ട​ൽ മ​ര​ങ്ങ​ൾ വി​ജ​യ​ക​ര​മാ​യി ന​ട്ടു​വ​ള​ർ​ത്താ​ൻ മ​ന്ത്രാ​ല​യ​ത്തി​ന് സാ​ധി​ച്ചി​ട്ടു​ണ്ട്. ലോ​ക​ത്ത് 80 ത​രം ക​ണ്ട​ൽ ചെ​ടി​ക​ളാ​ണു​ള്ള​ത്. എ​ന്നാ​ൽ, ഖ​ത്ത​ർ ഉ​ൾ​പ്പെ​ടെ അ​റേ​ബ്യ​ൻ ക​ട​ൽ തീ​ര​ങ്ങ​ളി​ൽ പ്ര​ധാ​ന​മാ​യും അ​വി​സെ​ന്ന മ​റി​ന (ക്രി​മി​യ) എ​ന്ന ഇ​ന​മാ​ണ് കൂ​ടു​ത​ലാ​യും കാ​ണു​ന്ന​ത്.

ഖ​ത്ത​റി​ന്റെ തീ​ര പ​രി​സ്ഥി​തി വ്യ​വ​സ്ഥ​ക​ൾ സം​ര​ക്ഷി​ക്കു​ന്ന​തി​നു​ള്ള ദേ​ശീ​യ പ​രി​പാ​ടി സ്ഥാ​പി​ക്കു​ന്ന​തി​ന് എ​ർ​ത്ത്‌​ന, ഖ​ത്ത​ർ സ​ർ​വ​ക​ലാ​ശാ​ല, എം.​ഒ.​ഇ.​സി.​സി എ​ന്നി​വ​ർ സം​യു​ക്ത​മാ​യ ക​രാ​റി​ൽ ഒ​പ്പു​വെ​ച്ചി​രു​ന്നു. ഖ​ത്ത​റി​ലെ ക​ണ്ട​ൽ​ക്കാ​ടു​ക​ൾ, വ​ന​ങ്ങ​ൾ, ക​ട​ൽ​പ്പു​ല്ലു​ക​ൾ, പ​വി​ഴ​പ്പു​റ്റു​ക​ൾ എ​ന്നി​വ സം​ര​ക്ഷി​ക്കാ​നും പു​നഃ​സ്ഥാ​പി​ക്കാ​നും പ​രി​പോ​ഷി​പ്പി​ക്കാ​നും ഈ ​ദീ​ർ​ഘ​കാ​ല ക​രാ​ർ ല​ക്ഷ്യ​മി​ടു​ന്നു.

അ​തേ​സ​മ​യം, ഫു​വൈ​രി​തി​ലെ തീ​ര​ദേ​ശ ഗ്രാ​മ​ത്തി​ൽ മ​ന്ത്രാ​ല​യം പു​തി​യൊ​രു മ​റൈ​ൻ ന​ഴ്‌​സ​റി​യും സ്ഥാ​പി​ച്ചി​ട്ടു​ണ്ട്. മ​റൈ​ൻ ന​ഴ്‌​സ​റി​ക​ളെ​ന്നാ​ൽ പ്ര​ത്യേ​ക ഇ​ന​ത്തി​ൽ​പെ​ടു​ന്ന അ​ധി​ക വ​ള​ർ​ച്ച​യെ​ത്താ​ത്ത സ​സ്യ​ങ്ങ​ളു​ടെ ആ​വാ​സ​വ്യ​വ​സ്ഥ​യാ​ണ്.