വർക്ക്​ ഫ്രം ഹോം അല്ലെ, വീടിനെ ഓഫീസാക്കു​േമ്പാൾ ശ്രദ്ധിക്കേണ്ടത്​

കോവിഡ്​ 19 വ്യാപകമായി പടരുന്നതിനിടയിൽ ​ലോകത്തെ പലസ്ഥാപനങ്ങളും ജീവനക്കാരുടെ സുരക്ഷയ്​ക്കൊപ്പം കമ്പനിയുടെ പ്രവർത്തനങ്ങൾ സുഗമമായി കൊണ്ടുപോകാനുമായി വർക്ക്​ ഫ്രം​ ഹോം നടപ്പാക്കുന്നത്​ വ്യാപകമാണ്​. ​കോവിഡ്​ പടർന്നു​ തുടങ്ങിയ 2020 ൽ തന്നെ വീട്ടിലിരുന്നു ജോലി ചെയ്യാൻ ജീവനക്കാരെ അനുവദിച്ച കമ്പനികൾ ഇപ്പോഴും അത്​ തുടരുകയാണ്​. രണ്ടാംതരംഗം വ്യാപകമായതിനെ തുടർന്ന്​ കേരളത്തിലും വർക്ക്​ ഫ്രം​ ഹോം സ​മ്പ്രദായം സർക്കാർ തലത്തിൽ തന്നെ നടപ്പാക്കുകയും സ്വകാര്യസ്ഥാപനങ്ങൾ അത്​ തുടരണമെന്നാവശ്യപ്പെടുകയും ചെയ്​തിരുന്നു.

നിശ്ചിത തൊഴിലിനാവശ്യമായ സൗകര്യങ്ങൾ ജീവനക്കാരന്​ വീട്ടിലൊരുക്കി നൽകിയാണ്​ പല കമ്പനികളും വർക്ക് ഫ്രം ഹോം നടപ്പാക്കിയത്​. ഏറ്റവും കോളിറ്റിയുള്ള പ്രൊഡക്​റ്റ്​ ഓരോ ജീവനക്കാരിൽ നിന്നും ലഭിക്കണമെന്ന കമ്പനികളുടെ ആഗ്രഹമാണ്​ ജീവനക്കാരനാവശ്യമായ സൗകര്യങ്ങളൊരുക്കി നൽകിയതിന്​ പിന്നിലെ ഘടകം. കമ്പനികളുടെ പിന്തുണയോടെയും ചിലപ്പോൾ ജീവനക്കാര​െൻറ മാത്രം സൗകര്യങ്ങ​ളുമുപയോഗിച്ചാണ്​ പലരും സ്വന്തം വീടുകളിൽ ഓഫീസിനൊരിടം കണ്ടെത്തുന്നത്​.

ഡൈനിങ്ങ്​ ടേബ്​ളിലോ, സ്​റ്റഡി റൂമിലോ, ലിവിങ്ങ്​ റൂമിലോ ഉള്ള മേശപ്പുറത്ത്​ കമ്പ്യൂട്ടറോ, ലാപ്​ടോപ്പോ വെച്ച്​ ജോലി ചെയ്യുന്നത്​ കൂടുതൽ വിരസതയാണുണ്ടാക്കുക. കൂടുതൽ പണം മുടക്കാതെ വീട്ടിൽ ഉള്ള സൗകര്യങ്ങൾ ക്രമീകരിച്ചാൽ തന്നെ ജോലി​െചയ്യാനിരിക്കുന്ന ഇടം കൂടുതൽ ആകർഷകവും മനോഹരവുമാക്കാൻ വ്യത്യസ്ത മാർഗങ്ങളുണ്ട്. ഇത് ജോലിയിലുള്ള ശ്രദ്ധ കേന്ദ്രീകരിക്കുന്നതിന്​ മാത്രമല്ല ഉൽ‌പാദനക്ഷമത വർദ്ധിപ്പിക്കാനും ഗുണം ചെയ്യും.

എവിടെ ഇരിക്കണം, എവിടെ ഇടണം ടേബ്ൾ​

ജോലി ചെയ്യാനിരിക്കുന്ന സ്ഥലത്തിന്​ പ്രത്യേകതയുണ്ട്​. നമ്മുടെ ജോലി വിരസതയില്ലാതാക്കാൻ ഏറ്റവും കൂടുതൽ ഉപകരിക്കുന്നത്​ തൊഴിൽ ചെയ്യാനിരിക്കുന്ന ഇടങ്ങളാണ്​. ഒരു ജനലിനരികിലോ, ബാൽക്കണിക്ക്​ സമീപമോ വർക്ക്​ ചെയ്യാനുള്ള കസേരയും മേശയും സജ്ജീകരിക്കുന്നതാണ്​ നല്ലത്​​.

