വീടുകളില്‍ മോഷണം: നാല് പേര്‍ പിടിയില്‍

മനാമ: വീടുകളില്‍നിന്നും കടകളില്‍നിന്നും മോഷണം നടത്തിയ കേസില്‍ നാലു പേരെ പിടികൂടിയതായി ക്രിമിനല്‍ ഇന്‍വെസ്​റ്റിഗേഷന്‍ വിഭാഗം അറിയിച്ചു. 25നും 46നുമിടയില്‍ പ്രായമുള്ളവരാണ് പ്രതികള്‍. ഇവരില്‍നിന്നും മോഷ്​ടിച്ച വസ്​തുക്കളും പണവും കണ്ടെടുത്തു. വിവിധ വീടുകളും കടകളും കേന്ദ്രീകരിച്ചാണ് സംഘം മോഷണം നടത്തിയിരുന്നത്. പരാതി ലഭിച്ചതി​ൻെറ അടിസ്ഥാനത്തില്‍ പൊലീസ് നടത്തിയ അന്വേഷണത്തിലാണ് പ്രതികളെ പിടികൂടിയത്. ഇവര്‍ 12 കളവ് കേസുകള്‍ നടത്തിയതായി ചോദ്യംചെയ്യലില്‍ സമ്മതിച്ചു.

വിചാരണക്കും വിധിപ്രസ്​താവത്തിനുമായി പ്രതികളെ പബ്ലിക് പ്രോസിക്യൂഷന് കൈമാറി. അനാശാസ്യത്തിന് പ്രേരണ: 17 പേര്‍ പിടിയില്‍ മനാമ: അനാശാസ്യത്തിന് പ്രേരണ നല്‍കിയതി​ൻെറ പേരില്‍ 17 പേര്‍ പിടിയിലായതായി ക്രിമിനല്‍ ഇന്‍വെസ്​റ്റിഗേഷന്‍ വിഭാഗം അറിയിച്ചു. 20നും 46നുമിടയില്‍ പ്രായമുള്ളവരാണ് പ്രതികള്‍. ഇതില്‍ 15 പേര്‍ സ്ത്രീകളാണ്. പബ്ലിക് പ്രോസിക്യൂട്ടറുടെ മുന്‍കൂര്‍ അനുമതിയോടെ പ്രതികളുടെ താമസസ്ഥലത്ത് നടത്തിയ പരിശോധനയിലാണ് ഇവരെ പിടികൂടിയത്. നിയമനടപടികള്‍ക്കായി പ്രതികളെ പബ്ലിക് പ്രോസിക്യൂഷന് കൈമാറിയിരിക്കുകയാണ്.