ചില്ലിഫ്ലേക്സ് ബീഫ് റോസ്റ്റ് തയാറാക്കാം
text_fieldsചില്ലിഫ്ലേക്സ് ബീഫ് റോസ്റ്റ്
ആവശ്യമായ സാധനങ്ങൾ:
- നെയ്യുള്ള ബീഫ് - ഒരു കിലോ
- തേങ്ങാക്കൊത്ത് - ആവശ്യത്തിന്
- സവാള - 5 എണ്ണം
- ചില്ലിഫ്ലേക്സ് - 50 ഗ്രാം
- ഉപ്പ് - ആവശ്യത്തിന്
- വെളിച്ചെണ്ണ -5 ടേബ്ൾ സ്പൂൺ
- കറിവേപ്പില - 6 തണ്ട്
- മഞ്ഞൾപൊടി -1/4 ടീസ്പൂൺ
തയാറാക്കുന്ന വിധം:
വൃത്തിയാക്കിയ ബീഫ് കാൽ ടീസ്പൂൺ മഞ്ഞൾപൊടി, രണ്ടു തണ്ട് കറിവേപ്പില, ഒരു സവാള അരിഞ്ഞത്, ഉപ്പ് എന്നിവ ചേർത്ത് കുക്കറിൽ വെള്ളം ഒഴിക്കാതെ വേവിച്ച് മാറ്റിവെക്കുക. ഒരു പാൻ അടുപ്പിൽ വെച്ച് ചൂടാകുമ്പോൾ അതിലേക്ക് 4 1/2 ടേബ്ൾ സ്പൂൺ വെളിച്ചെണ്ണ ഒഴിക്കുക.
അതിനുശേഷം തേങ്ങാക്കൊത്ത് ഇട്ട് ഇളക്കുക. അത് മൂത്തുവരുമ്പോൾ രണ്ടു തണ്ട് കറിവേപ്പില ഇടുക. അതിലേക്കു അരിഞ്ഞുവെച്ചിരിക്കുന്ന സവാളയും ആവശ്യത്തിന് ഉപ്പും ചേർത്ത് വഴറ്റുക. സവാള ബ്രൗൺ നിറമാകുമ്പോൾ അതിലേക്ക് 50 ഗ്രാം ചില്ലിഫ്ലേക്സ് ചേർത്ത് ഇളക്കുക.
ചില്ലിഫ്ലേക്സ് ചൂടായിക്കഴിയുമ്പോൾ അതിലേക്ക് വേവിച്ചു വെച്ചിരിക്കുന്ന ബീഫ് ചേർത്ത് ചെറിയ തീയിൽ 10 മിനിറ്റ് ഇളക്കികൊടുക്കുക. അവസാനം 1/2 ടീസ്പൂൺ വെളിച്ചെണ്ണയും രണ്ടു തണ്ട് കറിവേപ്പിലയും കൂടി ചേർത്ത് ഒരു മിനിറ്റ് അടച്ചുവെക്കുക. ചില്ലിഫ്ലേക്സ് ബീഫ് റോസ്റ്റ് തയാർ.
തയാറാക്കിയത്: പ്രീതി ബിനു
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.