പ​ത്മശ്രീ ദം ​ബി​രി​യാ​ണി

അന്തരിച്ച പ്രശസ്ത ഇന്ത്യൻ പാചക വിദഗ്ധൻ ഇംതിയാസ് ഖു​റൈ​ശിയെ കുറിച്ച് ആ​റു വ​ർ​ഷം മുമ്പ് പ​ത്മ പു​ര​സ്കാ​ര​വേളയിൽ ‘മാധ്യമം’ രുചി മാഗസിനിൽ സ​വാ​ദ് റ​ഹ്മാ​ന്‍ എ​ഴു​തി​യ കു​റി​പ്പ്​...

രാ​ഷ്ട്രം ന​ല്‍കു​ന്ന സു​പ്ര​ധാ​ന സി​വി​ലി​യ​ന്‍ ബ​ഹു​മ​തി​യാ​യ പ​ത്മ പു​ര​സ്കാ​ര​ങ്ങ​ള്‍ക്ക് പാ​ച​ക രം​ഗ​ത്തു​ള്ള​വ​രെ​യും പ​രി​ഗ​ണി​ക്ക​ണം എ​ന്ന ആ​വ​ശ്യ​മു​യ​ര്‍ന്ന​പ്പോ​ള്‍ കേ​ന്ദ്ര​സ​ര്‍ക്കാ​ര്‍ പ​ല​വു​രു ആ​ലോ​ചി​ച്ചു. ഒ​ടു​വി​ല്‍ പാ​ച​ക​ത്തെ ഉ​ള്‍പ്പെ​ടു​ത്താ​ന്‍ തീ​രു​മാ​നി​ച്ച​പ്പോ​ള്‍ ആ​ദ്യ​കു​റി ആ​ര്‍ക്കു ന​ല്‍ക​ണം എ​ന്ന കാ​ര്യ​ത്തി​ല്‍ ആ​ലോ​ച​ന​യേ വേ​ണ്ടി​വ​ന്നി​ല്ല. രാ​ജ്യ​ത്തിന്‍റെ സ്വാ​ദു​മു​കു​ള​ങ്ങ​ളെ അ​സാ​ധ്യ​മാം വി​ധം സ്വാ​ധീ​നി​ച്ച അ​വ്ധ്-​ല​ഖ്ന​വി പാ​ച​ക​രീ​തി​യു​ടെ അ​തി​കാ​യ​നാ​യ ഇം​തി​യാ​സ് ഖു​റൈ​ശി​ക്കു ന​ല്‍കാ​തെ ആ​ര്‍ക്കു ന​ല്‍കാ​ന്‍. ഒ​മ്പ​താം വ​യ​സി​ല്‍ ബ്രി​ട്ടീ​ഷ് സൈ​നി​ക​ര്‍ക്ക് ഭ​ക്ഷ​ണ​മൊ​രു​ക്കി​യി​രു​ന്ന വ​ക​യി​ലൊ​രു അ​മ്മാ​വ​നൊ​പ്പം സ​ഹാ​യി ആ​യി ക​യ​റി ചെ​ന്ന​താ​ണ് പു​ക​യും സു​ഗ​ന്ധ​വും പാ​റു​ന്ന പാ​ച​ക ലോ​ക​ത്ത്. 87-ാം വ​യ​സി​ല്‍ രാ​ജ്യ​ത്തെ പ്ര​മു​ഖ ഹോ​ട്ട​ല്‍ ശൃം​ഖ​ല​യി​ല്‍ രു​ചി​യു​ടെ സ​ര്‍വ ​സൈ​ന്യാ​ധി​പ​ന്‍. ഈ ​വ​ര്‍ഷം റി​പ്പ​ബ്ളി​ക് ദി​ന ത​ലേ​ന്ന് പ്ര​ഖ്യാ​പി​ച്ച പ​ത്മ​ശ്രീ പു​ര​സ്കാ​രം ഫെ​ബ്രു​വ​രി 2ന് ​ജ​ന്‍മ​ദി​ന​മാ​ഘോ​ഷി​ച്ച ഗ്രാ​ന്‍റ് മാ​സ്റ്റ​ര്‍ ഷെ​ഫി​ന് രാ​ജ്യം ന​ല്‍കി​യ പി​റ​ന്നാ​ള്‍ സ​മ്മാ​ന​മാ​യി.

