കോവിഡ്​: ഒരാൾ കൂടി മരിച്ചു

മനാമ: ബഹ്​റൈനിൽ കോവിഡ്​ ബാധിച്ച്​ ഒരാൾ കൂടി മരിച്ചു. 70 വയസ്സുള്ള സ്വദേശിയാണ്​ മരിച്ചത്​. ഇതോടെ, രാജ്യത്ത്​ മരിച്ചവരുടെ എണ്ണം 176 ആയി. പുതു​തായി 396 പേർക്ക്​ കൂടി കോവിഡ്​ സ്​ഥിരീകരിച്ചു. ഇവരിൽ 156 പേർ പ്രവാസികളാണ്​. 233 പേർക്ക്​ സമ്പർക്കത്തിലൂടെയും ഏഴുപേർക്ക്​ യാത്രയിലൂടെയുമാണ്​ രോഗം പകർന്നത്​. 392 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ, രാജ്യത്ത്​ രോഗമുക്​തി നേടിയവരുടെ എണ്ണം 43921 ആയി ഉയർന്നു.