കൃഷി അഭിവൃദ്ധിപ്പെടുന്നു; ബഹ്റൈനിൽ കൃഷിഭൂമിയുടെ 47 ശതമാനവും ഈന്തപ്പനകൾ

മ​നാ​മ: ഈ​ന്ത​പ്പ​ന കൃ​ഷി വ്യാ​പ​ക​മാ​ക്കാ​നു​ള്ള സ​ർ​ക്കാ​റി​ന്റെ ശ്ര​മ​ങ്ങ​ൾ ഫ​ലം ക​ണ്ടു​തു​ട​ങ്ങി​യ​തി​ന്റെ തെ​ളി​വാ​യി കാ​ർ​ഷി​ക മ​ന്ത്രാ​ല​യ​ത്തി​ന്റെ പു​തി​യ ക​ണ​ക്കു​ക​ൾ. ഏ​റ്റ​വും പു​തി​യ സ്ഥി​തി​വി​വ​ര​ക്ക​ണ​ക്കു​ക​ൾ പ്ര​കാ​രം രാ​ജ്യ​ത്ത് 500,930 ഈ​ന്ത​പ്പ​ന​ക​ളു​ണ്ടെ​ന്ന് മു​നി​സി​പ്പാ​ലി​റ്റി കാ​ര്യ-​കൃ​ഷി മ​ന്ത്രി വാ​ൽ അ​ൽ മു​ബാ​റ​ക് ശൂ​റ കൗ​ൺ​സി​ലി​നെ രേ​ഖാ​മൂ​ലം അ​റി​യി​ച്ചു. ബ​ഹ്‌​റൈ​നി​ലെ കൃ​ഷി​ഭൂ​മി​യു​ടെ 47 ശ​ത​മാ​ന​ത്തി​ലും ഇ​പ്പോ​ൾ ഈ​ന്ത​പ്പ​ന​ക​ളാ​ണു​ള്ള​ത്. ഒ​രു​കാ​ല​ത്ത് ബ​ഹ്‌​റൈ​ൻ ദ​ശ​ല​ക്ഷം ഈ​ന്ത​പ്പ​ന​ക​ളു​ടെ നാ​ട് എ​ന്നാ​ണ് അ​റി​യ​പ്പെ​ട്ടി​രു​ന്ന​ത്. പി​ൽ​ക്കാ​ല​ത്ത് പ​ല കാ​ര​ണ​ങ്ങ​ളാ​ൽ കൃ​ഷി കു​റ​ഞ്ഞു. കൃ​ഷി വ്യാ​പ​ക​മാ​ക്കി പ​ഴ​യ പ്ര​ഭാ​വം വീ​ണ്ടെ​ടു​ക്കാ​നു​ള്ള പ​ദ്ധ​തി​ക​ൾ കൃ​ഷി വ​കു​പ്പ് ആ​വി​ഷ്ക​രി​ച്ചി​രു​ന്നു.

രാ​ജ്യ​ത്തി​ന്റെ ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യി ഈ​ന്ത​പ്പ​ന കൃ​ഷി​യും പ​ച്ച​ക്ക​റി കൃ​ഷി​യും വ്യാ​പി​പ്പി​ക്കാ​നാ​യി​രു​ന്നു പ​ദ്ധ​തി. മ​ണ്ണ് അ​ധി​കം വേ​ണ്ടാ​ത്ത രീ​തി​യി​ൽ ആ​ധു​നി​ക കാ​ർ​ഷി​ക​മാ​ർ​ഗ​ങ്ങ​ൾ അ​വ​ലം​ബി​ക്കാ​നും തീ​രു​മാ​നി​ച്ചി​രു​ന്നു. ഈ ​പ​ദ്ധ​തി​യു​ടെ ര​ണ്ടാം ഘ​ട്ട​ത്തി​നാ​യി സ​മാ​ഹീ​ജി​ലും അ​ധാ​രി​യി​ലും 3.3 ഹെ​ക്ട​ർ വ​രു​ന്ന ര​ണ്ട് ​​പ്ലോ​ട്ടു​ക​ൾ അ​നു​വ​ദി​ച്ചി​ട്ടു​ണ്ട്.

പ​ദ്ധ​തി​യു​ടെ മൂ​ന്നാം ഘ​ട്ടം ന​ട​പ്പാ​ക്കു​ന്ന​തി​നാ​യി കാ​ർ​ഷി​ക ഉ​ൽ​പാ​ദ​ന​ത്തി​ൽ അ​ധി​ക മേ​ഖ​ല​ക​ൾ ല​ഭ്യ​മാ​ക്കാ​നു​ള്ള ശ്ര​മ​ങ്ങ​ൾ ന​ട​ക്കു​ന്നു​ണ്ടെ​ന്ന് മ​ന്ത്രി പ​റ​ഞ്ഞു. പ​ച്ച​ക്ക​റി സ്വ​യം പ​ര്യാ​പ്ത​ത കൈ​വ​രി​ക്കാ​നും മ​ന്ത്രാ​ല​യം ല​ക്ഷ്യ​മി​ടു​ന്നു​ണ്ട്. കാ​ർ​ഷി​ക മേ​ഖ​ല​യു​ടെ വി​ക​സ​ന​ത്തി​നാ​യി സ്വ​കാ​ര്യ മേ​ഖ​ല​യു​ടെ പ​ങ്കാ​ളി​ത്ത​ത്തോ​ടെ നി​ക്ഷേ​പം ന​ട​ത്തു​മെ​ന്നും മ​ന്ത്രി പ​റ​ഞ്ഞു.