ല​ഖ്നോ​വി​ലെ ഹു​സൈ​നാ​ബാ​ദി​ല്‍ ജ​നി​ച്ച ഇം​തി​യാ​സി​ന്‍റെ ര​ക്ത​ത്തി​ല്‍ ത​ന്നെ രു​ചി​യു​ടെ ര​സ​ങ്ങ​ളു​ണ്ടാ​യി​രു​ന്നു. സു​ല്‍ത്താ​ന്‍മാ​ര്‍ക്കും ന​വാ​ബു​മാ​ര്‍ക്കും വേ​ണ്ടി ജോ​ലി​ക​ള്‍ ചെ​യ്തി​രു​ന്ന​വ​രാ​ണ് വ​ല്ലു​പ്പ​മാ​ര്‍.​ കൊല്‍ക്ക​ത്ത​യി​ലെ പേ​രു​കേ​ട്ട ക​റി​വെ​പ്പു​കാ​ര​നാ​യ അ​ഹ്മ​ദ് ചാ​പ്പ്വാ​ല പി​താ​മ​ഹ​ന്‍മാ​രി​ല്‍ ഒ​രാ​ളാ​ണ്. ഇ​റ​ച്ചി​വി​ല്‍പ്പ​ന​ക്കാ​ര​നാ​യി​രു​ന്ന പി​താ​വ് മു​റാ​ദ് അ​ലി പ​ട്ടാ​ള ബാ​ര​ക്കി​ല്‍ സാ​ധ​നം കൊ​ടു​ക്കാ​ന്‍ പോ​കു​മ്പോ​ള്‍ കൂ​ടെ പോ​യി​രു​ന്ന​ത് വ​ലി​യ അ​ടു​പ്പു​ക​ളും പാ​ത്ര​ങ്ങ​ളും നി​റ​ഞ്ഞ അ​ല്‍ഭു​ത ​ക​ല​വ​റ കാ​ണാ​മെ​ന്ന​തി​നാ​ലാ​ണ്. ഉ​മ്മ സ​ഖീ​ന​യു​ടെ ബ​ന്ധു​വാ​യി​രു​ന്നു അ​വി​ടു​ത്തെ മു​ഖ്യ പാ​ച​ക​ക്കാ​ര​ന്‍ ഹാ​ജി ഇ​ഷ്തി​യാ​ഖ്. അ​ദ്ദേ​ഹ​ത്തി​ന്‍റെ ശി​ഷ്യ​നാ​യി തു​ട​ങ്ങി​യ പ​യ്യ​ന്‍ മീ​ശ പൊ​ടി​ച്ചു തു​ട​ങ്ങു​മ്പോ​ഴേ​ക്കും ഉ​സ്താ​ദി​നെ വെ​ല്ലു​ന്ന മി​ക​വു പ്ര​ക​ട​മാ​ക്കി.

ഇ​രു​പ​തു കൊ​ല്ലം ഒ​രു ചി​ല്ലി​ക്കാ​ശു പോ​ലും ശ​മ്പ​ള​മി​ല്ലാ​യി​രു​ന്നു. ഭ​ക്ഷ​ണ​വും ചെ​ല​വും ക​ഴി​ഞ്ഞു പോ​കു​മെ​ന്നു മാ​ത്രം. ഉ​മ്മ​യു​ടെ നി​ര്‍ബ​ന്ധം മൂ​ല​മാ​ണ് അ​വി​ടു​ത്തെ ജോ​ലി വി​ട്ട് ല​ഖ്നോവി​ലെ പ്ര​ശ​സ്ത​മാ​യ കൃ​ഷ്ണ കാ​റ്റേ​ഴ്സി​ല്‍ ചേ​ര്‍ന്ന​ത്. ആ​ദ്യ പ്ര​ധാ​ന​മ​ന്ത്രി ജ​വ​ഹ​ര്‍ലാ​ല്‍ നെ​ഹ്റു​വി​നെ അ​മ്പ​ര​പ്പി​ക്കാ​ന്‍ അ​വ​സ​ര​മു​ണ്ടാ​യ​ത് അ​വി​ടെ വെ​ച്ചാ​ണ്. യു.