ഇ​ന്ത്യ​ൻ മാമ്പഴ സീ​സ​ൺ അ​വ​സാ​നി​ക്കു​ന്നു; ഇ​നി പാ​കി​സ്താ​ൻ മാ​മ്പഴക്കാലം

മ​സ്ക​ത്ത്: ഒ​മാ​ൻ മാ​ർ​ക്ക​റ്റു​ക​ളി​ൽ അ​ട​ക്കി​വാ​ണി​രു​ന്ന ഇ​ന്ത്യ​ൻ മാമ്പഴ സീ​സ​ൺ അ​വ​സാ​നി​ക്കു​ന്നു. ഇ​ന്ത്യ​ൻ മാ​ങ്ങ​ക​ളാ​യ ബ​ദാ​മി, രാ​ജാ​പൂ​രി, മ​ൾ​ഗോ​വ, അ​ൽ​ഫോ​ൻ​സ, പി​യൂ​ർ, കേ​സ​ർ, നീ​ല​ൻ, മ​ല്ലി​ക, റൊ​മാ​നി, ഹി​മ പ​സ​ന്ത്, മൂ​വാ​ണ്ട​ൻ, കോ​ള​ത്ത​റ തു​ട​ങ്ങി​യ മാ​ങ്ങ​ക​ളാ​യി​രു​ന്നു ഇ​തു വ​രെ മാ​ർ​ക്ക​റ്റു​ക​ളി​ൽ സു​ല​ഭ​മാ​യി ല​ഭി​ച്ചി​രു​ന്ന​ത്. ഇ​വ​ക്കൊ​പ്പം യ​മ​ൻ മാ​ങ്ങ​ക​ളാ​യ ക​ൽ​ബ​ത്തൂ​ർ, തൈ​മൂ​ർ, റൂ​മി, സി​ദ്ധ തു​ട​ങ്ങി​യ​വ​യു​ടെ​യും സീ​സ​ൺ അ​വ​സാ​നി​ക്കു​ക​യാ​ണ്. ഇ​ന്ത്യ​ൻ മാ​ങ്ങ​ക​ളി​ൽ രു​ചി​യി​ലും ഗു​ണ​ത്തി​ലും അ​ൽ​ഫോ​ൻ​സ​യാ​ണ് ഒ​ന്നാ​മ​ൻ. ബ​ദാ​മി​യാ​ണ് ഗു​ണ​ത്തി​ൽ തൊ​ട്ട​ടു​ത്ത് നി​ൽ​ക്കു​ന്ന​ത്.

ഇ​ന്ത്യ​ൻ, യ​മ​ൻ മാ​ങ്ങ​ക​ളു​ടെ സീ​സ​ൺ അ​വ​സാ​നി​ക്കാ​ന​ടു​ത്ത​തോ​ടെ പാ​കി​സ്താ​നി​ൽ നി​ന്നു​ള്ള​വ വി​പ​ണി​യി​ലെ​ത്തി​യി​ട്ടു​ണ്ട്. ഇ​തോ​ടെ മാ​ങ്ങ​ക​ളു​ടെ വി​ല​യും കു​റ​ഞ്ഞു തു​ട​ങ്ങി. പാ​കി​സ്താ​ൻ മാ​ങ്ങ​ക​ളാ​യ സി​ന്ധ​രി, അ​ൽ​മാ​സ് തു​ട​ങ്ങി​യ നി​ര​വ​ധി ഇ​ന​ങ്ങ​ൾ ഇ​പ്പോ​ൾ ല​ഭ്യ​മാ​ണ്. പാ​കി​സ്താ​ൻ മാ​ങ്ങ​ക​ൾ​ക്ക് രു​ചി​യി​ലും ഗു​ണ​ത്തി​ലും മി​ക​ച്ച​തും ഇ​ന്ത്യ​ൻ മാ​ങ്ങ​ക​ളെ അ​പേ​ക്ഷി​ച്ച് വി​ല കു​റ​വു​മാ​ണ്. സി​ന്ധ​രി​യാ​ണ് പാ​കി​സ്താ​ൻ മാ​ങ്ങ​ക​ളി​ൽ മി​ക​ച്ച​ത്. കൂ​ടാ​തെ താ​യ്‍ല​ൻ​ഡ്, വി​യ​റ്റ്നാം തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​ള്ള മാ​ങ്ങ​യും വി​പ​ണി​യി​ലു​ണ്ട്.​ പാ​കി​സ്താ​ൻ മാ​ങ്ങ​ക​ൾ വി​പ​ണി​യി​ലെ​ത്തു​ന്ന​തോ​ടെ​യാ​ണ് മാ​ങ്ങ വി​പ​ണി കൂ​ടു​ത​ൽ സ​ജീ​വ​മാ​വു​ന്ന​ത്. നി​ല​വി​ൽ പാ​കി​സ്താ​ൻ മാ​ങ്ങ​ക്ക് കാ​ർ​ട്ട​ന് 2.400 റി​യാ​ലാ​ണ് വി​ല. കൂ​ടു​ത​ൽ മാ​ങ്ങ​ക​ൾ എ​ത്തു​ന്ന​തോ​ടെ വി​ല​യും കു​റ​യും.

