16 ഇ​ന്ത്യ​ൻ ത​ട​വു​കാ​ർ​ക്ക് പൊ​തു​മാ​പ്പ്; ഹ​മ​ദ് രാ​ജാ​വി​ന് ന​ന്ദി അ​റി​യി​ച്ച് ഇന്ത്യൻ അം​ബാ​സ​ഡ​ർ

മ​നാ​മ: 16 ഇ​ന്ത്യ​ൻ ത​ട​വു​കാ​രെ രാ​ജ​കീ​യ മാ​പ്പ് പ്ര​കാ​രം മോ​ചി​പ്പി​ച്ച​തി​ന്, ഹ​മ​ദ് രാ​ജാ​വി​നോ​ടും കി​രീ​ടാ​വ​കാ​ശി​യോ​ടും ബ​ഹ്‌​റൈ​ൻ അ​ധി​കാ​രി​ക​ളോ​ടും ഇ​ന്ത്യ​ന്‍ അം​ബാ​സ​ഡ​ര്‍ വി​നോ​ദ് കെ.​ജേ​ക്ക​ബ് ന​ന്ദി അ​റി​യി​ച്ചു. സെ​പ്റ്റം​ബ​ർ നാ​ലി​നാ​ണ് ഇ​വ​ർ​ക്ക് പൊ​തു​മാ​പ്പ് ന​ൽ​കി​യ​ത്. ഇ​തോ​ടെ ഈ ​വ​ർ​ഷം പൊ​തു​മാ​പ്പ് ല​ഭി​ച്ച ഇ​ന്ത്യ​ക്കാ​രു​ടെ എ​ണ്ണം 126 ആ​യെ​ന്നും അം​ബാ​സ​ഡ​ർ ഇ​ന്ത്യ​ന്‍ എം​ബ​സി സം​ഘ​ടി​പ്പി​ച്ച ഓ​പ​ണ്‍ ഹൗ​സി​ൽ വ്യ​ക്ത​മാ​ക്കി. എം​ബ​സി​യു​ടെ കോ​ണ്‍സു​ല​ര്‍ സം​ഘ​വും അ​ഭി​ഭാ​ഷ​ക സ​മി​തി​യും ഓ​പ​ണ്‍ ഹൗ​സി​ൽ പ​ങ്കെ​ടു​ത്തു.

ഇം​ഗ്ലീ​ഷ്, ഹി​ന്ദി, ത​മി​ഴ്, മ​ല​യാ​ളം ഭാ​ഷ​ക​ളി​ല്‍ ന​ട​ത്തി​യ ഓ​പ​ണ്‍ ഹൗ​സി​ല്‍ 50 ഇ​ന്ത്യ​ന്‍ പൗ​ര​ന്മാ​ര്‍ പ​ങ്കെ​ടു​ത്തു. അം​ബാ​സ​ഡ​ർ ക​മ്യൂ​ണി​റ്റി അം​ഗ​ങ്ങ​ൾ​ക്ക് ഓ​ണാ​ശം​സ​ക​ൾ അ​റി​യി​ച്ചു. എം​ബ​സി​യു​ടെ 24x7 ഹെ​ൽ​പ് ലൈ​ൻ മൊ​ബൈ​ൽ ന​മ്പ​റാ​യ 39418071ൽ​നി​ന്ന് വ​രു​ന്ന വ്യാ​ജ​കാ​ളു​ക​ൾ സം​ബ​ന്ധി​ച്ച് ജാ​ഗ്ര​ത പാ​ലി​ക്കാ​ൻ അം​ബാ​സ​ഡ​ർ ഇ​ന്ത്യ​ൻ ക​മ്യൂ​ണി​റ്റി​യോ​ട് ആ​വ​ശ്യ​പ്പെ​ട്ടു.