​പി മു​ഖ്യ​മ​ന്ത്രി ആ​യി​രു​ന്ന സി.​ബി. ​ഗു​പ്ത ഒ​രു വി​രു​ന്നൊ​രു​ക്കി. പാ​ച​ക​ത്തി​നു ക​രാ​റു ന​ല്‍കി​യ​ത് കൃ​ഷ്ണ കാ​റ്റേ​ഴ്സി​ന്. യു​ദ്ധ​കാ​ല​മാ​ണെ​ന്നും വെ​ജി​റ്റേ​റി​യ​ന്‍ വി​ഭ​വ​ങ്ങ​ള്‍ മാ​ത്ര​മേ വി​ള​മ്പാ​വൂ എ​ന്നു പ്ര​ത്യേ​കം നി​ഷ്ക​ര്‍ഷി​ച്ചാ​ണ് പ​ണി ഏ​ല്‍പ്പി​ച്ച​ത്. നെ​ഹ്റു, ഡോ.​ സ​ക്കീ​ര്‍ ഹു​സൈ​ന്‍, ലാ​ല്‍ ബ​ഹാ​ദൂ​ര്‍ ശാ​സ്ത്രി, ഇ​ന്ദി​ര ഗാ​ന്ധി തു​ട​ങ്ങി​യ അ​തി​ഥി​ക​ള്‍ വി​രു​ന്നു മു​റി​യി​ല്‍ പ്ര​വേ​ശി​ച്ച​പ്പോ​ള്‍ പാ​ത്ര​ങ്ങ​ളി​ലെ​ല്ലാം വി​ശി​ഷ്ട വി​ഭ​വ​ങ്ങ​ള്‍ ത​ന്നെ. സ​സ്യ വി​ഭ​വ​ങ്ങ​ളാ​ണ് പാ​ച​കം ചെ​യ്യാ​ന്‍ നി​ര്‍ദേ​ശി​ച്ചി​രു​ന്ന​തെ​ന്ന് ഓ​ര്‍മ​പ്പെ​ടു​ത്തി​യ​പ്പോ​ള്‍ അ​തു പൂ​ര്‍ണ​മാ​യും പാ​ലി​ച്ചി​ട്ടു​ണ്ടെ​ന്ന് ഇം​തി​യാ​സി​ന്‍റെ മ​റു​പ​ടി. മു​ര്‍ഗ് മു​സ​ല്ല​മി​ന്‍റെ ത​നി​പ്പ​ക​ര്‍പ്പാ​യി ഉ​ണ്ടാ​ക്കി​യ ക​റി​യി​ല്‍ ചി​ക്ക​നു പ​ക​രം ച​ക്ക​യും മീ​ന്‍ മ​സാ​ല​യി​ല്‍ ചു​ര​ക്ക​യും ഷാ​മി ക​ബാ​ബി​ല്‍ ഇ​റ​ച്ചി​ക്കു പ​ക​രം താ​മ​ര​ത്ത​ണ്ടു​മാ​ണ് ചേ​ര്‍ത്ത​തെ​ന്ന​റി​ഞ്ഞ​പ്പോ​ള്‍ വ​ണ്ട​റ​ടി​ച്ചു പ​ണ്ഡി​റ്റ്ജി. ഭാ​ര​ത സ​ര്‍ക്കാ​ര്‍ ഡ​ല്‍ഹി​യി​ല്‍ അ​ശോ​കാ ഹോ​ട്ട​ല്‍ തു​ട​ങ്ങി​യ വേ​ള​യി​ല്‍ ഖു​റൈ​ശി​യെ വി​ളി​ച്ചു വ​രു​ത്തി ക​ബാ​ബും ബി​രി​യാ​ണി​യും മു​ര്‍ഗ് മു​സ​ല്ല​വും പാ​ച​കം ചെ​യ്യി​ച്ചു നെ​ഹ്റു.-​ഇ​ക്കു​റി അ​സ്സ​ല്‍ ചി​ക്ക​ന്‍ ത​ന്നെ!

