അധിനിവേശ കാലത്തെ ഓർമകളുമായി ആ റൊട്ടികൾ വീണ്ടും

കുവൈത്ത് സിറ്റി: 1990ലെ ​ഇ​റാ​ഖി അ​ധി​നി​വേ​ശ കാ​ല​ത്തെ ഓ​ർ​മ​ക​ൾ 32 വ​ർ​ഷ​ത്തി​ന് ശേ​ഷം റൊ​ട്ടി പു​ന​ർ​നി​ർ​മാ​ണ​ത്തി​ലൂ​ടെ അ​ട​യാ​ള​പ്പെ​ടു​ത്തി കു​വൈ​ത്ത് ഫ്ലോ​ർ മി​ൽ​സ് ആ​ൻ​ഡ് ബേ​ക്ക​റീ​സ്. രാ​ജ്യ​ത്ത് അ​ര​ക്ഷി​താ​വ​സ​ഥ നി​ല​നി​ന്ന കാ​ല​ത്ത് ഏ​റെ പ്ര​യാ​സ​ങ്ങ​ൾ​ക്കി​ട​യി​ൽ ക​മ്പ​നി പ്ര​വ​ർ​ത്തി​ച്ച​തി​ന്റെ ഓ​ർ​മ​യു​മാ​യാ​ണ് റൊ​ട്ടി പു​ന​ർ​നി​ർ​മി​ച്ച​ത്.

അ​ധി​നി​വേ​ശ സ​മ​യ​ത്ത് ജ​ന​ങ്ങ​ളു​ടെ ആ​വ​ശ്യം നി​റ​വേ​റ്റു​ന്ന​തി​നു​ള്ള ദൗ​ത്യ​ത്തി​ൽ ഏ​ർ​പ്പെ​ട്ട വീ​ര​ന്മാ​രു​ടെ സ്മ​ര​ണ​യാ​യി ഇ​തി​നെ കാ​ണാ​മെ​ന്ന് ക​മ്പ​നി സി.​ഇ.​ഒ മു​ത്ത​ലാ​ഖ് അ​ൽ സാ​യി​ദ് പ​റ​ഞ്ഞു.

ത​വി​ട്, ഗോ​ത​മ്പ് പൊ​ടി, മൈ​ദ എ​ന്നി​വ ചേ​ർ​ത്ത് ഉ​ൽ​പാ​ദി​പ്പി​ക്കു​ന്ന റൊ​ട്ടി​ക്ക് അ​ന്ന് ല​ഭ്യ​മാ​യ വ​സ്തു​ക്ക​ൾ ഉ​പ​യോ​ഗി​ക്കേ​ണ്ടി വ​ന്നു. എ​ങ്കി​ലും അ​ധി​നി​വേ​ശ​ത്തി​ന്റെ ആ​ദ്യ ആ​ഴ്ച​ക​ളി​ൽ ബേ​ക്ക​റി​ക​ൾ ആ​ഴ്ച​യി​ൽ 24 മ​ണി​ക്കൂ​റും ഏ​ഴ് ദി​വ​സ​വും പൂ​ർ​ണ​ശേ​ഷി​യി​ൽ പ്ര​വ​ർ​ത്തി​ച്ചി​രു​ന്നു.

ജീ​വ​ന​ക്കാ​ർ ഈ ​ദി​വ​സ​ങ്ങ​ളി​ൽ ഏ​റെ ഭ​യ​പ്പാ​ടോ​ടെ​യാ​ണ് ജോ​ലി ചെ​യ്ത​ത്. സാ​ങ്കേ​തി​ക ജീ​വ​ന​ക്കാ​രു​ടെ അ​ഭാ​വ​വും ബ്രെ​ഡ് ഉ​ൽ​പാ​ദ​ന​ത്തി​ന് വേ​ണ്ട സാ​മ​ഗ്രി​ക​ളു​ടെ പ​രി​മി​തി​യും പ്ര​യാ​സം ഇ​ര​ട്ടി​യാ​ക്കി. എ​ന്നാ​ൽ, ഇ​ങ്ങ​നെ ഉ​ൽ​പാ​ദി​പ്പി​ക്കു​ന്ന റൊ​ട്ടി​ക്കാ​യും ആ​ളു​ക​ൾ നീ​ണ്ട​വ​രി​യി​ൽ കാ​ത്തു​നി​ന്നു.

1961ലാ​ണ് ​​കു​വൈ​ത്ത് ഫ്ലോ​ർ മി​ൽ ക​മ്പ​നി സ്ഥാ​പി​ച്ച​ത്. 1988ൽ ​കു​വൈ​ത്ത് ബേ​ക്ക​റീ​സ് ക​മ്പ​നി​യു​മാ​യി ചേ​ർ​ന്ന​തോ​ടെ ഗ​ൾ​ഫ് മേ​ഖ​ല​യി​ലെ വ​ലി​യ ഭ​ക്ഷ്യ ക​മ്പ​നി​ക​ളി​ലൊ​ന്നാ​യി ഇ​ത്.