ആ​ത്മ​മി​ത്ര​ങ്ങ​ളെ ന​ഷ്ട​പ്പെ​ട്ടി​ട്ട് ഒ​രു​വ​ർ​ഷം; വേ​ദ​ന​യൊ​ടു​ങ്ങാ​തെ പ്രി​യ​പ്പെ​ട്ട​വ​ർ

മ​നാ​മ: അ​ൽ ഹി​ലാ​ൽ ആ​ശു​പ​ത്രി ജീ​വ​ന​ക്കാ​രാ​യ അ​ഞ്ചു ചെ​റു​പ്പ​ക്കാ​രെ മ​ര​ണം ക​വ​ർ​ന്നി​ട്ട് ഒ​രു വ​ർ​ഷം ക​ഴി​യു​മ്പോ​ൾ സു​ഹൃ​ത്തു​ക്ക​ളു​ടെ ക​ണ്ണീ​രു​ണ​ങ്ങി​യി​ട്ടി​ല്ല. ശൈ​ഖ് ഖ​ലീ​ഫ ബി​ൻ സ​ൽ​മാ​ൻ ഹൈ​വേ​യി​ൽ സ​ൽ​മാ​ബാ​ദി​ന​ടു​ത്ത് ആ​ലി​യി​ൽ ക​ഴി​ഞ്ഞ​വ​ർ​ഷം സെ​പ്റ്റം​ബ​ർ ഒ​ന്നി​ന് രാ​ത്രി​യു​ണ്ടാ​യ വാ​ഹ​നാ​പ​ക​ട​ത്തി​ലാ​ണ് ഇ​വ​ർ മ​രി​ച്ച​ത്.

പ​യ്യ​ന്നൂ​ർ എ​ടാ​ട്ട് കു​ഞ്ഞി​മം​ഗ​ലം കാ​ന വീ​ട്ടി​ൽ അ​ഖി​ൽ (28), മ​ല​പ്പു​റം വെ​ള്ള​യൂ​ർ ഗോ​കു​ലം വീ​ട്ടി​ൽ ജ​ഗ​ത് (30), കോ​ഴി​ക്കോ​ട് മാ​യ​നാ​ട് പൊ​റ്റ​മ്മ​ൽ വൈ​ശ്യം​പു​റ​ത്ത് മ​ഹേ​ഷ് (33), ചാ​ല​ക്കു​ടി മു​രി​ങ്ങൂ​ർ പ​രീ​ക്കാ​ട​ൻ വീ​ട്ടി​ൽ ഗൈ​ത​ർ (28), തെ​ല​ങ്കാ​ന ക​രിം​ന​ഗ​ർ പേ​ട്ട യെ​ല്ല​റെ​ഡ്ഡി കോ​രു​ത്‍ലാ​പേ​ട്ട സു​മ​ൻ (29) എ​ന്നി​വ​രാ​ണ് മ​രി​ച്ച​ത്.

സ​ൽ​മാ​ബാ​ദി​ൽ​നി​ന്ന് മു​ഹ​റ​ഖി​ലേ​ക്ക് വ​രു​ക​യാ​യി​രു​ന്ന ഇ​വ​ർ സ​ഞ്ച​രി​ച്ച കാ​ർ ശു​ചീ​ക​ര​ണ ട്ര​ക്കു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു. ഓ​ണാ​ഘോ​ഷ​ത്തി​ൽ പ​​ങ്കെ​ടു​ത്ത് മ​ട​ങ്ങി​വ​രും വ​ഴി​യാ​ണ് അ​പ​ക​ട​മു​ണ്ടാ​യ​ത്. അ​ഞ്ചു​പേ​രും ഒ​രു​മി​ച്ച് ജോ​ലി ചെ​യ്യു​ന്ന​വ​രും സു​ഹൃ​ത്തു​ക്ക​ളു​മാ​യി​രു​ന്നു. ഇ​വ​രു​ടെ അ​പ്ര​തീ​ക്ഷി​ത വി​യോ​ഗം പ്ര​വാ​സ​ലോ​ക​ത്തി​നാ​ക​മാ​നം ആ​ഘാ​ത​മാ​യി​രു​ന്നു.