നൂ​റ്റാ​ണ്ടു​ക​ള്‍ മു​ന്‍പ് അ​ന്യം നി​ന്നു​പോ​യ രു​ചി​കൂ​ട്ടു​ക​ളു​ടെ പൂ​ട്ടു​ക​ള്‍ നി​ര​ന്ത​ര പ​രീ​ക്ഷ​ണ പ​രി​ശ്ര​മ​ങ്ങ​ളി​ലൂ​ടെ പൊ​ട്ടി​ച്ച് പു​ന​ര്‍നി​ര്‍മി​ച്ചാ​ണ് ഇം​തി​യാ​സ് ഖു​റേ​ശി ഭ​ക്ഷ്യ​പ​ര്യ​വേ​ഷ​ക​രെ വി​സ്മ​യി​പ്പി​ച്ചു​പോ​ന്ന​ത്. പ്ര​പി​താ​മ​ഹ​ന്‍മാ​രാ​രോ ഉ​ണ്ടാ​ക്കി​യി​രു​ന്ന, അ​വ​രു​ടെ കാ​ല​ശേ​ഷം ദു​ര്‍ല​ഭ​മാ​യി​രു​ന്ന ക​ക്കോ​രി ക​ബാ​ബ് ഇം​തി​യാ​സ് ഔ​റം​ഗാ​ബാ​ദി​ലൊ​രു സ​ദ്യ​ക്ക് വി​ള​മ്പി.​ അ​ന്ന​ത്തെ ഐ.​ടി.​സി ചെ​യ​ര്‍മാ​ന്‍ എ.​എ​ന്‍. ഹ​ക്സ​ര്‍ ആ ​വി​രു​ന്നി​നു​ണ്ടാ​യി​രു​ന്നു. അ​സാ​ധ്യ രു​ചി​യി​ല്‍ മ​യ​ങ്ങി​പ്പോ​യ അ​ദ്ദേ​ഹം ഐ.​ടി.​സി​യു​ടെ പു​തു സം​രം​ഭ​മാ​യ ഹോ​ട്ട​ലി​ലേ​ക്ക് ക്ഷ​ണി​ച്ചു. താ​ജ് ഹോ​ട്ട​ലി​ല്‍ ഉ​യ​ര്‍ന്ന ത​സ്തി​ക വാ​ഗ്ദാ​നം ചെ​യ്യ​പ്പെ​ട്ടി​രു​ന്നെ​ങ്കി​ലും ഹ​ക്സ​റു​ടെ ക്ഷ​ണം സ്വീ​ക​രി​ച്ചു. പ​ക്ഷെ, പ​ണ്ഡാ​രി മു​ന്നോ​ട്ടു​വെ​ച്ച ഒ​രു നി​ബ​ന്ധ​ന പ​ഞ്ച​ന​ക്ഷ​ത്ര ഹോ​ട്ട​ലി​ലെ ഉ​ന്ന​ത​രെ വി​ഷ​മി​പ്പി​ച്ചു. പി​ച്ച​ള പാ​ത്ര​ത്തി​ലേ പാ​ച​കം ചെ​യ്യാ​നൊ​ക്കൂ എ​ന്ന ശാ​ഠ്യം ഒ​ഴി​വാ​ക്ക​ണ​മെ​ന്ന് അ​വ​ര്‍ ആ​വ​തു പ​റ​ഞ്ഞു നോ​ക്കി- ഒ​രു വി​ഭ​വം അ​തി​ന്‍റെ ത​ന​തു ശൈ​ലി​യി​ല്‍, കൃ​ത്യ​മാ​യ അ​ള​വി​ല്‍, ക​ണി​ശ​മാ​യ സ​മ​യ​ത്ത് പാ​ച​കം ചെ​യ്താ​ല്‍ മാ​ത്ര​മേ അ​തിന്‍റെ പേ​രി​നോ​ടും പൈ​തൃ​ക​ത്തോ​ടും നീ​തി പു​ല​ര്‍ത്തു​ക​യു​ള്ളൂ എ​ന്ന മ​റു​പ​ടി​യി​ല്‍ ഉ​റ​ച്ചു നി​ന്ന​തോ​ടെ ഹോ​ട്ട​ല്‍ അ​ധി​കൃ​ത​ര്‍ക്കു പി​റ​കോ​ട്ടു​പോ​വു​ക​യേ മാ​ര്‍ഗ​മു​ണ്ടാ​യി​രു​ന്നു​ള്ളു. പി​റ്റേ​ന്ന് ല​ഖ്നോവി​ലേ​ക്ക് വ​ണ്ടി ക​യ​റി അ​വി​ടു​ത്തെ അ​ങ്ങാ​ടി​യി​ല്‍ നി​ന്ന് ആ​വ​ശ്യ​മാ​യ പി​ച്ച​ള പാ​ത്ര​ങ്ങ​ളും മ​സാ​ല​ക്കൂ​ട്ടു​ക​ളും വാ​ങ്ങി​യാ​ണ് ഇം​തി​യാ​സ് മ​ട​ങ്ങി​യ​ത്.

