വിപണിയിൽ ഇനി റുത്താബും മാമ്പഴവും മധുരം പകരും

വി​പ​ണി​യി​ൽ ഇ​നി തേ​നൂ​റും മ​ധു​ര​മു​ള്ള റു​ത്താ​ബു​ക​ളു​ടെ​യും മാ​മ്പ​ഴ​ങ്ങ​ളു​ടെ​യും വി​പ​ണ​ന കാ​ല​മാ​ണ്. ഈ​ത്ത​പ്പ​ഴ​ങ്ങ​ൾ പ​ഴു​ത്ത് തു​ട​ങ്ങി​യ​തോ​ടെ അ​ൽ​ഐ​ൻ വി​പ​ണി​യി​ൽ അ​വ​യു​ടെ വി​പ​ണ​ന​വും സ​ജീ​വ​മാ​യി. പ​കു​തി പ​ഴു​പ്പെ​ത്തി​യ ഖ​ലാ​സും പ​ഴു​ത്ത് മൃ​ദു​ല​മാ​യ റു​ത്താ​ബു​മാ​ണ്‌ വി​പ​ണി​യി​ൽ എ​ത്തി​ത്തു​ട​ങ്ങി​യ​ത്. സീ​സ​ണി​ന്‍റെ തു​ട​ക്ക​ത്തി​ൽ ഒ​മാ​നി​ൽ​നി​ന്നു​മാ​ണ് ഈ​ത്ത​പ്പ​ഴം എ​ത്തു​ന്ന​ത്. ഒ​മാ​ൻ സ്വ​ദേ​ശി​ക​ൾ അ​ൽ​ഐ​നി​ലെ​ത്തി സ്വ​ദേ​ശി​ക​ൾ​ക്ക് നേ​രി​ട്ട് കൈ​മാ​റു​ക​യാ​ണ് പ​തി​വ്. തു​ട​ക്ക​ത്തി​ൽ ഒ​മാ​നി​ക​ൾ മാ​ത്ര​മാ​ണ് റു​ത്താ​ബു​ക​ൾ ക​ച്ച​വ​ടം ന​ട​ത്തു​ക. ആ ​സ​മ​യ​ത്ത് ഒ​രു കി​ലോ​ക്ക് 300 ദി​ർ​ഹം മു​ത​ൽ 500 ദി​ർ​ഹം വ​രെ​യാ​ണ് വി​ല.

ഇ​പ്പോ​ൾ ഒ​രു കി​ലോ​ക്ക് 100 ദി​ർ​ഹ​മി​നാ​ണ് വി​പ​ണ​നം ന​ട​ക്കു​ന്ന​ത്. ഈ ​വ​ർ​ഷം ചൂ​ട് കൂ​ടാ​ൻ വൈ​കി​യ​തും ഒ​മാ​നി​ൽ ഇ​ട​ക്കി​ടെ മ​ഴ ല​ഭി​ക്കു​ന്ന​തും റു​ത്താ​ബ് വി​പ​ണി​യെ ബാ​ധി​ച്ചി​ട്ടു​ണ്ടെ​ന്ന് ക​ച്ച​വ​ട​ക്കാ​ർ പ​റ​യു​ന്നു. ഒ​മാ​നി​ലെ തോ​ട്ട​ങ്ങ​ളി​ൽ നി​ന്ന് വ​രു​ന്ന നെ​ഗാ​ൾ, ചു​വ​പ്പ് നി​റ​മു​ള്ള ജെ​ഷ്​​വ എ​ന്നീ ഇ​ന​ങ്ങ​ളാ​ണ് പ്ര​ധാ​ന​മാ​യും വി​പ​ണി​യി​ൽ ല​ഭ്യ​മാ​കു​ന്ന​ത്. അ​ടു​ത്ത ആ​ഴ്ച​ക​ളി​ലാ​യി ഹി​ലാ​ൽ, ലു​ലു തു​ട​ങ്ങി​യ ഇ​ന​ങ്ങ​ളും വി​പ​ണി​യി​ൽ എ​ത്തും. സ്വ​ദേ​ശി​ക​ൾ നേ​രി​ട്ടെ​ത്തി​യാ​ണ് റു​ത്താ​ബു​ക​ൾ വാ​ങ്ങു​ന്ന​ത്. നാ​ട്ടി​ൽ പോ​കു​ന്ന മ​ല​യാ​ളി​ക​ളും കൊ​ണ്ടു​പോ​കു​ന്ന ഒ​രു പ്ര​ധാ​ന ഇ​ന​മാ​ണ് ഇ​ത്. പ​ഴു​ത്ത് പാ​ക​മാ​യ റു​ത്താ​ബ് ഈ​ത്ത​പ്പ​ഴ​ങ്ങ​ൾ​ക്ക് രു​ചി​യും മ​ധു​ര​വും കൂ​ടു​ത​ലാ​ണ്. ഇ​വ​കൂ​ടാ​തെ കി​മ്രി എ​ന്ന​പേ​രി​ല​റി​യ​പ്പെ​ടു​ന്ന പ​ഴു​ക്കാ​ത്ത ഇ​ന​വും ത​മ​ർ എ​ന്ന പേ​രി​ല​റി​യ​പ്പെ​ടു​ന്ന ഉ​ണ​ക്കി​യ ഈ​ന്ത​പ്പ​ഴ​വും വി​പ​ണി​യി​ൽ ല​ഭ്യ​മാ​ണ്.

