ഹൃദയാഘാതം; മലപ്പുറം സ്വദേശി ജിദ്ദയിൽ നിര്യാതനായി

ജിദ്ദ: ഹൃദയാഘാതത്തെത്തുടർന്ന് മലപ്പുറം സ്വദേശി ജിദ്ദയിൽ നിര്യാതനായി. പെരിന്തൽമണ്ണ ആലിപ്പറമ്പ് സ്വദേശി ബഷീർ കോരനാത്ത് (കുഞ്ഞാണി 40) ആണ് മരിച്ചത്. 11 വർഷമായി ജിദ്ദയിലെ ഒരു മദ്രസ സ്ഥാപനത്തിൽ നോട്ടക്കാരനായി ജോലി ചെയ്തു വരികയായിരുന്നു.

പിതാവ്: മയമി ഹാജി, മാതാവ്: ഖദീജ, ഭാര്യ: ഫസീജ, മക്കൾ: ഫർസാന, സിഫാന, ഷഹാന നിഹാല. കെ.എം.സി.സി വെൽഫയർ വിങ് പ്രവർത്തകരായ മുഹമ്മദ് കുട്ടി പാണ്ടിക്കാട്, സിദ്ധീഖ് ഒളവട്ടൂർ തുടങ്ങിയവരുടെ നേതൃത്വത്തിൽ നടപടിക്രമങ്ങൾ പൂർത്തിയാക്കി മയ്യിത്ത് മക്കയിൽ ഖബറടക്കുമെന്ന് ഇദ്ദേഹത്തിന്റെ ബന്ധുവായ അയ്യൂബ് ദാരിമി അറിയിച്ചു.