ത​ങ്ങ​ള്‍ക്ക​റി​യാ​ത്ത കാ​ര്യ​ത്തി​ല്‍ ഈ ​വി​ജ്ഞാ​ന കോ​ശ​ത്തോ​ട് മ​ത്സ​രി​ക്കാ​തി​രി​ക്കാ​ന്‍ ഐ.​ടി.​സി ഉ​ന്ന​ത​ര്‍ കാ​ണി​ച്ച മ​ന​സ്സി​നു ഫ​ല​മു​ണ്ടാ​യി. ഐ.​ടി.​സി ഹോ​ട്ട​ലു​ക​ളി​ലെ ദം ​പ​ക്ത് വി​ഭ​വ​ങ്ങ​ള്‍ ലോ​ക നേ​താ​ക്ക​ളു​ടെ പോ​ലും മ​ന​സു പി​ടി​ച്ച​ട​ക്കി. മൈ​ദ മാ​വ് കു​ഴ​ച്ച് വാ​യ​ട​പ്പി​ച്ച പാ​ച​ക​ പാ​ത്ര​ത്തി​നു​ള്ളി​ല്‍ നി​ന്ന് പു​റ​ത്തു​ചാ​ടാ​ന്‍ ശ്ര​മി​ക്കു​ന്ന ആ​വി​യു​ടെ ത​ള്ള​ലി​ല്‍ പാ​കം ചെ​യ്യ​പ്പെ​ടു​ന്ന ദം ​വി​ഭ​വ​ങ്ങ​ള്‍ മ​റ്റെ​ല്ലാ പാ​ച​ക ശാ​ഖ​ക​ളെ​യും നി​ഷ്പ്ര​ഭ​മാ​ക്കി. ഗ്രാ​ന്‍റ് മാ​സ്റ്റ​ര്‍ ഷെ​ഫ് എ​ന്നു പ​റ​ഞ്ഞ് പ​ണി​യെ​ടു​ക്കാ​തെ മാ​റി ന​ട​ക്കി​ല്ല അ​ദ്ദേ​ഹം. ത​ന്‍റെ സാ​ന്നി​ധ്യം വേ​ണ്ട സ​മ​യ​ത്ത് ആ ​ചെ​മ്പു​ക​ള്‍ക്ക​രി​കി​ല്‍ എ​ത്തി​യി​രി​ക്കും. ബി​രി​യാ​ണി ചെ​മ്പു​ക​ള്‍ കു​ലു​ക്കി ആ​വി​യു​ടെ ചും​ബ​നം ഓ​രോ അ​രി​മ​ണി​മേ​ലും പ​തി​ഞ്ഞു​വെ​ന്ന് ഉ​റ​പ്പു​വ​രു​ത്തും. തീ ​കു​റ​വു​ള്ള​വ​യി​ല്‍ ക​ന​ല്‍ ഊ​തി​ക്കൊ​ടു​ക്കും. ഇ​ദ്ദേ​ഹം ഐ.​ടി.​സി ജോ​ലി തു​ട​ങ്ങി​യ ആ​ദ്യ ദി​വ​സം ത​യ്യാ​റാ​ക്കി​യ അ​തേ മെ​നു വാ​ണ് ദം ​പ​ക്ത്, ബു​ഖാ​റ റ​സ്റ്റ​റ​ന്‍റു​ക​ളി​ല്‍ ഇ​പ്പോ​ഴും തു​ട​രു​ന്ന​ത്. പ​തി​നാ​റു മ​ണി​ക്കൂ​ര്‍ പാ​കം ചെ​യ്ത് ത​യ്യാ​റാ​ക്കു​ന്ന ദാ​ല്‍ ബു​ഖാ​റ എ​ന്ന പ​രി​പ്പു ക​റി​യും അ​വി​ടു​ത്തെ റൊ​ട്ടി​യും ക​ഴി​ക്കാ​ന്‍ മാ​ത്രം വി​ദേ​ശി​ക​ള്‍ തി​ര​ഞ്ഞു പി​ടി​ച്ചെത്തു​ന്നു. ഇ​ന്ത്യ​ന്‍ ഭ​ക്ഷ​ണ​മെ​ന്നാ​ല്‍ ത​ന്തൂ​രി വി​ഭ​വ​ങ്ങ​ളോ ചി​ല ക​റി​ക​ളോ മാ​ത്ര​മാ​ണെ​ന്നു വീ​മ്പ് വി​ള​മ്പി​യി​രു​ന്ന മു​ഖ്യ​ധാ​ര​യു​ടെ മു​ഖ​ത്ത് ക​ടു​കു​വ​റു​ത്തു കൊ​ണ്ട് ഒ​രു​പാ​ട് വി​ഭ​വ​ങ്ങ​ള്‍ വീ​ണ്ടെ​ടു​ത്തു ഖു​റൈ​ശി. ആ ​പെ​രു​മ പ​ര​ന്ന​തോ​ടെ ദം​പ​ക്ത് റെ​സ്റ്റാ​റ​ന്‍റി​ന്‍റെ വ​ലി​പ്പ​വും വ​ര്‍ധി​ച്ചു.

