മ​ര​ച്ചി​ല്ല​ക​ൾ വെ​ട്ടി​മാ​റ്റി; കൂ​ടും ജീ​വ​നും ന​ഷ്ട​മാ​യി ദേ​ശാ​ട​ന​പ​ക്ഷി​ക​ൾ

ചെ​റു​തു​രു​ത്തി: വ​ഴി​യോ​ര​ത്തെ മ​ര​ങ്ങ​ളു​ടെ ചി​ല്ല വെ​ട്ടി​മാ​റ്റി​യ​തോ​ടെ ദേ​ശാ​ട​ന​പ​ക്ഷി​ക​ൾ​ക്ക് കൂ​ടും ജീ​വ​നും ന​ഷ്ട​മാ​യി. ബു​ധ​നാ​ഴ്ച രാ​ത്രി​യാ​ണ് വെ​ട്ടി​ക്കാ​ട്ടി​രി ജ​ങ്​​ഷ​നി​ൽ അ​ഞ്ച് മ​ര​ങ്ങ​ളു​ടെ മു​ക​ൾ​ഭാ​ഗ​ത്തെ ചി​ല്ല​ക​ൾ വെ​ട്ടി​നീ​ക്കി​യ​ത്. വ്യാ​ഴാ​ഴ്ച രാ​വി​ലെ നി​ര​വ​ധി പ​ക്ഷി​ക​ൾ ച​ത്ത് കി​ട​ക്കു​ന്ന​തും ബാ​ക്കി​യു​ള്ള​വ​യു​ടെ ക​ര​ച്ചി​ലു​മാ​ണ്​ നാ​ട്ടു​കാ​ർ കാ​ണു​ന്ന​ത്.

മ​ര​ത്തി​ൽ കൂ​ട് കൂ​ട്ടി​യി​രു​ന്ന പ​ക്ഷി​ക​ളു​ടെ ശ​ല്യം കാ​ര​ണം അ​ജ്ഞാ​ത​ർ മ​ര​ച്ചി​ല്ല​ക​ൾ വെ​ട്ടി നീ​ക്കി​യെ​ന്നാ​ണ്​ സം​ശ​യി​ക്കു​ന്ന​ത്. ബ​യോ നാ​ച്വ​റ​ൽ ക്ല​ബ് സം​സ്ഥാ​ന പ്ര​സി​ഡ​ന്‍റ്​ ഡോ. ​കെ.​എം. അ​ബ്ദു​സ്സ​ലാ​മും സം​ഘ​വു​മെ​ത്തി പ​ക്ഷി​ക്കു​ഞ്ഞു​ങ്ങ​ൾ​ക്ക് വെ​ള്ളം ന​ൽ​കി.

നാ​ട്ടു​കാ​ർ അ​റി​യി​ച്ച​ത​നു​സ​രി​ച്ച്​ പ​ക്ഷി​ക​ളെ സു​ര​ക്ഷി​ത​മാ​യി ക​ട​ലാ​സ് പെ​ട്ടി​ക​ളി​ലാ​ക്കി മാ​യ​ന്നൂ​ർ ഫോ​റ​സ്റ്റ് സ്റ്റേ​ഷ​നി​ലെ ഫോ​റ​സ്റ്റ് ഓ​ഫി​സ​ർ ടി. ​ഉ​ണ്ണി​കൃ​ഷ്ണ​ൻ നാ​യ​രു​ടെ നേ​തൃ​ത്വ​ത്തി​ലു​ള്ള സം​ഘം വ​ട​ക്കാ​ഞ്ചേ​രി​യി​ലെ വെ​റ്റി​ന​റി ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. മ​രം മു​റി​ച്ച​വ​ർ​ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ക്കു​മെ​ന്നും സം​ഭ​വ​ത്തി​ൽ കേ​സെ​ടു​ത്ത​താ​യും അ​ദ്ദേ​ഹം പ​റ​ഞ്ഞു.