അടുക്കളക്കൊരു മേക്ക്​ഓവർ

നിറങ്ങൾ മാറ്റിയോ ഇൻറീരിയറിൽ മാറ്റങ്ങൾ വരുത്തിയോ വീടിന്​ മേക്ക്​ ഓവർ നൽകുന്നത്​ പുതുമയല്ല. എന്നാൽ പൊതുവേ അടുക്കളയുടെ കാര്യത്തിൽ ഈ ചിന്ത വരാറില്ല. ഇന്ന്​ അടുക്കളകൾ മോഡേണായി മാറി. വീട്ടിൽ ഏറ്റവും ശ്രദ്ധയും അഴകുമുള്ള ഇടമായി മാറിയിരിക്കുകയാണ്​ ന്യൂജെൻ അടുക്കളകൾ. പ്രിയപ്പെട്ട ഇടമെന്ന രീതിയിൽ അടുക്കള മേക്ക്​ ഓവർ ചെയ്യുന്നതിനെ കുറിച്ചും ഇനി ചിന്തിക്കാം.

• വീടിലെ മറ്റേതൊരു സ്ഥലത്തെയും പോലെ, അടുക്കളയിലും മോടിയു​ള്ള നിറം നൽകാം. സാധ ാരണയായി വൃത്തിയുള്ള ലുക്കിനായി ആളുകള്‍ വെള്ള, ക്രീം, മഞ്ഞ, ലാവന്‍ഡര്‍, ബേബി പിങ്ക് നിറങ്ങളാണ് തെരഞ്ഞെടുക്കാറുള ്ളത്​. ഓറഞ്ച്, ചുവപ്പ് മിശ്രിതങ്ങള്‍ അടുക്കളക്ക് കൂടുതല്‍ ചുറുചുറുക്കും സ്‌റ്റൈലുമുള്ള അന്തരീക്ഷമുണ്ടാക്കും. മുഴുവനായും കടുംനിറങ്ങൾ നൽകുന്നതിന്​ പകരം ഒരുവശത്തെ ചുവരിന്​ മാത്രമായോ, ക്യാബിനറ്റുകളിലോ ഡ്രോയറുകളിലോ ഓറഞ്ച്​, പച്ച, ചുവപ്പ്​്​, നീല തുടങ്ങിയ കടുംനിറങ്ങൾ നൽകി അടുക്കളക്ക്​ സ്​പൈസി ലുക്ക്​ നൽകാം.

• തറ വൃത്തിയോടെ ഇരിക്കാൻ തടിയുടെ പാറ്റേണിലുള്ളതോ, ചാരനിറമോ, ക്രീംനിറത്തിലോ ഉള്ള ടൈലുകളാണ്​ അടുക്കളക്കായി തെരഞ്ഞെടുക്കാറുള്ളത്​. എന്നാൽ ഒരു മേക്ക്​ ഓവർ നൽകാൻ വർണാഭമായി പാറ്റേൺ ചെയ്ത ടൈലുകൾ ഉപയോഗിക്കാം. ഭംഗിയുള്ള പാറ്റേൺ ടൈലുകൾ ചുവരിന്​ നൽകുന്നതും അടുക്കളയുടെ അഴക്​ കൂട്ടും. തറയിലോ ചുവരുകളിലോ പാറ്റേൺ ടൈലുകൾ നൽകു​േമ്പാൾ ബാക്കി ഭാഗത്തെ ന്യൂട്രൽ നിറങ്ങളിൽ വിടുന്നതാണ്​ നല്ലത്​.

• അകത്തളത്തിൽ വി​േൻറജ്​ ഘടകങ്ങൾ നൽകുന്നത്​ എല്ലായ്പ്പോഴും പ്രത്യേക ഭംഗി നൽകാറുണ്ട്​. നിങ്ങളുടെ അടുക്കളക്കൊരു മേക്ക്​ ഓവർ നൽകാൻ ഉദ്ദേശിക്കുന്നുവെങ്കിൽ വി​േൻറജ്​ ഘടകങ്ങൾ പരീക്ഷിക്കാം. അടുക്കളയിലെ മോഡേൺ ഉപകരണങ്ങളുമായി ഇഴുകിചേരുന്ന തരത്തിലുള്ള വി​േൻറജ്​ പാറ്റേൺ തെരഞ്ഞെടുക്കാം. അലങ്കാരങ്ങൾക്ക്​ ആൻറ്റീക്​ കശകൗശല വസ്​തുക്കളും പാത്രങ്ങളുമെല്ലാം ഉപയോഗിക്കാം.

• അടുക്കളയിൽ ഭക്ഷണവുമായി ബന്ധപ്പെട്ട വാചകങ്ങളും ചിത്രങ്ങളും ഉപയോഗിക്കാം. അടുക്കളയുടെ തീമിനും ശൈലിക്കും ചേരുന്ന അടർത്തി മാറ്റാവുന്ന തരത്തിലുളള വാൾപേപ്പറുകളും പരീക്ഷിക്കാം.

• വെളിച്ച വിതാനത്തിന്​ അടുക്കളയിൽ ഒരു പ്രധാന പങ്കുണ്ട്​. അടുക്കളക്ക്​ സൗന്ദര്യാത്മക ആകർഷണത്തിനായി മനോഹരമായ പെൻഡൻറ്​ ലൈറ്റുകളോ ഷാൻഡിലിയറുകളോ നൽകാം.

• അടുക്കളയുടെ ഓരോ ഭാഗങ്ങളിലുമായി ലൈറ്റിങ് നല്‍കാവുന്നതാണ്. അടുക്കളയിലെ സീലിങ് കാബിനു താഴെയായി ചെറിയ എല്‍.ഇ.ഡി ലൈറ്റുകള്‍ നല്‍കാവുന്നതാണ്. എല്‍.ഇ.ഡി ലൈറ്റുകളുടെ വെളിച്ചം കൗണ്ടര്‍ടോപ്പിന്‍ പ്രതിഫലിക്കുന്നതിലൂടെ ആകര്‍ഷകമാകും.

തയാറാക്കിയത്​: വി.ആർ ദീപ്​തി