മു​ന്‍ രാ​ഷ്ട്ര​പ​തി ഡോ.​ എ.​പി.​ജെ അ​ബ്ദു​ല്‍ ക​ലാ​മിന്‍റെ ഇ​ഷ്ട​വി​ഭ​വ​മാ​യി മാ​റി​യ വെ​ളു​ത്തു​ള്ളി പാ​യ​സം പോ​ലെ പ​ല​ത​രം അ​തി​ശ​യ​ങ്ങ​ളും ഇ​വി​ടെ വി​രി​ഞ്ഞു. ഓ​രോ അ​തി​ഥി​ക്കും വേ​ണ്ടി പ്ര​ത്യേ​കം പാ​ത്ര​ങ്ങ​ളി​ല്‍ ദം ​ബി​രി​യാ​ണി പാ​കം ചെ​യ്തു വി​ള​മ്പു​ക എ​ന്ന ആ​ശ​യം ആ​വി​ഷ്ക​രി​ച്ച​തും മ​റ്റാ​രു​മ​ല്ല. ‘ദം ​ബി​രി​യാ​ണി മ​ന​സി​നും ശ​രീ​ര​ത്തി​നും സു​ഖം പ​ക​രു​ന്ന ഏ​റ്റ​വും രു​ചി​യേ​റി​യ ഭ​ക്ഷ​ണ​മാ​ണ്. പ​ക്ഷെ വ​ലി​യ സ​ദ്യ​ക്ക് വ​ലി​യ പാ​ത്ര​ത്തി​ല്‍ ത​യ്യാ​റാ​ക്കി വി​ള​മ്പി വ​രു​മ്പോ​ള്‍ അ​തി​ന്‍റെ സു​ഗ​ന്ധം പ​ല​ര്‍ക്കും ല​ഭി​ക്കാ​തെ പോ​കും, ചൂ​ടും ന​ഷ്ട​മാ​വും’-​ഇ​താ​ണ് ഓ​രോ​ര്‍ത്ത​ര്‍ക്കു​മാ​യി പ്ര​ത്യേ​കം പാ​കം ചെ​യ്യാ​ന്‍ പ്രേ​ര​ക​മാ​യ​തെ​ന്ന് രു​ചി​പാ​ഠ​ങ്ങ​ളു​ടെ മ​ഹാ​ഗു​രു. ചേ​രു​വ​ക​ളും പാ​ത്ര​ങ്ങ​ളും അ​ടു​പ്പും ചേ​ര്‍ന്നാ​ല്‍ പോ​രാ മ​ന​സു​ക​ളും അ​ടു​ക്ക​ണം ഭ​ക്ഷ​ണം ന​ന്നാ​വാ​ന്‍. അ​പ്ര​ധാ​ന​മെ​ന്നു തോ​ന്നു​ന്ന ജോ​ലി ചെ​യ്യു​ന്ന​വ​രു​ടെ കൂ​ടി അ​ധ്വാ​ന​ത്തി​ന്‍റെ ഫ​ല​മാ​ണ് രു​ചി​യാ​യി മാ​റു​ന്ന​തെ​ന്നും സ​ഹ​പ്ര​വ​ര്‍ത്ത​ക​ര്‍ക്ക് മാ​ന്യ​ത ക​ല്‍പ്പി​ക്കു​മ്പോ​ള്‍ മാ​ത്ര​മേ ഭ​ക്ഷ​ണ​ത്തി​നും മാ​ന്യ​ത​യു​ണ്ടാ​വൂ എ​ന്നും വി​ശ്വ​സി​ക്കു​ന്ന ഇ​ദ്ദേ​ഹം അ​ടു​ക്ക​ള​യെ ആ​രാ​ധ​നാ​ല​യ​ത്തോ​ളം പ​വി​ത്ര​മാ​യി സൂ​ക്ഷി​ക്കു​ന്നു.

