വാസ്​തുവിൽ അമിത വിശ്വാസം - ഭാഗം രണ്ട്​

ഗൃഹനിർമ്മാണ സമയത്ത് ഉടമസ്​ഥനേയും ഡിസൈനറേയും ഒരുപോലെ ആശങ്കയിലാക്കുന്ന ഒന്നാണ്​ വാസ്​തു. വാസ്​തുശാസ്​ത്രപരമായ നിർമ്മാണം തന്നെയാണ് ഇന്ന് പലരും ആവശ്യപ്പെടുന്നത്. വാസ്​തുവിൽ വിശ്വാസം ഉണ്ടെങ്കിലും ഇല്ലെങ്കിലും ഭാവിയിൽ അത് മൂലം പ്രശ്നം വരരുതെന്ന്​ പലരും ഭയപ്പെടുന്നു. 

വാസ്​തുവിൽ ശരി തെറ്റുകളില്ല. എന്നാൽ വീട്​ നിർമാണം വാസ്​തുശാസ്​​ത്രത്തെ മാത്രം അടിസ്ഥാനമാക്കിയാണെങ്കിൽ വിസ്​തീർണം,സ്ഥലം,സ്ഥലത്തി​​​​​​​​െൻറ ഉപയോഗം തുടങ്ങി നിർമാണത്തിന്​ അവലംബിക്കുന്ന ശൈലിയെ വരെ അത്​ ബാധിക്കും. ഓരോരുത്തരുടെയും അഭിരുചിയും ആവശ്യങ്ങളും അറിഞ്ഞ്​ വാസ്​തു കൂടി പരിഗണിച്ചുകൊണ്ട്​ ഡിസൈൻ ചെയ്യാൻ കഴിയുന്ന ഡിസൈനറാണ്​ പ്ലാൻ തയ്യാറാക്കുന്നതെങ്കിൽ മറ്റു പ്രശ്​നങ്ങളെയെല്ലാം ഒഴിവാക്കാനാകും.

വാസ്​തുവിൽ അമിത വിശ്വാസമുള്ളവർ വാസ്​തു വിദഗ്​ധനെയോ ആശാരിയെയോ സമീപിച്ച്​​, അദ്ദേഹത്തി​​​​​​​​​െൻറ ഉപദേശപ്രകാരമുള്ള പ്ലാൻ എൻജിനിയറെ കൊണ്ട്​ പാസാക്കി നിർമ്മാണം നടത്താറുണ്ട്​. ഇങ്ങനെ ചെയ്യു​​​േമ്പാൾ നിങ്ങൾ ഉദ്ദേശിച്ച വിസ്​തീർണം എത്തിയെന്നു വരില്ല. അത്​ കൂടുകയോ കുറയുകയോ ചെയ്യാം. അതുപോലെ മുറികളുടെയും അടുക്കളയുടെയും മുതൽ ബാൽകണിയുടെ സ്ഥാനവും വലുപ്പവും മാറാനും സാധ്യതയുണ്ട്​. ചില വീടുകളുടെ ദർശനം പോലും ഉദ്ദേശിച്ച രീതിയിൽ ലഭിച്ചെന്ന്​ വരില്ല. ഇവിടെ നഷ്ടപ്പെടുന്നത് വീടിനെക്കുറിച്ചുള്ള നിങ്ങളുടെ സങ്കൽപ്പങ്ങളാണ്. 

വീട്​ പണിയു​​േമ്പാൾ രണ്ട്​ രീതിയിൽ വാസ്​തു വിദഗ്​ധരിൽ നിന്നും ഉപദേശം തേടാം. ഒന്ന്, നിർമ്മിക്കാൻ ഉദ്ദേശിക്കുന്ന പ്ലോട്ട് കാണിച്ചുകൊടുത്ത് വീടി​​​​​​​​െൻറ ദർശനം എങ്ങോട്ടായിരിക്കണം, അടുക്കള, ബെഡ്റൂം, ബാത്ത്റൂം എന്നിവയുടെ സ്​ഥാനം എന്നിവയെല്ലാം ചോദിച്ചു മനസ്സിലാക്കുക. ഈ കാര്യങ്ങൾ ഡിസൈനറുമായി പങ്കുവെച്ച്​ നിങ്ങളുടെ അഭിരുചിക്കനുസരിച്ച പ്ലാനും ഡിസൈനും തയാറാക്കാം. അല്ലെങ്കിൽ വാസ്​തു കൂടി നോക്കി ഡിസൈൻ ചെയ്യുന്ന ഡിസൈനറെ സമീപിച്ച്​ നിങ്ങൾക്കിഷ്​ടമാകുന്ന പ്ലാനും ഡിസൈനും വാങ്ങി, വാസ്​തു സംബന്ധമായ സംശയ നിവാരണത്തിനും കണക്കുകൾ ശരിയാക്കുന്നതിനുമായി വാസ്​തു വിദഗ്​ധനെ കാണിച്ച് ഉപദേശം തേടുക. 

