മണ്ണുകൊണ്ടൊരു വീട്​

വിയർത്തൊലിക്കുന്ന വെയിൽ ചൂടിൽ ഫാനോ എസിയോ ഇല്ലാത്ത വീടകങ്ങൾ ഇനി ചിന്തിക്കാനാവില്ല. കാലത്തിനു മു​േമ്പ എത്തിയ വേനലോ ചൂടോ ഒന്നും തന്നെ കോഴി​ക്കോട്​ പെരുമണ്ണ കളത്തിങ്ങൽ ബഷീറിനെ അലട്ടുന്നില്ല. ചെങ്കല്ലും ഹോളോ ബ്രിക്​സും ജിപ്​സം ചുവരുകളും മാത്രം ശീലിച്ചവർക്കിടയിലേക്ക്​ തനിമ ചോരാതെ മണ്ണുകൊണ്ട്​ വീടൊരുക്കി ചൂടിനെ പ്രതിരോധിക്കാമെന്ന്​ തെളിയിക്കുകയാണ്​ ബഷീർ.
പരിസ്ഥിതി പ്രവർത്തകനും ജൈവകർഷകനുമായ ബഷീർ പരിചയമല്ലാത്ത ഒരു വിദ്യയുമായല്ല മുന്നിലെത്തിയിരിക്കുന്നത്​​. പഴയകാല വീടു നിർമ്മാണത്തെ ഒാർമ്മപ്പെടുത്തുക മാത്രമാണ്​ ചെയ്യുന്നത്​. യാത്രകളും വായനയും പരിസ്ഥിതി ചിന്തകളുമാണ്​ ജൈവകൃഷിയി​ലേക്കും മൺവീട്ടിലേക്കും നയിച്ചതെന്ന്​ ബഷീർ പറയുന്നു.

പെരുമണ്ണ കീഴ്​പാടം പുല്ലാകുഴിയിൽ 1090  ചതുരശ്രയടി വിസ്​തീർണത്തിലാണ്​ബഷീറി​െൻറ മൺവീട്​ പണി നടന്നുകൊണ്ടിരിക്കുന്നത്​. പുരയിടത്തിൽ നിന്ന്​ ശേഖരിച്ച മണ്ണ്​ അരിച്ച്​ മാലിന്യവും കല്ലും നീക്കം ചെയ്​ത്​ പാകപ്പെടുത്തിയാണ്​ ചുമർ നിർമ്മിച്ചത്​. പ്രാദേശികമായി ലഭിച്ച ചെങ്കല്ലുകൊണ്ടാണ്​ തറയൊരുക്കിയത്. അരിച്ചെടുത്ത മണ്ണിലേക്ക്​ കടുക്കകായയും ഉലുവയും ചേർത്ത്​ ​പാകത്തിന്​ വെള്ളമൊഴിച്ച്​ കുഴച്ച്​ വലിയ ഉരുളകളാക്കി പിടിപ്പിച്ചാണ്​ ചുമർ നിർമ്മിച്ചത്​. ചിതലിനെ തടയാനുള്ള നാടൻ രീതിയാണ്​ കടുക്കയും ഉലുവയും. മണ്ണിന്​ പശിമ കിട്ടുന്നതിന്​ കുളിർമാവ്​ തൊലിയും ആവശ്യത്തിന്​ കുമ്മായവും ചേർത്തു. 50 കിലോ കടുക്കയും 5 കിലോ ഉലുവയുമാണ്​ മണ്ണിൽ കുഴച്ചു ചേർത്തു.

ചുമർ നിർമാണം ഒറ്റത്തവണയായി തീർക്കുന്നില്ല. ജനൽ ഉയരത്തിൽ പൊങ്ങിയ ശേഷം 10 ദിവസ​ത്തെ ഇടവേള കൊടുത്ത ശേഷമേ അടുത്ത ഘട്ടം ആരംഭിക്കാവൂ. ചുവരി​െൻറ പണി പൂർണമായും തീർന്ന്​ ഉണങ്ങി ബലപ്പെട്ടതിനു ശേഷമാണ്​ തേപ്പ്​. അരിച്ചെടുത്ത മണ്ണിൽ കുമ്മായവും ചേർത്താണ്​ അകവും പുറവും തേച്ചത്​. ചുമർ പണിയു​േമ്പാൾ തന്നെ മിനുസപ്പെടുത്തിയാൽ തേപ്പ്​ പ്രയാസകരമാവില്ല. റെഡ്​ ഒാക്​സൈഡ്​ കൊണ്ടാണ്​ തറ മിനുസപ്പെടുത്തിയിരിക്കുന്നത്​.   ​മേൽക്കൂരക്കായി ട്രസിങ്​ വർക്ക്​ ചെയ്​തു​ ഒാടു പാകുകയാണ്​ ചെയ്​തത്​. ഒറ്റ നിലയിൽ മാത്രമല്ല, ഇരുനില വീടുകളും കെട്ടിടങ്ങളും മൺചുമരിൽ ഉയർത്താമെന്ന്​ വിദഗ്​ധർ പറയുന്നു.

കുറ്റ്യാടിയിൽ സുഹൃത്തുക്കൾക്കൊപ്പം നടത്തിവരുന്ന നാടൻ പശുക്കളുടെ ഫാമിനോട്​ ചേർന്ന്​ താമസിക്കാൻ ഇത്തരം ചെറിയ മൺവീടുകൾ ബഷീർ നിർമിച്ചിട്ടുണ്ട്.

ടയറുകൊണ്ട്​ ടാങ്ക്​
ഉപയോഗ ശൂന്യമായ വാഹന ടയറുകൾ ഉപയോഗിച്ചാണ്​ കക്കൂസ്​ ടാങ്കും മാലിന്യ ടാങ്കും നിർമ്മിച്ചത്​. ആഴത്തിൽ കുഴിയെടുത്ത്​ ഒരേ വ്യാസമുള്ള ടയറുകൾ അടുക്കിവെച്ചാണ്​  ടാങ്ക്​ നിർമിച്ചത്​. സാധാരണ ചെങ്കല്ലുകൊണ്ടുള്ള ടാങ്കി​െൻറ നിർമാണം പോലെ വശങ്ങളിൽ മണ്ണിട്ട്​ ഉറപ്പിച്ച്​ ഏറ്റവും മുകളിൽ  കോൺക്രീറ്റ്​ സ്​ളാമ്പിട്ട്​ ഉറപ്പിക്കുന്നു. ചെലവ്​ ചുരുങ്ങിയ ഇത്തരം ടാങ്കുത​ന്നെയാണ്​ അടുക്കള മാലിന്യത്തിനും ഒരുക്കിയിരിക്കുന്നത്​.