'കൂൾ ആയി ഇരുന്നോളു' പക്ഷെ ബിൽ വരു​േമ്പാഴും കൂളായിരിക്കണമെങ്കിൽ ഈ കണ്ടീഷനുകൾ പാലിക്കേണ്ടി വരും

വേനൽച്ചൂട്​ കനക്കുകയാണ്​. കോവിഡി​െൻറ വ്യാപനത്തെ തുടർന്ന്​ ലോക്​ഡൗൺ കൂടി പ്രഖ്യാപിച്ചതോടെ വീട്ടിലിരിക്കാൻ എല്ലാവരും നിർബന്ധിതരാവുകയും ചെയ്​തു. ഇതിനു​ പുറമെ വർക്ക്​ ഫ്രം ഹോം കൂടി വന്നതോടെ ഫാനിനെ കൊണ്ട്​ മാത്രം കൂൾ ആക്കൽ പരിപാടി നടക്ക​ാതെയായി.

നേരത്തെ എ.സി വെച്ചവർ അത്​ പകൽ കൂടി ഉപയോഗിക്കാൻ തുടങ്ങി.ചിലർ പുതിയ എ.സി വാങ്ങാനുള്ള ശ്രമത്തിലുമാണ്​. ഒരു വർഷം രാജ്യത്ത്​ ശരാശരി വിൽക്കുന്നത്​ 7 മുതൽ 7.5 മില്യൺ എ.സികളെന്നാണ്​ കണക്കുകൾ പറയുന്നത്​.

എ.സി വൈദ്യൂതി ബിൽ കൂട്ടുമെന്ന ആശങ്കയില്ലാത്തവർ ഇല്ല. എന്നാൽ എ.സി വാങ്ങു​േമ്പാഴും ഉപയോഗിക്കു​േമ്പാഴും ചിലത്​ ശ്രദ്ധിച്ചാൽ വൈദ്യൂതി ബില്ലിൽ വലിയ വർദ്ധന ഉണ്ടാക്കില്ലെന്നാണ്​ വിദഗ്​ധർ പറയുന്നത്​.

എ.സി വാങ്ങുമ്പോൾ ശ്രദ്ധിക്കേണ്ട കാര്യങ്ങൾ ഇതൊക്കെയാണ്​

• ഒരു ടൺ എയർ‍ കണ്ടീഷണർ‍ 12 മണിക്കൂറോളം പ്രവർ‍ത്തിപ്പിച്ചാൽ ശരാശരി ചെലവാകുന്ന ​വൈദ്യൂതി ആറ്‌ യൂണിറ്റാണ്​.
  
• എ.സി വെക്കാൻ ഉദ്ദേശിക്കുന്ന മുറിയുടെ വലിപ്പം അനുസരിച്ച്‌ അനുയോജ്യമായവ തിരഞ്ഞെടുക്കുക. 150 സ്​ക്വയർ ഫീറ്റ്​ വലുപ്പമുള്ള മുറിക്ക്​ 1.5 ടൺ കപ്പാസിറ്റിയുള്ള എ.സി യാണ്​ അനുയോജ്യം.
  
