പ്രളയ നഷ്ടപരിഹാരം; കാത്തിരിപ്പ്​ തുടരുന്നു

കൊ​ച്ചി: 2018ലെ ​പ്ര​ള​യം ഏ​റ്റ​വു​മ​ധി​കം ബാ​ധി​ച്ച ജി​ല്ല​ക​ളി​ലൊ​ന്നാ​ണ്​ എ​റ​ണാ​കു​ളം. നി​ര​വ​ധി വീ​ടു​ക​ളും പ്ര​ദേ​ശ​ങ്ങ​ളും ​വെ​ള്ളം ക​യ​റി ന​ശി​ക്കു​ക​യും പ​ല​ർ​ക്കും ജീ​വ​നും ജീ​വി​തോ​പാ​ധി​ക​ളും ന​ഷ്​​ട​മാ​കു​ക​യും ചെ​യ്തു. എ​ന്നാ​ൽ മ​ഹാ പ്ര​ള​യ​ത്തി​ൽ നാ​ശം നേ​രി​ട്ട ദു​രി​ത ബാ​ധി​ത​രി​ൽ പ​ല​രും ഇ​പ്പോ​ഴും ന​ഷ്ട പ​രി​ഹാ​രം തേ​ടി ഓ​ഫി​സു​ക​ൾ ക​യ​റി ഇ​റ​ങ്ങു​ക​യാ​ണ്​. എ​റ​ണാ​കു​ളം, കാ​ല​ടി, കൂ​വ​പ്പ​ടി​യ​ട​ക്കം പ​ഞ്ചാ​യ​ത്തു​ക​ളി​ലെ പ്ര​ള​യ​ബാ​ധി​ത​രി​ൽ​ പ​ല​ർ​ക്കും​ ഇ​പ്പോ​ഴും ന​ഷ്​​ട പ​രി​ഹാ​രം ല​ഭി​ച്ചി​ട്ടി​ല്ലെ​ന്നാ​ണ്​​ പ​രാ​തി. ന​ഷ്ട പ​രി​ഹാ​രം ന​ൽ​കാ​ൻ സ്ഥി​രം ലോ​ക്​ അ​ദാ​ല​ത്ത്​ ഉ​ത്ത​ര​വി​ട്ട്​​ ഒ​ന്ന​ര വ​ർ​ഷം ക​ഴി​ഞ്ഞി​ട്ടും​ ന​ട​പ​ടി​ക​ളൊ​ന്നു​മി​ല്ല. വീ​ടു​ക​ളി​ല​ട​ക്കം വെ​ള്ളം ക​യ​റി താ​മ​സ യോ​ഗ്യ​മ​ല്ലാ​താ​യി​ട്ടും കൃ​ത്യ​മാ​യ ന​ഷ്ട പ​രി​ഹാ​രം ല​ഭി​ക്കാ​ത്ത​തി​നെ തു​ട​ർ​ന്നാ​ണ്​​ കെ​ൽ​സ​യു​ടെ സ​ഹാ​യ​ത്തോ​ടെ​ ദു​രി​ത ബാ​ധി​ത​ർ ലോ​ക്​ അ​ദാ​ല​ത്തി​ൽ അ​പ്പീ​ൽ ന​ൽ​കി 2023ൽ ​​അ​നു​കൂ​ല വി​ധി സ​മ്പാ​ദി​ച്ച​ത്​. 10,000 മു​ത​ൽ ര​ണ്ട​ര​ല​ക്ഷം വ​രെ​യാ​ണ്​ പ​ല​ർ​ക്കും ന​ഷ്ട പ​രി​ഹാ​രം കി​ട്ടാ​നു​ള്ള​ത്​. ​താ​ലൂ​ക്കോ​ഫി​സു​ക​ളി​ൽ വി​ധി പ​ക​ർ​പ്പ്​ ല​ഭി​ച്ചി​ട്ടും ന​ട​പ​ടി​യു​ണ്ടാ​കു​ന്നി​ല്ലെ​ന്ന്​ ന​ഷ്​​ട പ​രി​ഹാ​ര​ത്തി​ന്​ അ​ർ​ഹ​രാ​യ​വ​ർ പ​റ​യു​ന്നു. പ്ര​ള​യം ക​ഴി​ഞ്ഞ്​ ആ​റ്​ വ​ർ​ഷ​വും വി​ധി വ​ന്നി​ട്ട്​ ഒ​ന്ന​ര​വ​ർ​ഷം പി​ന്നി​ട്ടി​ട്ടും ഓ​ഫി​സു​ക​ൾ ക​യ​റി ഇ​റ​ങ്ങു​ക​യാ​ണ്​ ഇ​വ​ർ. താ​ലൂ​ക്കോ​ഫി​സു​ക​ളി​ൽ പോ​കു​മ്പോ​ൾ ഫ​ണ്ടി​ല്ലെ​ന്ന മ​റു​പ​ടി​യാ​ണ്​ ല​ഭി​ക്കു​ന്ന​തെ​ന്നും ഇ​വ​ർ പ​റ​യു​ന്നു.

വി​ധി വ​ന്നു; ഓ​ഫി​സു​ക​ൾ ക​യ​റി മ​ടു​ത്ത്​ പ്ര​സാ​ദ്​

കാ​ല​ടി സ്വ​​ദേ​ശി​യാ​യ പ്ര​സാ​ദി​ന്‍റെ വീ​ടി​ന്​​​ പ്ര​ള​യ​ത്തെ തു​ട​ർ​ന്ന്​ വ്യാ​പ​ക കേ​ടു​പാ​ടു​ക​ൾ സം​ഭ​വി​ച്ചി​രു​ന്നു. എ​ന്നാ​ൽ നാ​ശ ന​ഷ്ട​മൊ​ന്നും ഉ​ണ്ടാ​യി​ട്ടി​ല്ലെ​ന്നാ​ണ്​​ റി​പോ​ർ​ട്ട്​ പോ​യ​ത്​. തു​ട​ർ​ന്ന്​ എ​റ​ണാ​കു​ളം സ്​​ഥി​രം അ​ദാ​ല​ത്തി​ൽ പ​രാ​തി​ ന​ൽ​കി.