സ്വ​കാ​ര്യ വി​വ​ര​ങ്ങ​ൾ അ​ഭ്യ​ർ​ഥി​ക്കു​ന്ന​തോ പ​ണം കൈ​മാ​റ്റം ആ​വ​ശ്യ​പ്പെ​ടു​ന്ന​തോ ആ​യ വ്യാ​ജ കോ​ളു​ക​ളാ​ണ് പ​ല​ർ​ക്കും വ​ന്ന​ത്. എം​ബ​സി ഉ​ദ്യോ​ഗ​സ്ഥ​ർ ഈ ​ന​മ്പ​റി​ൽ​നി​ന്ന് ആ​രെ​യും വി​ളി​ക്കാ​റി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി. ശ​മ്പ​ള​ത്തി​ൽ കാ​ല​താ​മ​സം നേ​രി​ടു​ന്ന അ​മ്പ​തി​ല​ധി​കം ഇ​ന്ത്യ​ൻ തൊ​ഴി​ലാ​ളി​ക​ൾ ഉ​ൾ​പ്പെ​ട്ട സ​മീ​പ​കാ​ല കേ​സ് ഉ​ൾ​പ്പെ​ടെ വി​വി​ധ തൊ​ഴി​ൽ സം​ബ​ന്ധ​മാ​യ കാ​ര്യ​ങ്ങ​ളി​ൽ ഉ​ട​ന​ടി​യു​ള്ള പി​ന്തു​ണ​ക്കും ന​ട​പ​ടി​ക്കും തൊ​ഴി​ൽ മ​ന്ത്രാ​ല​യ​ത്തി​ന് അ​ദ്ദേ​ഹം ന​ന്ദി പ​റ​ഞ്ഞു.

മു​ൻ ഓ​പ​ൺ ഹൗ​സി​ൽ പ​ങ്കെ​ടു​ത്ത ഒ​റ്റ​പ്പെ​ട്ടു​പോ​യ കു​ടും​ബ​ത്തെ തി​രി​ച്ച​യ​ക്കാ​നും ദീ​ർ​ഘ​നാ​ളാ​യി യാ​ത്ര ചെ​യ്യാ​ൻ ക​ഴി​യാ​തെ വ​ന്ന ടി.​ബി ബാ​ധി​ച്ച​യാ​ളെ നാ​ട്ടി​ലെ​ത്തി​ക്കാ​നും ക​ഴി​ഞ്ഞു.

25 വ​ർ​ഷ​ത്തി​ല​ധി​ക​മാ​യി നാ​ട്ടി​ൽ പോ​കാ​ൻ ക​ഴി​യാ​തെ ബ​ഹ്‌​റൈ​നി​ൽ കു​ടു​ങ്ങി​പ്പോ​യ മ​റ്റൊ​രു ഇ​ന്ത്യ​ൻ പൗ​ര​നെ നാ​ട്ടി​ലേ​ക്ക് പ​റ​ഞ്ഞ​യ​ക്കാ​നും ആ​ഗ​സ്റ്റി​ൽ സാ​ധി​ച്ചു. ഇ​ന്ത്യ​ൻ പൗ​ര​ന്മാ​രു​ന്ന​യി​ച്ച പ​രാ​തി​ക​ളി​ൽ ചി​ല​ത് ഓ​പ​ൺ ഹൗ​സി​ൽ പ​രി​ഹ​രി​ച്ചു. മ​റ്റു​ള്ള​വ​ക്ക് എ​ത്ര​യും വേ​ഗം പ​രി​ഹാ​രം കാ​ണു​മെ​ന്നും ഓ​പ​ൺ ഹൗ​സി​ൽ സ​ജീ​വ​മാ​യി പ​ങ്കെ​ടു​ത്ത​തി​ന് എ​ല്ലാ ഇ​ന്ത്യ​ൻ അ​സോ​സി​യേ​ഷ​നു​ക​ൾ​ക്കും ക​മ്യൂ​ണി​റ്റി അം​ഗ​ങ്ങ​ൾ​ക്കും ന​ന്ദി അ​റി​യി​ക്കു​ന്ന​താ​യും അം​ബാ​സ​ഡ​ർ പ​റ​ഞ്ഞു.