പ്രകൃതി ദൃശ്യങ്ങൾക്കൊപ്പം മികച്ച രീതിയിൽ വായു സഞ്ചാരം ഉള്ളത്​ ഉന്മേശം നൽകും. വേനൽക്കാലത്ത്​ ചൂട്​ വെല്ലുവിളിയാകു​ന്നുണ്ടെങ്കിൽ മനോഹരമായ കർട്ടനുകൾ ​ ജനലുകളിൽ ഉപയോഗിക്കാം. എന്നാൽ രാവിലെയും വൈകുന്നേരവും വായുസഞ്ചാരത്തിനായി ജനൽ തുറന്നിടണം.

അടുക്കും ചിട്ടയുമുള്ള മേശ

ജോലി ചെയ്യാനുപയോഗിക്കുന്ന മേശ അല​ങ്കോലപ്പെടുത്താതെ ക്രമീകരിക്കുക. ജോലിക്കാവശ്യമായ സാധനങ്ങൾ ഒഴികെയുള്ളവ​യെല്ലാം മേശപ്പുറത്ത്​ നിന്ന്​ മാറ്റുക​. അത്തരം അനാവശ്യവസ്​തുക്കൾ മേശപ്പുറത്തുണ്ടാകുന്നത്​ നിങ്ങളുടെ ചിന്തയെ വ്യതിചലിപ്പിക്കും.

ഹോം ഓഫീസ് ഡിസൈൻ ടിപ്പുകൾ

വീട്ടിൽ നിങ്ങളുടെ മിനി ഓഫീസ് രൂപകൽപ്പന ചെയ്യുമ്പോഴോ സജ്ജീകരിക്കുമ്പോഴോ ഓർമ്മിക്കേണ്ട ചില ടിപ്പുകൾ ഇതാ:

• ലൊക്കേഷൻ തിരഞ്ഞെടുപ്പ്​: ശാന്തമായ ഒരു സ്ഥലമോ പ്രത്യേക മുറിയോ തിരഞ്ഞെടുക്കുക. അവിടെ നിങ്ങൾക്ക് മറ്റ്​ ശബ്ദങ്ങളുടെ അലോസരമില്ലാതെ സമാധാനത്തോടെ ജോലി ചെയ്യാൻ കഴിയും.
  
• മതിയായ ഇടമുണ്ടായിരിക്കുക: ഇരിക്കുന്ന മേശക്കും കസേരക്കും ചുറ്റും മതിയായ സ്ഥലം ഒരുക്കുന്നത്​ സുഖമായി ഇരിക്കാനും ജോലി റിലാക്​സായി ചെയ്യാനും ഉപകരിക്കും
  
• സൗകര്യമാണ്​ വലുത്​ സ്​റൈലിഷല്ല: നിങ്ങൾക്ക്​ സുഖമമായി ഇരിക്കാനുതകുന്ന കസേരയാണ്​ തെരഞ്ഞെടുക്കേണ്ടത്​. സ്​റൈലിഷായ കസേരയിൽ കൂടുതൽ സമയം ഇരിക്കാൻ കഴിഞ്ഞ്​ കൊള്ളണമെന്നില്ല. കാല്​ ഇടക്കിടക്ക്​ വെക്കാനും മറ്റും ഒരു ഫുട്ട്​ റെസ്​റ്റ്​ കരുതുന്നതും​ ഗുണകരമാണ്​.
  
• വെളിച്ചമുള്ള ഇടം: ധാരാളം പ്രകൃതിദത്ത വെളിച്ചവും വായുവും ഉള്ള ഒരു സ്ഥലത്തിരുന്നു പ്രവർത്തിക്കുന്നതാണ്​ നല്ലത്​. അത്​ കൂടുതൽ ഉൽ‌പാദനക്ഷമതയമുണ്ടാക്കും. ഇരിക്കുന്ന സ്ഥലം ഇരുണ്ടതാകാതിരിക്കാൻ ശ്രദ്ധിക്കുക.