വാസ്​തു കച്ചവടത്തിൽ വീഴരുത്​

വാസ്​തുശാസ്​ത്രം കച്ചവടമാക്കിയിരിക്കുന്ന ഒരു വിഭാഗം നിർമാണമേഖലയെ ചുറ്റിപറ്റി വളർന്നുവരുന്നുണ്ട്​. വാസ്​തു കൺസൾട്ടൻറി​​​​​​​​െൻറ നിർദേശം ലഭിച്ച പ്ലാനിൽ നിർമ്മാണം നടന്നുകൊണ്ടിരിക്കുമ്പോൾ വീട്ടുകാർക്ക്​ ഏതെങ്കിലും തരത്തിലുള്ള പ്രതിസന്ധി ഉണ്ടാവുകയാണെങ്കിൽ അവർ വീണ്ടും മറ്റൊരാളുടെ ഉപദേശം തേടാറുണ്ട്​. പലപ്പോഴും വീട്​ പണി പാതിയായി കഴിഞ്ഞശേഷമോ പൂർത്തിയാകുന്നതിന്​ തൊട്ടുമ​ു​േമ്പാ ആയിരിക്കുമിത്​. ഇൗ സാഹചര്യത്തിൽ പുതിയ ഒരു കൺസൾട്ടൻറ്​ പറയുന്ന മാറ്റങ്ങൾ വരുത്തുകയും  പണികൾ വീണ്ടും ഇഴയുകയും ചെയ്യും.  അവസാനഘട്ടത്തിൽ വരുത്തുന്ന മാറ്റങ്ങൾ പലപ്പോഴും സാമ്പത്തിക ബാധ്യതയും വരുത്തിവെക്കും.

വാസ്​തുശാസ്​ത്ര പ്രകാരമുള്ള ഗൃഹനിർമ്മാണം അവസാനിക്കുന്ന സമയത്തുപോലും ‘വിദഗ്​ധർ’ ചെയ്തതിൽ തെറ്റുകൾ  ചൂണ്ടിക്കാണിച്ച് മാറ്റങ്ങൾ പറഞ്ഞുകൊ​ണ്ടേയിരിക്കുന്ന ഒരു ശാസ്​ത്രത്തി​​​​​​​​െൻറ അടിസ്ഥാനമെന്താണ്​? വാസ്​തുശാസ്​ത്രം മാറിക്കൊണ്ടേയിരിക്കേണ്ട ഒന്നല്ല. വിശ്വാസം അമിത വിശ്വാസമാകു​േമ്പാൾ അതിലൂടെ നിങ്ങൾ ചൂഷണത്തിന്​ ഇരയാവുകയാണ്​.  അമിതമായി വാസ്​തുശാസ്​ത്രം നോക്കി സഞ്ചരിച്ചാൽ നിങ്ങൾക്ക് നഷ്ടപ്പെടുന്നത് മനോഹരമായ അകത്തളങ്ങളും, ആധുനിക രീതിയിലുള്ള നിർമ്മാണ ഭംഗിയും സാമ്പത്തിക നഷ്ടവുമാണെന്ന് തിരിച്ചറിയണം. 

ഡിസൈനർ തയാറാക്കിയ പ്ലാൻ വാസ്​തു കൺസൾട്ടൻറിനെ കാണിച്ച്​ വേണമെങ്കിൽ മാറ്റം വരുത്താമെന്ന്​ ഡിസൈനർ പറയുന്നത് അയാൾക്ക് വാസ്​തുവിനോടുള്ള താല്പര്യം കൊണ്ടല്ല. മറിച്ച്​, നിർമാണ പണികൾ നടന്നു കൊണ്ടിരിക്കുമ്പോൾ വാസ്​തുശാസ്​ത്രത്തി​​​​​​​​െൻറ പേരിൽ കൂട്ടിയോജിപ്പിക്കലുകളും പൊളിച്ചുമാറ്റലുകളും അതി​​​​​​​​െൻറ യഥാർത്ഥ ഭംഗിയും ഉറപ്പും നശിപ്പിക്കുമെന്നതിനാലാണ്​. പകുതി തീർത്ത ശേഷം വീടിന്​ ‘വാസ്​തുദോഷ’മെന്ന്​ കണ്ടെത്തിയാൽ ഡിസൈനർക്ക് തന്നെയാണ് ബുദ്ധിമുട്ട്. നിർമാണം പകുതിയായ വീടി​​​​​​​​െൻറ ഡിസൈനിൽ  മാറ്റം വരുത്തുക പ്രയാസകരമാണ്​. ഏച്ചുകൂട്ടിയാൽ മുഴച്ചിരിക്കുമെന്ന ചൊല്ലുപോലെ വീടി​​​​​​​​െൻറ സ്വാഭാവിക തനിമ നഷ്ടപ്പെടും. അഭംഗിയില്ലാതെ അവർ ആവശ്യപ്പെട്ട മാറ്റം വരുത്താൻ ശ്രമിക്കു​േമ്പാൾ ഉടമക്ക്​ ഇത് ഏറെ സാമ്പത്തിക നഷ്ടം വരുത്തിവെക്കും. വാസ്​തുവിൽ വിശ്വാസമുള്ളവർ നേരത്തെ വാസ്​തു കൺസൾട്ടിനെ സമീപിക്കുക. എന്നാൽ വിശ്വാസങ്ങൾ നിങ്ങളുടെ സ്വപ്​നങ്ങളെ തകർക്കുന്നതാകരുത്​.