പ​ണ്ടു​കാ​ല​ങ്ങ​ളി​ല്‍ പാ​ച​ക​ക്കാ​ര്‍ക്ക് വ​ലി​യ പ​ദ​വി​യാ​ണ് ക​ല്‍പ്പി​ക്ക​പ്പെ​ട്ടി​രു​ന്ന​ത്. രാ​ജാ​ക്ക​ന്‍മാ​ര്‍ പ​ണ​വും പ​ത​ക്ക​ങ്ങ​ളും ഭൂ​മി​യും ന​ല്‍കി​യി​രു​ന്നു അ​വ​ര്‍ക്ക്. പി​ന്നെ​പ്പ​തു​ക്കെ പാ​ച​ക​പ്പ​ണി എ​ന്നാ​ല്‍ എ​ന്തോ കു​റ​ഞ്ഞ ജോ​ലി​യാ​ണെ​ന്ന സ​മീ​പ​നം വ​ള​ര്‍ന്നു. ഈ ​അ​ടു​ത്ത കാ​ല​ത്ത് പി​ന്നെ​യും അ​തു മാ​റി വ​രു​ന്നു​ണ്ട്. രാ​ജ്യ​ത്തി​ന്‍റെ ഇ​ത്ര​വ​ലി​യ ബ​ഹു​മ​തി ഒ​രു പാ​ച​ക​ക്കാ​ര​ന് ന​ല്‍കാ​ന്‍ തീ​രു​മാ​നി​ക്കു​മ്പോ​ള്‍ ന​മ്മു​ടെ അ​ധ്വാ​ന​ത്തി​ന് അം​ഗീ​കാ​ര​വും ബ​ഹു​മാ​ന്യ​ത​യും ന​ല്‍കാ​ന്‍ രാ​ജ്യം ഒ​രു​ക്ക​മാ​ണെ​ന്ന​തി​ന്‍റെ തെ​ളി​വാ​ണ്. അ​ത് വ​ലി​യ സ​ന്തോ​ഷം ത​ന്നെ​യാ​ണ് എ​ന്നാ​ണ് പ​ദ്മ​ശ്രീ പു​ര​സ്കാ​ര ല​ബ്ധി​യെ​ക്കു​റി​ച്ച് പ്ര​തി​ക​രി​ച്ച​ത്. (ഷെ​ഫും പാ​ച​ക പു​സ്ക​ത ര​ച​യി​താ​വു​മാ​യ ത​ര​ല്‍ ദ​ലാ​ലി​ന് 2007ല്‍ ​പ​ദ്മ​ശ്രീ ന​ല്‍കി​യെ​ങ്കി​ലും പാ​ച​ക​ക​ല​യെ പു​ര​സ്ക​രി​ച്ച് എ​ന്നു വ്യ​ക്ത​മാ​ക്കാ​ന്‍ സ​ര്‍ക്കാ​ര്‍ കൂ​ട്ടാ​ക്കി​യി​രു​ന്നി​ല്ല). ഇം​തി​യാ​സ് ഖു​റേ​ശി സ്ഥാ​പി​ച്ച രു​ചി​പ്പെ​രു​മ​യു​ടെ നേ​ര​വ​കാ​ശി​ക​ളാ​യി മ​ക്ക​ളും സ​ഹോ​ദ​ര പു​ത്ര​രും മു​പ്പ​തി​ലേ​റെ ഖു​റൈ​ശി​ക​ളാ​ണ് ഏ​ഷ്യ​യി​ലും യൂ​റോ​പ്പി​ലും പേ​രു​കേ​ട്ട അ​ടു​ക്ക​ള​ക​ളു​ടെ ചി​മ്മി​നി ജ്വ​ലി​പ്പി​ക്കു​ന്ന​ത്.

മ​ക്ക​ളാ​യ ഇ​ഷ്തി​യാ​ഖ് ഖു​റൈ​ശി ബോം​ബേ​യി​ലും ഡ​ല്‍ഹി​യി​ലും ക​കോ​രി ഹൗ​സ് എ​ന്ന പേ​രി​ല്‍ ക​ബാ​ബു​ക​ളു​ടെ​യും ബി​രി​യാ​ണി​യു​ടെ​യും രു​ചി​ശാ​ല​ക​ള്‍ ന​ട​ത്തു​ന്നു. അ​ഷ്ഫാ​ഖ് ഖു​റൈ​ശി, ഇ​ര്‍ഫാ​ന്‍ ഖു​റൈ​ശി, ഇ​ഹ്സാ​ന്‍ ഖൂ​റൈ​ശി എ​ന്നി​വ​ര്‍ ദു​ബൈ​യി​ലും ഇ​ന്ത്യ​യി​ലും ശാ​ഖ​ക​ളു​ള്ള ഗ്രാ​ന്‍റ് ക്യു​സീ​ന്‍സ് എ​ന്ന രു​ചി​കേ​ന്ദ്ര​വും ഇം​റാ​ന്‍ ഖു​റൈ​ശി ക​ബാ​ബ് ഹ​ട്ട് ഭോ​ജ​ന​ശാ​ല​യും ന​യി​ക്കു​ന്നു. മ​ക​ള്‍ ഐ​ഷ​യു​ടെ ഭ​ര്‍ത്താ​വ് ഗു​ലാം ഖു​റൈ​ശി ഐ.​ടി.​സി ഹോ​ട്ട​ലി​ല്‍ മാ​സ്റ്റ​ര്‍ ഷെ​ഫ് ആ​ണ്. ഇ​തി​നു പു​റ​മെ പേ​രി​നൊ​പ്പം ഖു​റൈ​ശി എ​ന്നു തി​രു​കി റ​സ്റ്റ​റ​ന്‍റു​ക​ള്‍ ന​ട​ത്തു​ന്ന​വ​രും സ്വ​ദേ​ശ​ത്തെ​യും വി​ദേ​ശ​ത്തെ​യും മു​ന്തി​യ ഹോ​ട്ട​ലു​ക​ളി​ല്‍ ജോ​ലി ത​ര​പ്പെ​ടു​ത്തു​ന്ന​വ​രു​മു​ണ്ടെ​ന്ന​റി​യു​മ്പോ​ള്‍ ഈ ​മ​നു​ഷ്യന്‍റെ ബ്രാ​ന്‍റ്മൂ​ല്യം വ്യ​ക്തം.