സാ​ധാ​ര​ണ പാ​കി​സ്താ​ൻ മാ​ങ്ങ വി​പ​ണി​യി​ലെ​ത്തു​ന്ന​തോ​ടെ ആ​ദ്യ​കാ​ല​ത്ത് വി​ല കൂ​ടു​മെ​ങ്കി​ലും പി​ന്നീ​ട് വി​ല വ​ല്ലാ​തെ താ​ഴാ​റു​ണ്ട്. മു​ൻ​കാ​ല​ത്ത് ഒ​രു റി​യാ​ലി​നും 1.200നു​മൊ​ക്കെ കാ​ർ​ട്ട​ൻ ല​ഭി​ക്കാ​റു​ണ്ടാ​യി​രു​ന്നു. എ​ന്നാ​ൽ, അ​ടു​ത്തി​ടെ പാ​കി​സ്താ​ൻ മാ​ങ്ങ​യു​ടെ വി​ല വ​ല്ലാ​തെ കു​റ​ഞ്ഞി​ട്ടി​ല്ല. മാ​ങ്ങ കൊ​ണ്ടു​വ​രാ​നു​ള്ള ഗ​താ​ഗ​ത, ക​​ണ്ടെ​യ്ന​ർ നി​ര​ക്കു​ക​ൾ വ​ർ​ധി​ച്ച​താ​ണ്​ വി​ല കു​റ​യാ​ത്ത​തെ​ന്ന്​ സു​ഹൂ​ൽ അ​ൽ ഫൈ​ഹ മാ​നേ​ജി​ങ് ഡ​യ​റ​ക്ട​ർ അ​ബ്ദു​ൽ വാ​ഹി​ദ് പ​റ​ഞ്ഞു. മു​ൻ​കാ​ല​ങ്ങ​ളി​ൽ ലോ​ഞ്ചു​ക​ളി​ലാ​യി​രു​ന്നു മാ​ങ്ങ​യും മ​റ്റും എ​ത്തി​യി​രു​ന്ന​ത്. എ​ന്നാ​ൽ, ഇ​പ്പോ​ൾ ക​ണ്ടെ​യ്ന​റു​ക​ളി​ലാ​ണ് കൊ​ണ്ടു​വ​രു​ന്ന​ത്. കോ​വി​ഡ് പ്ര​തി​സ​ന്ധി​ക്ക് ശേ​ഷം ക​ണ്ടെ​യ്ന​ർ നി​ര​ക്കു​ക​ളും ച​ര​ക്കു​ഗ​താ​ഗ​ത നി​ര​ക്കു​ക​ളും ആ​ഗോ​ള​ത​ല​ത്തി​ൽ ഉ​യ​ർ​ന്ന​താ​യും അ​ദ്ദേ​ഹം പ​റ​ഞ്ഞു.