വിക്​ടോറിയൻ വീട്​

കുത്തനെ ചെരിഞ്ഞ മേൽക്കൂരകളും പലതട്ടുകളിലായി കിടക്കുന്നതുപോലെയുള്ള ഘടനയും ചേർന്ന വാസ്​തുശൈലിയാണ്​ വിക്​ടോറിയൻ സ്​റ്റൈൽ. പാശ്​ചാത്യ വാസ്​തുശൈലിയിൽ ഏറെ ​പ്രചരിക്കപ്പെട്ട രീതിയായിരുന്നു ഇത്​.  വിക്​ടോറിയൻ ആർക്കിടെക്​ച്ചർ എന്ന്​ കേഹക്കു​േമ്പാൾ ഉയരം കൂടി, ചെരിഞ്ഞ മേൽക്കൂരകളും, സാമ്യമില്ലാത്ത വശങ്ങളും മുഖപ്പും ആകർഷണീയമായ നിറവും എന്നാൽ അത്ര മിനുസമല്ലാത്ത ടെക്​ച്ചറുള്ള ചുമരുകളുമെല്ലാമാണ്​ മനസിലെത്തുക. ഇതെല്ലാം തന്നെയാണ്​ വിക്​ടോറിയൻ രാജ്ഞിയുടെ  കാലഘട്ടത്തിൽ നിന്നും ലോകത്തിലുടനീളം പ്രചരിച്ച വിക്​ടോറിയൻ ആർക്കിടെക്​ച്ചറി​​െൻറ പ്രത്യേകതകൾ.

വിക്​ടോറിയൻ ശൈലിയുടെ പാരമ്പര്യവും നവീന വാസ്​തുകലയും  സമന്വയിപ്പിച്ച്​ സുബിൻ സുരേന്ദ്രൻ ആർക്കിടെക്​റ്റ്​സ്​ രൂപ കൽപന ചെയ്​ത വീടി​െൻറ വിശേഷങ്ങളാണ്​ പറഞ്ഞു വരുന്നത്​. രണ്ടു തട്ടുകളിലായി
37,50 സ്വകയർ ഫീറ്റിൽ പരന്ന്​ കിടക്കുന്നതാണ്​ വീട്​.  വീടി​െൻറ വിശാലത അകത്തളത്തിലുമുണ്ടായിരിക്കണമെന്ന വീട്ടുടമയുടെ ആവശ്യം പരിഗണിച്ചാണ്​ നിർമാണം. നാല് കിടപ്പുമുറികളോടു കൂടിയ വീട്ടിൽ ഒാപ്പൺ സ്​പേസുകളും വലിയ കോമൺ എരിയകളും ഉൾപ്പെടുത്തിയിരിക്കുന്നു.

അകത്തളത്ത്​ എത്തുക സിറ്റ്​ ഒൗട്ട്​ കഴിഞ്ഞുള്ള ഫോയർ സ്​പേസിലൂ​െടയാണ്​.  ആദ്യം കാഴ്​ചയിൽ​ എത്തുക വിശാലമായ ലിവിങ്​ റൂമാണ്​.  ലിവിങ്​ റൂമിനോട്​ ചേർന്ന്​ ഡൈനിങ്​ ഏരിയയും നൽകിയിരിക്കുന്നു. ഡൈനിങ്​ ഏരിയ പ്രത്യേകമായി മുറിയായി നൽകാതെ ലിവിങ്​ റൂമിനോട്​ ചേർന്ന്​ മറ്റൊരു തട്ടിലായാണ്​ ഒരുക്കിയിരിക്കുന്നത്​. ചുമരുകൾക്കും വാതിലുകൾക്കുമുള്ള സ്ഥലം ലാഭിച്ച്​ അകത്തളം വിശാലമാക്കിയിരിക്കുന്നു. ഡൈനിങ്​ ഏരിയയോട്​ ചേർന്ന്​ ഭക്ഷണസാധനങ്ങളും പാത്രങ്ങളുമെല്ലാം ഒരുക്കിവെക്കാൻ പ്രത്യേകമായി പാൻട്രി സ്​പേസും നൽകിയിട്ടുണ്ട്​.  പാൻട്രി സ്​പേസിൽ നിന്നാണ്​ അടുക്കളയിലേക്കുള്ള പ്രവേശം.

നാല്​ കിടപ്പുമുറികളിൽ മാസ്​റ്റർ ബെഡ്​റൂമും കുട്ടികളുടെ മുറിയും വീടി​െൻറ രണ്ടാമത്തെ ലെവലിലാണ്​ ഒരുക്കിയിരിക്കുന്നത്​. രണ്ട്​ കിടപ്പുമുറികൾ ഒന്നാമത്തെ ലെവിലിലാണ്​. ഇൗ കിടപ്പുമുറികൾക്കിടയിൽ ഒരു കോമൺ സ്​പേസ്​ നൽകിയിരിക്കുന്നു.  ഇതിനടുത്ത്​ തന്നെയായി ലൈബ്രറിയും ക്രമീകരിച്ചിട്ടുണ്ട്​. കിടപ്പുമുറികളിലെല്ലാം ബാത്ത്​റൂമുകളും  ഡ്രെസ്​ ഏരിയയും അറ്റാച്ച്​ ചെയ്​തിട്ടുണ്ട്​.
പ്രധാന കിടപ്പുമുറികളും കുട്ടികളുടെ കിടപ്പുമുറിയും രണ്ടാമത്തെ തട്ടിൽ നൽകിയതിലൂടെ  വീട്ടുകാർക്ക്​ കൂടുതൽ സ്വകാര്യത നൽകാൻ ആർകിടെകിന്​ കഴിഞ്ഞിട്ടുണ്ട്​.

രണ്ട്​ കാറുകൾ പാർക്ക്​ ചെയ്യാവുന്ന പോർച്ചാണ്​ വീടിന്​ നൽകിയത്​. പോർച്ച്​ റൂഫിന്​ ഡബിൾ ഹൈറ്റ്​ നൽകിയത്​ വീടി​െൻറ എക്​സ്​റ്റീരിയറിന്​ പ്രൗഢ ഭംഗി നൽകുന്നു.
 ആഡംബരം കുറക്കേണ്ടെന്ന ചിന്തയിലാവാം സ്വിമ്മിങ്​ പൂളും വീടി​െൻറ ഡിസൈനിൽ ഉൾപ്പെടുത്തിയിട്ടുണ്ട്​. പരമ്പരാഗത വിക്​ടോറിയൻ ശൈലിയിൽ സമകാലികമായ ഘടകങ്ങളും സമന്വയിപ്പിച്ച പുത്തൻ ആശയമാണ്​ ആർകിടെക്​ സുബിൻ സ്വീകരിച്ചിരിക്കുന്നത്​.