• സാധാരണ എ സിക്ക്​ പകരം ഇന്‍വര്‍ട്ടര്‍ എ.സി വാങ്ങുന്നതാണ്​ നല്ലത്​. മുറി തണുത്തു കഴിഞ്ഞാല്‍ സാധാരണ എ.സിയുടെ ക​മ്പ്രസർ താനെ ഓഫ് ആകും. മുറിയിൽ വീണ്ടും ചൂടാകു​േമ്പാൾ ക​മ്പ്രസർ ഓണ്‍ ആയി തണുപ്പ്​ ആകുന്നത്​ വരെ പ്രവര്‍ത്തിക്കും. ഇത്​ ഊർജ്ജ നഷ്​ടമുണ്ടാക്കും. അതെ സമയം മുറിക്ക്​ ആവശ്യമായ തണുപ്പ്​ ലഭിച്ചു കഴിഞ്ഞാൽ ഇൻവെർട്ടർ എ.സിയുടെ ക​മ്പ്രസർ പൂര്‍ണ്ണമായി ഓഫാകുന്നതിനു പകരം ചെറുതായി പ്രവര്‍ത്തിച്ചു കൊണ്ടിരിക്കും. അതിനാൽ റൂമിൽ എപ്പോഴും ഒരേ തണുപ്പ്​ നിലനിൽക്കും. ക​മ്പ്രസർ ഓഫായി ഓണാകേണ്ടി വരുന്നില്ല. ഇത് മൂലം വൈദ്യുതി ഉപയോഗം ഗണ്യമായി കുറയുന്നു. സാധാരണ എ.സിയെ അപേക്ഷിച്ചു ഇന്‍വര്‍ട്ടര്‍ എ.സി ഉപയോഗിക്കുന്നത്​ 30-35 ശതമാനത്തോളം വൈദ്യുതി ലഭിക്കാനാകുമത്രെ.
• എ.സിയുടെ ബി.ഇ.ഇ (Bureau of Energy Efficiency) സ്​റ്റാർ ലേബൽ ശ്രദ്ധിക്കുക. 1-5 വരെയാണ്​ സ്​റ്റാർ റേറ്റിങ്ങ്​ ഉണ്ടാവുക. ഇതിൽ 5 സ്​റ്റാർ റേറ്റിങ്ങുള്ള എ.സിയാണ്​ ഏറ്റവും കാര്യക്ഷമതയോടെ പ്രവർത്തിക്കുക.
• എ.സിയുടെ ടെമ്പറേച്ചർ സെറ്റിംഗ്‌ 22 ഡിഗ്രി സെൽ‍ഷ്യസിൽ‍ നിന്നും ഓരോ ഡിഗ്രി കൂടുമ്പോഴും 5% വരെ വൈദ്യുതി ഉപയോഗം കുറയും. അതിനാൽ‍ 24 അല്ലെങ്കിൽ 25 ഡിഗ്രി സെൽ‍ഷ്യസിൽ‍ സ്ഥിരമായി സെറ്റ്‌ ചെയ്യുന്നതാണ്‌ ഉത്തമം.
  
• എ.സി ഘടിപ്പിച്ച മുറികളിലെ ജനലുകൾ,‍ വാതിലുകൾ എയർ ഹോളുകൾ എന്നിവയിൽ‍ക്കൂടി വായു അകത്തേക്ക്​ കടക്കുന്നില്ലെന്ന്‌ ഉറപ്പുവരുത്തുക.
  
• ചൂട്‌ കൂടുതൽ പുറപ്പെടുവിക്കുന്ന ഫിലമെ​ൻറ്​ ബൾബ്‌ പോലുള്ള ഉപകരണങ്ങൾ ഒഴിവാക്കുക.
• എ.സിക്ക്​​ 3000 ത്തോളം പാട്​സുകൾ ഉണ്ട്​ അതിനാൽ സർവീസുകൾ കൃത്യമായി നടത്തുക. ഫിൽട്ടർ എല്ലാ മാസവും വൃത്തിയാക്കുക.
  
• എയർ കണ്ടീഷണറി​െൻറ കണ്ടെൻ‍സർ‍ യൂണിറ്റ്‌ വീടി​െൻറ തെക്ക്‌ പടിഞ്ഞാറ്‌ ഭാഗത്ത്‌ ഘടിപ്പിക്കാതിരിക്കുന്നതാണ്​ നല്ലതെന്ന്​ കെ.എസ്​.ഇ.ബി നിർദ്ദേശിക്കുന്നു. കാരണം കേരളത്തിൽ ഏറ്റവും കൂടുതൽ സൂര്യപ്രകാശം ലഭിക്കുന്നത് തെക്ക് പടിഞ്ഞാറ് ഭാഗത്ത് നിന്നാണ്. കണ്ടൻസർ ഇരിക്കുന്ന ഭാഗം ചൂടുള്ളതായാൽ ഊർജ്ജനഷ്​ടം വർധിക്കാനിടയാക്കുമെന്നും അവർ മുന്നറിയിപ്പ്​ നൽകുന്നു.