കു​ട്ടി​ക്കു​റ്റ​വാ​ളി​ക​ൾ​ക്ക് ജ​യി​ൽ ശി​ക്ഷ​ക്ക് ബ​ദ​ൽ മാ​ർ​ഗ​നി​ർ​ദേ​ശം; ക​ര​ട് നി‍യ​മ​ത്തി​ന് ശൂ​റ കൗ​ൺ​സി​ലി​ന്‍റെ അം​ഗീ​കാ​രം

മ​നാ​മ: ജു​വ​നൈ​ൽ കു​റ്റ​കൃ​ത്യ​ങ്ങ​ളി​ല​ക​പ്പെ​ടു​ന്ന കു​ട്ടി​ക്കു​റ്റ​വാ​ളി​ക​ൾ​ക്ക് ജ​യി​ൽ ശി​ക്ഷ​ക്ക് ബ​ദ​ൽ മാ​ർ​ഗം നി​ർ​ദേ​ശി​ച്ച ക​ര​ട് നി‍യ​മ​ത്തി​ന് ശൂ​റ കൗ​ൺ​സി​ലി​ന്‍റെ അം​ഗീ​കാ​രം. ജ​യി​ലി​ന് പ​ക​രം സാ​ങ്കേ​തി​ക​വി​ദ്യാ നി​യ​ന്ത്ര​ണ​ങ്ങ​ളോ മാ​ന​സി​കാ​രോ​ഗ്യ പ​രി​ച​ര​ണ​മോ ന​ൽ​കാ​ൻ ജ​ഡ്ജി​മാ​ർ​ക്ക് അ​വ​കാ​ശം ന​ൽ​കു​ന്ന​താ​ണ് നി​ർ​ദേ​ശം. തു​ട​ർ​ന്ന് അ​നു​മ​തി​ക​ൾ​ക്കാ​യി നി​യ​മം തി​ര​ഞ്ഞെ​ടു​ക്ക​പ്പെ​ട്ട സ​ഭ​യി​ലേ​ക്കും പി​ന്നീ​ട് മ​ന്ത്രി സ​ഭ​യി​ലേ​ക്കും അ​വി​ട​ന്ന് അ​നു​മ​തി ല​ഭി​ച്ചാ​ൽ ഹ​മ​ദ് രാ​ജാ​വി​ന്‍റെ സ​ന്നി​ധി​യി​ലേ​ക്കും അ​യ​ക്കും. കാ​ല​ങ്ങ​ളാ​യു​ള്ള ശി​ക്ഷാ രീ​തി​ക​ളെ ആ​ശ്ര​യി​ക്കു​ന്ന​തി​ന് പ​ക​രം കു​റ്റ​വാ​ളി​യു​ടെ അ​വ​സ്ഥ, പെ​രു​മാ​റ്റം, ആ​വ​ശ്യ​ങ്ങ​ൾ എ​ന്നി​വ അ​ടി​സ്ഥാ​ന​മാ​ക്കി ശി​ക്ഷ​ക​ൾ ന​ൽ​കാ​ൻ നി​യ​മം ന​ട​പ്പി​ലാ​യാ​ൽ കോ​ട​തി​ക്ക് അ​ധി​കാ​രം ല​ഭി​ക്കും.

ചെ​റി​യ കു​റ്റ​കൃ​ത്യ​ങ്ങ​ൾ​ക്ക് ശി​ക്ഷി​ക്ക​പ്പെ​ടു​ന്ന​വ​രെ മാ​ന​സി​ക​മാ​യോ ശാ​രീ​രി​ക​മാ​യോ ആ​യ പു​ന​ര​ധി​വാ​സ​ത്തി​ലൂ​ടെ പി​ന്തു​ണ​ക്കു​ക എ​ന്ന​താ​ണ് ല​ക്ഷ്യം. നി​ർ​ദേ​ശ​ത്തി​ൽ ചി​ല വെ​ബ്സൈ​റ്റു​ക​ൾ സ​ന്ദ​ർ​ശി​ക്കു​ന്ന​തി​നു​ള്ള നി​രോ​ധ​നം, നി​ശ്ചി​ത കാ​ല​യ​ള​വി​ൽ ഇ​ട​ക്കി​ട​ക്ക് പൊ​ലീ​സ് സ്റ്റേ​ഷ​നു​ക​ളി​ൽ നി​ർ​ബ​ന്ധി​ത ഹാ​ജ​രാ​ക​ൽ, ആ​രോ​ഗ്യ, അ​ല്ലെ​ങ്കി​ൽ മാ​ന​സി​കാ​രോ​ഗ്യ പ​രി​ച​ര​ണ സ്ഥാ​പ​ന​ങ്ങ​ളി​ലേ​ക്ക് നി​ർ​ദേ​ശി​ക്ക​ൽ എ​ന്നി​വ ഉ​ൾ​പ്പെ​ടു​ന്നു. ജ​യി​ൽ ശി​ക്ഷ​ക​ളും അ​തി​ന്‍റെ ബ​ദ​ൽ മാ​ർ​ഗ​ങ്ങ​ളും ന​ട​പ്പാ​ക്കു​ന്ന​തി​നും പ​രി​ശീ​ല​നം, പു​ന​ര​ധി​വാ​സ പ​ഠ​ന​ങ്ങ​ൾ എ​ന്നി​വ​ക്കു​ള്ള പൂ​ർ​ണ ഉ​ത്ത​ര​വാ​ദി​ത്തം ആ​ഭ്യ​ന്ത​ര മ​ന്ത്രാ​ല​യ​ത്തി​നാ​ണ്.