പ​രാ​തി​ക്കാ​ര​ന്‍റെ കെ​ട്ടി​ട​ത്തി​ന്‍റെ കേ​ടു​പാ​ടു​ക​ൾ 60-74% വി​ഭാ​ഗ​ത്തി​ൽ വ​രു​മെ​ന്നും ര​ണ്ട്​ ല​ക്ഷ​ത്തോ​ളം രൂ​പ ന​ഷ്ട​പ​രി​ഹാ​ര​ത്തി​ന് അ​ർ​ഹ​ത​യു​ണ്ടെ​ന്നും വി​ധി​യി​ൽ ചൂ​ണ്ടി​ക്കാ​ട്ടു​ക​യും ചെ​യ്തു.

വി​ധി വ​ന്ന്​ ഒ​ന്ന​ര വ​ർ​ഷ​മാ​യി​ട്ടും ന​ട​പ​ടി​യി​ല്ല. ഫ​ണ്ടി​ല്ലെ​ന്ന മ​റു​പ​ടി​യാ​ണ്​ ല​ഭി​ക്കു​ന്ന​ത്. ​ ക​ല​ക്ട്രേ​റ്റി​ലും താ​ലൂ​ക്കോ​ഫി​സി​ലു​മ​ട​ക്കം ക​യ​റി ഇ​റ​ങ്ങി മ​ടു​ത്തെ​ന്നും ഇ​ദ്ദേ​ഹം പ​റ​യു​ന്നു.

ഫ​യ​ലു​ക​ൾ ‘ഉ​റ​ങ്ങു​ന്നു’

2018ൽ ​സ​മാ​ന​ത​ക​ളി​ല്ലാ​ത്ത വെ​ള്ള​പ്പൊ​ക്ക​ത്തി​നാ​ണ്​ ജി​ല്ല സാ​ക്ഷ്യം വ​ഹി​ച്ച​ത്. ചി​ല പ്ര​ദേ​ശ​ങ്ങ​ളി​ൽ, വെ​ള്ള​പ്പൊ​ക്കം കെ​ട്ടി​ട​ങ്ങ​ളെ പൂ​ർ​ണ​മാ​യും മു​ക്കി​ക്ക​ള​യു​ക​യും കെ​ട്ടി​ട​ത്തി​നും വീ​ട്ടു​പ​ക​ര​ണ​ങ്ങ​ൾ​ക്കും വ​ലി​യ നാ​ശ​ന​ഷ്ട​ങ്ങ​ൾ ഉ​ണ്ടാ​ക്കു​ക​യും ചെ​യ്തു. ആ​ളു​ക​ൾ അ​വ​രു​ടെ പാ​ർ​പ്പി​ട​വും വ്യാ​പാ​ര സ്ഥാ​പ​ന​ങ്ങ​ളും ഉ​പേ​ക്ഷി​ച്ച് ദു​രി​താ​ശ്വാ​സ ക്യാ​മ്പു​ക​ളി​ൽ അ​ഭ​യം തേ​ടാ​ൻ നി​ർ​ബ​ന്ധി​ത​രാ​യി. ​​​ര​ണ്ട്​ പ്ര​ള​യ​ത്തി​ൽ വ​സ്തു​വ​ക​ക​ളും വ​സ്തു​ക്ക​ളും ന​ഷ്ട​പ്പെ​ട്ട​വ​രി​ൽ നി​ന്ന്​ സ്ഥി​രം ലോ​ക്​ അ​ദാ​ല​ത്തി​ൽ​ നൂ​റു​ക​ണ​ക്കി​ന്​ അ​പേ​ക്ഷ​ക​ളാ​ണ്​ ല​ഭി​ച്ച​ത്​. ദി​നം പ്ര​തി മു​ന്നൂ​റി​ല​ധി​കം പ​രാ​തി​ക​ളാ​ണ്​ ല​ഭി​ച്ചി​രു​ന്ന​ത്. അ​പേ​ക്ഷ ന​ൽ​കു​ന്ന​തി​നാ​യി മ​ണി​ക്കൂ​റു​ക​ളാ​ണ്​ ആ​ളു​ക​ൾ കാ​ത്തു നി​ന്ന​ത്. അ​നു​കൂ​ല വി​ധി ഉ​ണ്ടാ​യി​ട്ടും ഉ​ദ്യോ​ഗ​സ്ഥ ത​ല​ത്തി​ൽ ന​ട​പ്പാ​ക്കേ​ണ്ട കാ​ര്യ​ങ്ങ​ളി​ൽ വീ​ഴ്ച ഉ​ണ്ടാ​യ​താ​ണ്​ ന​ഷ്​​ട പ​രി​ഹാ​രം ല​ഭി​ക്കു​ന്ന​തി​ന്​ ത​ട​സ്സ​മെ​ന്നാ​ണ്​​ ആ​ക്ഷേ​പം. ന​ഷ്ട പ​രി​ഹാ​രം തേ​ടി ന​ട​ന്ന്​ മ​ടു​ത്ത്​ പ​ല​രും ഇ​പ്പോ​ഴ​ത്​ ഉ​പേ​ക്ഷി​ച്ച മ​ട്ടി​ലാ​ണ്.