കൃ​ത്രി​മ സു​ഗ​ന്ധ​ങ്ങ​ള്‍, ചാ​യ​ങ്ങ​ള്‍ എ​ന്നി​വ പാ​ച​ക​ത്തി​ന് ഉ​ള്‍പ്പെ​ടു​ന്ന​തി​നേ​ക്കാ​ള്‍ ന​ല്ല​ത് ഭ​ക്ഷ​ണം ന​ല്‍കാ​തി​രി​ക്ക​ലാ​ണ് എ​ന്ന് ത​റ​പ്പി​ച്ചു പ​റ​യു​ന്നു ഇം​തി​യാ​സ് സാ​ബ്. ന​മു​ക്ക് സ്വ​ന്ത​മാ​യ മ​സാ​ല​ക്കൂ​ട്ടു​ക​ള്‍ ഇ​ത്ര​യേ​റെ ഉ​ള്ള​പ്പോ​ള്‍ വ്യാ​ജ സു​ഗ​ന്ധ​ങ്ങ​ള്‍ ഭ​ക്ഷ​ണ​ത്തി​ല്‍ ചേ​ര്‍ക്കു​ന്ന​ത് പാ​പം ത​ന്നെ. വ​ല്ല​പ്പോ​ഴും കി​ട്ടു​ന്ന ഒ​ഴി​വു നേ​ര​ത്ത് ഭ​ക്ഷ​ണ​ത്തെ​യും ച​രി​ത്ര​ത്തെ​യും കു​റി​ച്ച് ത​നി​ക്ക​റി​യാ​വു​ന്ന​തെ​ല്ലാം ആ​രു​മാ​യും പ​ങ്കു​വെ​ക്കാ​നും എ​പ്പോ​ഴും ത​യ്യാ​ര്‍-​ത​ന്‍റെ വി​ഭ​വ​ങ്ങ​ളി​ലെ മാ​ന്ത്രി​ക അ​നു​പാ​ദ​മൊ​ഴി​കെ. ത്രാ​സി​ല്‍ തൂ​ക്കി​യോ നാ​ഴി​യി​ല്‍ അ​ള​ന്നോ അ​ല്ല ചേ​രു​വ​ക​ള്‍ കൂ​ട്ടു​ന്ന​ത്. എ​ല്ലാം കൈ​ക്ക​ണ​ക്ക്. പാ​ച​കം ചെ​യ്യു​ന്ന​വ​ര്‍ക്കും വി​ള​മ്പു​ന്ന​വ​ര്‍ക്കും ക​ഴി​ക്കു​ന്ന​വ​ര്‍ക്കും തൃ​പ്തി​യു​ണ്ടാ​വ​ണേ എ​ന്നു പ​ട​ച്ച​വ​നെ വി​ളി​ച്ച് തു​ട​ങ്ങു​മെ​ന്നു പ​റ​യു​ന്നു ഖു​റൈ​ശി. ആ ​വി​ളി​ക്ക് അ​പ്പ​പ്പോ​ള്‍ ഉ​ത്ത​രം കി​ട്ടു​ന്നു​ണ്ടെ​ന്നു വേ​ണം ക​രു​താ​ന്‍. ഓ​ര്‍മ​യും കു​റു​മ്പും കൈ​പ്പു​ണ്യ​വും ഓ​രോ ദി​വ​സം പി​ന്നി​ടും തോ​റും ഏ​റി​ക്കൊ​ണ്ടി​രി​ക്കു​ന്നു.