ശൈലികളുടെ ലയനം: വീട്​ ലളിതം

പുറവും അകവുമെല്ലാം ഒരേ ശൈലിയിൽ ഒരുക്കിയാൽ വീടിന്​ ഒരു താളമുണ്ടാകും. എന്നാൽ ഒന്നിൽ കൂടുതൽ ശൈലികൾ ചേർത്ത ഫ്യൂഷനായാലോ? ട്രഡീഷ്​ണൽ ശൈലിയും കൻറംപററി ശൈലിയും ഇഴചേർത്ത്​  മിശ്ര ശൈലി രീതിയിൽ തീർത്ത വീട്.  അമിത ആഡംബരങ്ങളില്ലാതെ വീട്ടുകാർക്ക്​ തന്നെ മനോഹരമായി ഒരുക്കിവെക്കാൻ കഴിയുന്ന ഇടമായിരിക്കണം വീടി​െൻറ ഒരോ കോണും എന്നായിരുന്നു വീട്ടുടമ ആവശ്യപ്പെട്ടത്​.  ഉടമയുടെ അഭിരുചിയറിഞ്ഞ്​ നവീനവും ആകർഷണീയവുമായ ശൈലിയിൽ വീട്​ അണിയിച്ചൊരുക്കാൻ ഡിസൈനർ ദിലീപിന്​ കഴിഞ്ഞു.

എക്​സീറ്റീരിയറിൽ  നാച്ചുറൽ സ്​റ്റോണുകൊണ്ടാണ്​ തൂണുകൾ നിർമ്മിച്ചിരിക്കുന്നത്​. എലിവേഷനിൽ ഇരു വശങ്ങളിലായി ചുവരിൽ വളപട്ടണം ബ്രിക്​സി​െൻറ  ഫീൽ കിട്ടുന്ന രീതിയിൽ ടൈലുകൾ പതിച്ചിരിക്കുന്നത്​ ട്രഡീഷ്​ണൽ ലുക്ക്​ നൽകുന്നു​.

കണ്ണൂർ പഴിശ്ശിനിക്കടവിൽ ശ്യാമാനന്ദ്​ ലക്ഷ്​മൺ – ഷേർലി ദമ്പതിയുടെ സ്വപ്​നം ഭവനം തീർത്തത്​ 2436 സ്ക്വയർ ഫീറ്റ്​ വിസ്​തീർണത്തിലാണ്​.  നാലു കിടപ്പുമുറികളും പൂജാമുറിയും ഫോയറുമെല്ലാം ഉൾപ്പെടുത്തി പാരമ്പര്യത്തി​െൻറ തനിമയുടെ സമാകാലീന ശൈലിയിലെ പുതുമകളും കൈവിടാതെ വീടൊരുക്കി ഉടമയെ അമ്പരിപ്പിക്കാൻ ഡിസൈനർക്ക്​ കഴിഞ്ഞിട്ടുണ്ട്​.

വീടിന്റെ ഓരോ മുക്കിലും മൂലയിലും പ്രകാശം നിറയുകയും ചൂട് കുറക്കുകയും ചെയ്യുന്ന തരത്തിൽ വെൻറിലേഷൻ  നൽകിയിട്ടുണ്ട്​. സ്ഥലം അല്പം പോലും പാഴാക്കാത്ത സ്പെയ്സ് പ്ലാനിങ്​, ലാളിത്യം തോന്നുന്ന ഇന്റീരിയർ, അകത്തളങ്ങളിൽ കണ്ണിന് കുളിർമ നൽകുന്ന നിറഭേദങ്ങൾ, മിനിമം ആക്​സസറീസ്​ ഉൾ​പ്പെടുത്തി ആകർഷണീയമാക്കിയ ഇടങ്ങൾ  എന്നിങ്ങനെ നിരവധി പ്രത്യേകതകൾ ഇൗ വീടിന് അവകാശപ്പെടാനുണ്ട്​.

സിറ്റ്​ ഒൗട്ടിൽ നിന്നും പ്രധാനവാതിൽ തുറക്കുന്നത്​  ഫോയറിലേക്കാണ്​. ആദ്യ കാഴ്​ചയിൽ പരമ്പരാഗത ശൈലി അവംലബിച്ച്​ തടി ഫ്രെയിമിൽ ഒരുക്കിയെടുത്ത പൂജാമുറി. ഇടതുവശത്ത്​ ലിവിങ്​​ സ്​പേസ്​. സ്​​റ്റെയർ സ്​പേസ്​ കഴിഞ്ഞ്​ ഡൈനിങ്​ ഏരിയ​. ഡിസൈനിൽ സ്വകാര്യതക്ക്​ പ്രാധാന്യം നൽകിയിട്ടുണ്ട്​.

ലളിതമായ സീലിങ്ങും ആവ​ശ്യമറിഞ്ഞുകൊണ്ട്​ ലൈറ്റിങ്ങും  ​ചെയ്​തിരിക്കുന്നു. താഴെ ഇരുണ്ട ഷേഡിലുളള ഗ്രാനൈറ്റും ഒന്നാം നിലയിൽ വിട്രിഫൈൽ ടൈലുമാണ്​ വിരിച്ചിരിക്കുന്നത്​.

Designer
Dileep Maniyeri
SHADOWS
Architectural & interior consultants.
Easthill, calicut-5
mobile no:  + 91 94 96 93 10 35