റോ​ഡ് ശൃം​ഖ​ല, പാ​ല​ങ്ങ​ൾ, മേ​ൽ​പാ​ല​ങ്ങ​ൾ, അ​ണ്ട​ർ​പാ​സു​ക​ൾ എ​ന്നി​വ കൂ​ടു​ത​ലാ​യി സ്ഥാ​പി​ച്ച് ഗ​താ​ഗ​തം സു​ഗ​മ​മാ​ക്കു​മെ​ന്ന് പൊ​തു​മ​രാ​മ​ത്ത് മ​ന്ത്രി ഇ​ബ്രാ​ഹിം ആ​ൽ ഹ​വാ​ജ് ശൂ​റ കൗ​ൺ​സി​ലി​നെ അ​റി​യി​ച്ചു. പാ​ല​ങ്ങ​ളു​ടെ അ​ടി​യി​ലു​ള്ള സ്ഥ​ലം പ്ര​യോ​ജ​ന​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട ശൂ​റ കൗ​ൺ​സി​ൽ അം​ഗ​ത്തി​ന്റെ ചോ​ദ്യ​ത്തി​ന് മ​റു​പ​ടി പ​റ​യു​ക​യാ​യി​രു​ന്നു അ​ദ്ദേ​ഹം. പ്ര​ധാ​ന ജ​ങ്ഷ​നു​ക​ളും മ​റ്റും ചെ​ടി​ക​ളും മ​ര​ങ്ങ​ളും വെ​ച്ചു​പി​ടി​പ്പി​ച്ച് മ​നോ​ഹ​ര​മാ​ക്കാ​ൻ പ​ദ്ധ​തി​യു​ണ്ട്.

ഇ​ത് ന​ഗ​ര​സൗ​ന്ദ​ര്യം വ​ർ​ധി​പ്പി​ക്കും. സ​ർ​ക്കാ​ർ ഏ​ജ​ൻ​സി​ക​ളെ ഏ​കോ​പി​പ്പി​ച്ച് ഇ​ക്കാ​ര്യ​ങ്ങ​ൾ ന​ട​പ്പാ​ക്ക​ണ​മെ​ന്നാ​ണ് വി​ചാ​രി​ക്കു​ന്ന​ത്. പാ​ല​ങ്ങ​ൾ​ക്ക് താ​ഴെ​യു​ള്ള സ്ഥ​ല​ങ്ങ​ളി​ലൂ​ടെ റോ​ഡി​ലേ​ക്ക് പ്ര​വേ​ശ​നം അ​നു​വ​ദി​ച്ചി​ട്ടി​ല്ല. അ​ങ്ങ​നെ ചെ​യ്താ​ൽ അ​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​യേ​ക്കാം.റോ​ഡ് സു​ര​ക്ഷ നി​ല​നി​ർ​ത്തു​ന്ന​ത് പ്ര​ധാ​ന​പ്പെ​ട്ട കാ​ര്യ​മാ​യ​തി​നാ​ൽ പാ​ല​ങ്ങ​ൾ​ക്ക് താ​ഴെ​യു​ള്ള സ്ഥ​ല​ങ്ങ​ളി​ലേ​ക്ക് റോ​ഡി​ൽ​നി​ന്ന് പ്ര​വേ​ശ​നം അ​നു​വ​ദി​ക്കി​ല്ല.

മാ​ത്ര​മ​ല്ല ഇ​വി​ടെ സ​ർ​വി​സ് കേ​ബി​ളു​ക​ൾ സ്ഥാ​പി​ച്ചി​ട്ടു​മു​ണ്ട്. അ​ടി​യ​ന്ത​ര ഘ​ട്ട​ങ്ങ​ളി​ൽ ആം​ബു​ല​ൻ​സു​ക​ളും ​​പ​ട്രോ​ളി​ങ് കാ​റു​ക​ളും പാ​ർ​ക്ക് ചെ​യ്യാ​ൻ ​​ ഈ ​സ്ഥ​ല​ങ്ങ​ൾ അ​നു​വ​ദി​ക്ക​ണ​മെ​ന്ന അ​ഭ്യ​ർ​ഥ​ന​ക​ൾ മ​ന്ത്രാ​ല​യ​ത്തി​ന് ല​ഭി​ക്കു​ന്നു​ണ്ട്. അ​ങ്ങ​നെ വ​ന്നാ​ൽ റോ​ഡ് സു​ര​ക്ഷ​യും ട്രാ​ഫി​ക് സു​ര​ക്ഷ​യും പ​രി​ഗ​ണി​ച്ചു​മാ​ത്രം അ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കു​മെ​ന്നും മ​ന്ത്രി പ​റ​ഞ്ഞു.