അറേബ്യൻ രുചിയുടെ പ്രൗഢിയുമായി കോഴിക്കോട്​ ഹദ്​റമീയ ഹലീം ഫെസ്​റ്റിന്​ തുടക്കം

കോഴിക്കോട്​: പാ​ച​ക ക​ല​യു​ടെ ന​ഗ​ര​മാ​യ കോ​ഴി​ക്കോ​ട്ട്​ അ​റേ​ബ്യ​ൻ പാ​ര​മ്പ​ര്യ രു​ചി​യു​ടെ പ്രൗ​ഢി​യു​മാ​യി ഹ​ദ്​​റ​മീ​യ ഹ​ലീം ഫെ​സ്​​റ്റിന്​ തുടക്കം. ഫു​ഡ്​​സി​റ്റി​യാ​യി മാ​റി​യ കോ​ഴി​ക്കോ​ട്​ ക​ട​പ്പു​റ​ത്താ​ണ്​ ഇന്നും നാളെയുമായി നടക്കുന്ന അ​പൂ​ർ​വ രു​ചി​യു​ടെ ഉ​ത്സ​വം. കുട്ടികൾ ചേർന്ന്​ ബലൂണുകൾ ആകാശത്തേക്ക്​ പറത്തിവിട്ട്​ ജനകീയമായാണ്​ ഫെസ്റ്റിന്‍റെ ഉദ്​ഘാടനം നിർവഹിച്ചത്​​. വൈ​കു​ന്നേ​രം മൂ​ന്നു മു​ത​ൽ എ​ട്ടു​ വ​രെ​യാ​ണ്​ മേ​ള. 'മാ​ധ്യ​മ'​മാ​ണ്​ ഫെ​സ്​​റ്റി​‍െൻറ മീ​ഡി​യ പാ​ർ​ട്​​ണ​ർ.

ആ​ട്ടി​റ​ച്ചി, ഗോ​ത​മ്പ്, നെ​യ്യ് സു​ഗ​ന്ധ വ്യ​ഞ്ജ​ന​ങ്ങ​ൾ, വി​വി​ധ​യി​നം പ​രി​പ്പു​ക​ൾ എ​ന്നി​വ ചേ​ർ​ത്തു എ​ട്ടു മ​ണി​ക്കൂ​ർ​കൊ​ണ്ട്​ പാ​ച​കം ചെ​യ്​​തെ​ടു​ക്കു​ന്ന 'ഹ​ലീം' കോ​ഴി​ക്കോ​ടി​ന്​ പു​തി​യ അ​നു​ഭ​വ​മാ​ണ്​. നൈ​സാം കാ​ല​ഘ​ട്ട​ത്തി​ൽ ഹൈ​ദ​രാ​ബാ​ദി​ലും വി​വി​ധ ന​ഗ​ര​ങ്ങ​ളി​ലും പ്ര​ചാ​ര​ത്തി​ലു​ള്ള ഹ​ലീം റ​മ​ദാ​നി​ലും മ​റ്റു വി​ശേ​ഷ ദി​വ​സ​ങ്ങ​ളി​ലും വി​ശി​ഷ്​​ട ഭ​ക്ഷ​ണ​മാ​ണ്. കേ​ര​ള​ത്തി​ൽ ആ​ദ്യ​മാ​യാ​ണ് ഹ​ലീ​മി​െൻറ വ​ര​വ്. ആ​ട്ടി​റ​ച്ചി​ക്ക് പു​റ​മെ കോ​ഴി​യി​റ​ച്ചി​യി​ലും ഹ​ലീം ത​യാ​റാ​ക്കു​ന്നു​ണ്ട്.

സാം​സ്കാ​രി​ക പൈ​തൃ​ക​ത്തി​‍െൻറ സ​വി​ശേ​ഷ​ത​ക​ളും ജ​ന​പ്രി​യ​ത​യും പ​രി​ഗ​ണി​ച്ച് 2010ൽ ​ഹ​ലീ​മി​ന് ഭൗ​മ​സൂ​ചി​ക​പ​ദ​വി ല​ഭി​ച്ചി​രു​ന്നു. ഈ ​പ​ദ​വി ല​ഭി​ച്ച ഇ​ന്ത്യ​യി​ലെ ആ​ദ്യ​ത്തെ സ​സ്യേ​ത​ര വി​ഭ​വം കൂ​ടി​യാ​ണ്​ ഹ​ലീം. കോ​ട്ട​ക്ക​ൽ ആ​സ്ഥാ​ന​മാ​യ അ​മാ​ൻ ഫു​ഡ് വെ​ഞ്ചേ​ർ​സ് ആ​ണ് ഹ​ലീ​മി​‍െൻറ കേ​ര​ള​ത്തി​ലെ വി​ത​ര​ണ​ക്കാ​ർ. കേ​ര​ള​ത്തി​ൽ ആ​ദ്യ​മാ​യി ഹ​ലീം രു​ചി​ക്കാ​നു​ള്ള അ​വ​സ​ര​മാ​ണ്​ ഒ​രു​ക്കി​യി​ട്ടു​ള്ള​ത്. കൂ​ടു​ത​ൽ വി​വ​ര​ങ്ങ​ൾ​ക്ക്​ 9846247849 ന​മ്പ​റി​ൽ ബ​ന്ധ​പ്പെ​ടാം.