ബീഫ് കട്ലറ്റ്
text_fieldsചേരുവകൾ
- ബീഫ്: 400 ഗ്രാം
- ഇഞ്ചി വെളുത്തുള്ളി ചതച്ചത്: അര ടീസ്പൂൺ
- മഞ്ഞൾ പൊടി : കാൽ ടീസ്പൂൺ
- കുരുമുളക് പൊടി: അര ടീസ്പൂൺ
- ഗരം മസാല : കാൽ ടീസ്പൂൺ
- ഉപ്പ്
- കിഴങ്ങ് : നാല്
- സവാള : രണ്ട്
- പച്ചമുളക് : മൂന്ന്
- ഇഞ്ചി : ചെറിയ കഷണം
- വെളുത്തുള്ളി : നാല്
- കശ്മീരി മുളകുപൊടി : കാൽ ടീസ്പൂൺ
- മഞ്ഞൾ പൊടി : കാൽ ടീസ്പൂൺ
- ഗരം മസാല: കാൽ ടീസ്പൂൺ
- കുരുമുളക് പൊടി : അര ടീസ്പൂൺ
- മല്ലിയില
- ഉപ്പ്
- ബ്രെഡ് പൊടി
- മുട്ട
- ഓയിൽ
ബീഫ് കട്ലറ്റ്
ബീഫ്, ഇഞ്ചി, വെളുത്തുള്ളി ചതച്ചതും, മഞ്ഞൾ, കുരുമുളക് പൊടി, ഗരം മസാല ഉപ്പും ചേർത്തുകുഴച്ച് കുക്കറിൽ നന്നായി വേവിച്ചെടുക്കുക. വേവിച്ച ബീഫ് വെള്ളം ഒട്ടുമില്ലാതെ വറ്റിച്ചെടുക്കണം.
പാനിൽ കുറച്ചു ഓയിലൊഴിച്ചു സവാള നന്നായി വഴറ്റുക. അതിലേക്ക് ചെറുതായി അരിഞ്ഞ പച്ചമുളക്, ഇഞ്ചി, വെളുത്തുള്ളി ചതച്ചത് ചേർത്തു നന്നായി വാടി വരുമ്പോൾ മുളകുപൊടി, മഞ്ഞൾ പൊടി, കുരുമുളക് (എരുവിന് അനുസരിച്ചു), ഗരം മസാല ആവശ്യത്തിന് ഉപ്പും ചേർത്ത് വഴറ്റുക.
അതിലേക്ക് വേവിച്ച ബീഫ് ചതച്ചെടുത്തതിനു ശേഷം കൂട്ടിലേക്ക് നന്നായി യോജിപ്പിക്കുക. അവസാനം വേവിച്ചു ഉടച്ചുവെച്ച കിഴങ്ങും കുറച്ചു മല്ലിയില ചെറുതായി അരിഞ്ഞതും ചേർത്തു നന്നായി മിക്സ് ചെയ്തതെടുക്കുക. ചൂട് മാറിയതിനുശേഷം ഓരോ ചെറിയ ഒരുളകളായി എടുത്ത് നമുക്ക് ഇഷ്ടമുള്ള ഷേപ്പ് തയാറാക്കി വെക്കുക. ഈ കട്ലറ്റ് മുട്ടയുടെ വെള്ളയിൽ മുക്കി ബ്രെഡ് പൊടിയിൽ കവർ ചെയ്തു നല്ല ചൂട് എണ്ണയിൽ പൊരിച്ചെടുക്കാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.