ഇ​ള വെ​യി​ലിൽ തിളങ്ങും മൈ​ക്ക​ൻ ഓ​റി​യ വേ​റി​ഗേ​റ്റ​ഡ്

ഫി​ലോ​ഡെ​​ൻ​ഡ്രോ​ൺ വി​ഭാ​ഗ​ത്തി​ൽ പെ​ട്ട വ​ള​രെ മ​നോ​ഹ​ര​മാ​യ ഒ​രു ചെ​ടി​യാ​ണ് മൈ​ക്ക​ൻ ഓ​റി​യ വേ​റി​ഗേ​റ്റ​ഡ്. ഇ​തി​ന്‍റെ ഇ​ല​കൾ ത​ന്നെ ആ​ണ് ആ​ക​ർ​ഷ​ണീ​യ​മായത്. പ​ച്ച​യും മ​ഞ്ഞ​യും വെ​ള്ള​യും നി​റ​ങ്ങ​ളിൽ വെ​ൽ​വെ​റ്റ് പോ​ലെ ഹൃ​ദ​യാകൃതിയിലാണ്​ ഇ​ല​ക​ൾ.

ഇ​​ൻ​ഡോ​റാ​യി​ വ​ള​ർ​ത്തു​ന്ന എ​ല്ലാ ചെ​ടി​ക​ൾ​ക്കും ചെ​റി​യ രീ​തി​യി​ലെ​ങ്കി​ലും സൂ​ര്യ​പ്ര​കാ​ശം ആ​വ​ശ്യ​മാ​ണ്. നേ​രി​ട്ട് സൂ​ര്യ​പ്ര​കാ​ശത്തിന് രാ​വി​ലെ​യു​ള്ള ഇ​ളം വെ​യി​ൽ മ​തി. അല്ലെങ്കിൽ നേ​രി​ട്ട് വെ​യി​ൽ അ​ടി​ക്കാ​ത്ത സ്ഥ​ല​ത്ത് വെ​ക്ക​ണം. ക​ടു​ത്ത വെ​യി​ല​ടി​ച്ചാ​ൽ ഇ​ല​ക​ൾ പൊ​ള്ളിപ്പോ​കും. ഇ​ളം വെ​യി​ൽ കി​ട്ടി​യി​ല്ലെ​ങ്കി​ൽ ഇ​ല​ക​ൾ​ക്ക് സ്വാഭാവിക നിറം കി​ട്ടു​ക​യു​മി​ല്ല. ഈ ​നി​റ​ങ്ങ​ളാ​ണ് ഈ ​ഇ​ല​യു​ടെ ഭം​ഗി.

തെ​ക്കേ അ​മേ​രി​ക്ക​യി​ലു​ള്ള ട്രോ​പ്പി​ക്ക​ൽ മ​ഴ​ക്കാ​ടു​ക​ൾ ആ​ണ് മൈ​ക്ക​ൻ ഓ​റി​യ വേ​റി​ഗേ​റ്റ​ഡിന്റെ ജ​ന്മ​നാ​ട്​. ഈ ​ചെ​ടി​യെ തൂക്കിയിട്ട് വ​ള​ർ​ത്തി​യെ​ടു​ക്കാം. ​ൈക്ലംബർ ആ​യും വ​ള​ർ​ത്താം. അ​ധിക രാ​സ​വ​ളം വേ​ണ്ട. സാ​ധാ​ര​ണ ഫി​ലോ​ഡെ​ൻ​ഡ്രോ​ണി​ന്​ കൊ​ടു​ക്കു​ന്ന വ​ള​ങ്ങ​ൾ മ​തി. വ​സ​ന്ത​കാ​ലവും വേ​ന​ൽ​കാ​ല​വും ആ​ണ്​ നടാൻ ഏ​റ്റ​വും ന​ല്ല​ത്.
പൂ​ക്ക​ൾ ഉ​ണ്ടാ​വു​മെ​ങ്കി​ലും അ​തി​നേ​ക്കാ​ൾ ഭം​ഗി ഇ​ല​ക​ൾ​ക്കാണ്. അ​തു​കൊ​ണ്ട് ത​ന്നെ ഇ​തി​ന്‍റെ പൂ​ക്ക​ളിലേക്ക് അധികം ശ്രദ്ധ പതിയാറില്ല. അ​ധി​കം വ​ലു​താ​ക്കി നി​ർ​ത്താ​ൻ ഇ​ഷ്ടമി​ല്ലാ​ത്ത​വ​ർ​ക്ക് ഇ​തി​നെ പ്രൂ​ൺ ചെ​യ്യാം. പ്രൂ​ൺ ചെ​യ്തു കി​ട്ടി​യ ത​ണ്ടു​ക​ൾ ​പ്രോ​പ്പ​ഗേ​റ്റ്​ ചെ​യ്യാ​നും എ​ടു​ക്കാം. വെ​ള്ള​ത്തി​ലിട്ടും പ്രോ​പ്പഗേ​റ്റ്​ ചെ​യ്യാ​വു​ന്ന​താ​ണ്.

വാർച്ചയുള്ള ചെ​ടി​ച്ച​ട്ടി നോ​ക്കി വേ​ണം എ​ടു​ക്കാ​ൻ. മ​ണ്ണി​ന് എ​പ്പോ​ഴും ന​ന​വ് ആ​വ​ശ്യ​മാ​ണ്. മ​ണ്ണ്​ വ​ലി​യ രീ​തി​യി​ൽ ഉ​ണ​ങ്ങാ​ൻ പാ​ടി​ല്ല. ആ​വ​ശ്യ​ത്തി​ന് വെ​ള്ളം കൊ​ടു​ക്ക​ണം. വെ​ള്ളം ദിവസവും സ്​​പ്രേ ചെ​യ്തു ന​ൽ​കു​ന്ന​ത്​ ന​ല്ല​താ​ണ്.
വെ​ള്ളം കു​റ​ഞ്ഞാ​ൽ അ​തി​ന്‍റെ ഇ​ല​ക​ൾ ചു​രു​ണ്ട് വ​രും. ഫി​ലോ​ഡെ​​ൻ​ഡ്രോ​ൺ ക​ല​ക്ഷ​ൻ ഉ​ള്ള​വ​ർ​ക്ക് കൂ​ടെ കൂ​ട്ടാ​ൻ പ​റ്റി​യ ഒ​രു ചെ​ടി​യിനമാണിത്.