വീടൊരുക്കാൻ വൃത്തങ്ങളുടെ അലങ്കാരം

താമസിക്കുന്ന ഒാരോ ഇടവും ജീവസുറ്റതാവണം. വീടായാലും ഒാഫിസായാലും ഏതൊരു സ്​പേസും മികച്ചതാക്കാനാണ്​ ഒാരോരുത് തരും ശ്രമിക്കുന്നത്​. എക്​സ്​റ്റീരിയറിനേക്കാൾ കൂടുതൽ പ്രാധാന്യത്തോടെയാണ്​ ഇൻറീരിയർ സ്​പേസിന്​ ഇന്ന്​ പ്രാ ധാന്യം കൊടുക്കുന്നത്​. ഇൗ സ്​പേസുകളെ ആലങ്കാരികമാക്കാൻ പുതു ശൈലിയിലുള്ള ആർട്ട്​വർക്കുകൾ നൽകിവരുന്നു. വീട്​ അ ലങ്കരിക്കാൻ പുതുമ ആഗ്രഹിക്കുന്നവ​ർക്ക്​ മണ്ഡല ഡിസൈനുകളെ കൂട്ടുപിടിക്കാം.

മണ്ഡല ഡിസൈൻ ആർട്ട്​ ഇൻറീരിയറിൽ സ്​ഥാനംപിടിച്ച്​ ഏറ െകകാലമായില്ല. മണ്ഡല എന്നാൽ ബുദ്ധമതം ഹിന്ദുമതം എന്നിവയിൽ ആത്​മീയവും മതപരവുമായ പ്രാധാന്യം ഉള്ള ഒരു കേന്ദ്രീകൃ ത ഡയഗ്രമാണ്​. മണ്ഡലങ്ങളുടെ അടിസ്​ഥാന രൂപം നാലു കവാടങ്ങളുള്ള ഒരു ചതുരം ഉൾക്കൊള്ളുന്ന വൃത്താകൃതിയിലുള്ള ഒരു ഡ യഗ്രമാണ്​.

വിവിധ ആത്​മീയ പാരമ്പര്യങ്ങളിൽ, ഒരു ആത്​മീയ മാർഗനിർദേശ സമഗ്രിയായി, ധ്യാനത്തിനും മറ്റും മണ്ഡല ഉപയ ോഗിക്കപ്പെടുന്നു. ജ്യോമെട്രിക്​ അളവുകൾ ഉപയോഗിച്ചാണ്​ ഇത്​ വരക്കുന്നത്​.

വരയോടുള്ള താൽപര്യം മണ്ഡല ഡിസൈനുകളിലെ വ്യത്യസ്​തതയായി പരീക്ഷിച്ചു വിജയിച്ച കലാകാരിയാണ്​ രശ്​മി അജേഷ്​. ഒരു ഹോം ഡെക്കോർ ​െഎറ്റം എന്ന രീതിയിൽ രശ്​മി വരക്കുന്ന ഡിസൈനുകൾക്ക്​ ആവശ്യക്കാർ ഏറെയാണ്​.

ആർക്കിടെക്​റ്റുകളും ഇൻറീരിയർ ഡിസൈനേഴ്​സും ക്ലൈൻറുകളും താൽപര്യത്തിനനുസരിച്ച്​ പലതരം തീമുകൾ മണ്ഡല ഡിസൈനുകളിൽ ചെയ്തുകൊടുക്കാൻ രശ്​മിയോട്​ ആവശ്യപ്പെടാറുണ്ട്​. കണ്ടംപ്രറി ശൈലിയോട്​ ചേർന്നുപോകുംവിധമുള്ള ബ്ലാക്ക്​ ആൻഡ്​ വൈറ്റ്​ ഡിസൈനുകൾക്കാണ്​ ആവശ്യക്കാർ ഏറെയെന്ന്​ രശ്​മി അജേഷ്​ പറയുന്നു.

കൃഷ്​ണനും ഗണപതിയും ഡാൻസിങ്​ ലേഡിയും അമ്മയും കുഞ്ഞും എന്നിങ്ങനെ അകത്തളങ്ങളിൽ പോസിറ്റീവ്​ എനർജി നിറക്കുന്ന ചിത്രങ്ങളാണ്​ മണ്ഡല ഡിസൈനുകളുടെ അകമ്പടിയോടെ രശ്​മി കാൻവാസിലേക്ക്​ പകർത്തുന്നത്​.

കളർഫുൾ ഡിസൈനുകൾ ആവശ്യപ്പെടുന്നവർക്ക്​ ഡോട്ട്​ മണ്ഡല ചെയ്​തുകൊടുക്കുന്നുണ്ട്​. പലതരം ഡിസൈനുകളാണ്​ മണ്ഡല എന്ന ആശയത്തെ വ്യത്യസ്​തമാക്കുന്നത്​. വരക്കുന്ന മീഡിയത്തി​​​​​​െൻറ അളവും ഡിസൈനുകളുടെ വ്യത്യസ്​തതയും അനുസരിച്ച്​ 500 രൂപ മുതൽ ഇത്​ ലഭ്യമാണ്​.

18, 22 മണിക്കൂർ വരെ ​സമയമെടുത്താണ്​​ ഒരു ചിത്രം പൂർത്തിയാക്കുന്നത്​. ഹാൻറ്​മെയ്​ഡ്​ പേപ്പർ, ക്രാഫ്​റ്റ്​ പേപ്പർ, കാൻവാസ്​ എന്നിവയാണ്​ മീഡിയം ആയി ഉപയോഗിക്കുന്നത്​. ഡ്രോയിങ്​ പെൻ, അക്രിലിക്​ പെയിൻറ്​, ജെൽ പെൻ എന്നിവ ഉപയോഗിച്ചാണ്​ ഇൗ ചിത്രങ്ങൾ വരക്കുന്നത്​.

ഏതു തരം ശൈലിക്കും അനുയോജ്യമായ രീതിയിൽ വ്യത്യസ്​ത ഡിസൈനുകളിലും തീമുകളിലുമാണ്​​ രശ്​മി ​ വരക്കുന്നത്​.

ജേണലിസത്തിൽ മാസ്​റ്റർ ബിരുദം ഉള്ള രശ്​മി ആർക്കിടെക്​ചർ എഴുത്തിനൊപ്പം ഫ്രീലാൻസ്​ റൈറ്റും കൂടിയാണ്​. ഭർത്താവ്​ അജേഷ്​ മോഹനും ചിത്രം വരയിൽ തൽപരനായതിനാൽ രശ്മിക്ക്​ പൂർണ പിന്തുണയായി കൂടെയുണ്ട്​. ഭർത്താവിനും മകൻ ദ്രുപത്​ കൃഷ്​ണക്കുമൊപ്പം ബാംഗ്ലൂരിൽ താമസിക്കുന്ന രശ്​മി, ശരണ്യ സ്​കൂൾ ഒാഫ്​ ഡാൻസ്​ എന്ന നൃത്തവിദ്യാലയവും നടത്തി വരുന്നു. മണ്ഡല ഡിസൈൻ ആർട്ടിനായി ബന്ധപ്പെടാവുന്ന നമ്പർ 9945188614. Email id- resmy.pa@gmail.com