ഖരീഫ്​: വിസ് എയർ സലാലയിലേക്ക്​ സർവിസ്​ നടത്തും

മസ്കത്ത്​: ഖരീഫ്​ സീസണോടനുബന്ധിച്ച്​ വിസ് എയർ അബുദാബി സലാലയിലേക്ക്​ സർവിസ്​ നടത്തും. മാലിദ്വീപ്, ലാർനാക്ക, സാന്റോറിനി, അന്റാലിയ, മദീന തുടങ്ങിയ സ്​ഥലങ്ങളിലേക്ക്​ പ്രഖ്യാപിച്ച സർവിസുകൾക്കൊപ്പമാണ്​ സലാലയും ഉൾപ്പെട്ടിരിക്കുന്നത്​.

ചൊവ്വ, ബുധൻ, വ്യാഴം, ശനി, ഞായർ ദിവസങ്ങളിലായിരിക്കും സലാലയിലേക്ക്​ സർവിസ്​ നടത്തുക. 129 ദിനാർ മുതലായിരിക്കും ചാർജ്​. ഈ വേനൽക്കാലത്ത് ഏറ്റവും കുറഞ്ഞ നിരക്കിൽ യാത്ര ആസ്വദിക്കാനുള്ള അവസരമാണ്​ ഒരുക്കിയിരിക്കുന്നതെന്ന്​ വിസ് എയർ അബുദാബിയുടെ ഓഫിസറും മാനേജിങ്​ ഡയറക്ടറുമായ ജോഹാൻ ഈദാഗൻ പറഞ്ഞു.