വി​ള​വെ​ടു​പ്പ് വ്യാ​പ​ക​മാ​കു​ന്ന​തോ​ടെ മാ​ർ​ക്ക​റ്റി​ലെ സ്ഥി​രം ഈ​ത്ത​പ്പ​ഴ ക​ച്ച​വ​ട​ക്കാ​രും റു​ത്താ​ബ് ക​ച്ച​വ​ട​ത്തി​ലേ​ക്ക് തി​രി​യും. ചൂ​ട് കൂ​ടു​ന്ന​തോ​ടെ അ​ൽ​ഐ​നി​ലെ തോ​ട്ട​ങ്ങ​ളി​ലും ഈ​ത്ത​പ്പ​ഴം പ​ഴു​ത്ത് തു​ട​ങ്ങും. അ​തോ​ടെ വി​ല ഗ​ണ്യ​മാ​യി കു​റ​യും. ഇ​വ വി​പ​ണി​യി​ൽ ധാ​രാ​ള​മാ​യി എ​ത്തു​ന്ന​തോ​ടെ കി​ലോ​ക്ക് 10 ദി​ർ​ഹം വ​രെ​യാ​യി കു​റ​യും. സ്വ​ദേ​ശി​ക​ൾ മാ​ർ​ക്ക​റ്റി​ൽ നേ​രി​ട്ടെ​ത്തി​യാ​ണ് റു​ത്താ​ബ് വാ​ങ്ങു​ക. ഈ​ത്ത​പ്പ​ഴം സീ​സ​ണി​ൽ ത​ന്നെ​യാ​ണ് യു.​എ.​ഇ​യി​ലും ഒ​മാ​നി​ലും മാ​മ്പ​ഴ​വും വി​ള​വെ​ടു​പ്പ് ന​ട​ത്തു​ന്ന​ത്. റു​ത്താ​ബു​ക​ൾ​ക്കൊ​പ്പം വി​ൽ​പ്പ​ന​ക്കെ​ത്തു​ന്ന മ​റ്റൊ​രു പ്ര​ധാ​ന ഇ​ന​മാ​ണ് മാ​മ്പ​ഴം. ഒ​മാ​നി​ൽ നി​ന്നും യെ​മ​നി​ൽ നി​ന്നു​മാ​ണ് ഇ​പ്പോ​ൾ പ​ഴു​ത്ത മാ​മ്പ​ഴം എ​ത്തു​ന്ന​ത്.

ഇ​ന്ത്യ​ൻ മാ​ങ്ങ​ക​ൾ​ക്ക് പു​റ​മേ പാ​കി​സ്ഥാ​നി​ൽ നി​ന്നും ഏ​റെ രു​ചി​യും മ​ധു​ര​വു​മു​ള്ള മാ​ങ്ങ​ക​ൾ വി​പ​ണി​യി​ൽ എ​ത്തും. മ​ധു​ര​വും ഗു​ണ​ങ്ങ​ളും കൊ​ണ്ട് സ​മ്പ​ന്ന​മാ​യ റു​ത്താ​ബു​ക​ൾ​ക്കും മാ​മ്പ​ഴ​ങ്ങ​ൾ​ക്കും ആ​വ​ശ്യ​ക്കാ​ർ ഏ​റെ​യാ​ണെ​ന്നാ​ണ് വ​ർ​ഷ​ങ്ങ​ളാ​യി അ​ൽ ഐ​ൻ മാ​ർ​ക്ക​റ്റി​ൽ ഈ​ത്ത​പ്പ​ഴ ക​ച്ച​വ​ടം ന​ട​ത്തു​ന്ന പ​ട്ടാ​മ്പി സ്വ​ദേ​ശി അ​ക്ബ​ർ അ​ലി എ​ന്ന മ​ണി പ​ട്ടാ​മ്പി പ​റ​ഞ്ഞു. മ​ല​പ്പു​റം സ്വ​ദേ​ശി​ക​ളും ബം​ഗാ​ളി​ക​ളു​മാ​ണ് മാ​ർ​ക്ക​റ്റി​ൽ കൂ​ടു​ത​ലാ​യി ക​ച്ച​വ​ട​ത്തി​ൽ ഏ​ർ​പ്പെ​ട്ടി​രി​ക്കു​ന്ന​ത്. മു​ൻ​കാ​ല​ങ്ങ​ളെ അ​പേ​ക്ഷി​ച്ച​പ്പോ​ൾ ക​ച്ച​വ​ടം കു​റ​വാ​ണെ​ങ്കി​ലും മാ​ർ​ക്ക​റ്റി​ലെ പ​ര​സ്പ​ര സ​ഹ​ക​ര​ണ​ത്തി​ന്‍റെ​യും സ്നേ​ഹ​ത്തി​ന്‍റെ​യും മ​ധു​രി​ക്കു​ന്ന ഓ​ർ​മ്മ​ക​ൾ പ​ങ്കു​വെ​ക്കാ​നു​ണ്ട് ഓ​രോ ക​ച്ച​വ​ട​ക്കാ​ര​നും.