അജ്ഞാതന്​ ഒ.ടി.പി നമ്പർ നൽകി; വാട്​സ്​ആപ്​​ അക്കൗണ്ടും ​േപായി

സിജു ജോർജ്​

മനാമ: അജ്ഞാതന്​ ഒ.ടി.പി നമ്പർ നൽകി വാട്​സാപ്​​ അക്കൗണ്ട്​ നഷ്​ടമായ കണ്ണൂർ സ്വദേശി ധർമസങ്കടത്തിൽ. ഹാക്ക്​ ചെയ്യപ്പെട്ട വാട്​സാപ്​​ തിരിച്ചുപിടിക്കാൻ വഴികൾ അന്വേഷിച്ച്​ പ്രയാസപ്പെടുകയാണ്​ ഇദ്ദേഹം. ഒാൺലൈൻ തട്ടിപ്പുകളെക്കുറിച്ച്​ നിരന്തരം വാർത്തകൾ വരുന്നുണ്ടെങ്കിലും ആളുകൾ ജാഗ്രത പുലർത്താത്തതാണ്​ ഇത്തരം തട്ടിപ്പുകൾ നിർബാധം തുടരാൻ കാരണം.

റിഫയിലെ പെട്രോൾ പമ്പിൽ ജോലി ചെയ്യുന്ന ഇദ്ദേഹത്തി​െൻറ മൊബൈലിലേക്ക്​ കഴിഞ്ഞ തിങ്കളാഴ്​ചയാണ്​ അജ്ഞാതൻ വിളിച്ചത്​. മൊബൈൽ കമ്പനിയിൽനിന്നാണെന്ന്​ പറഞ്ഞ അജ്ഞാതൻ ഫോണിലേക്ക്​ ഒരു ഒ.ടി.പി നമ്പർ വരുമെന്നും അത്​ നൽകണമെന്നും നിർദേശിച്ചു. ജോലിത്തിരക്കിനിടയിൽ ആയതിനാൽ മറ്റൊന്നും ആലോചിക്കാതെ ഇദ്ദേഹം ഒ.ടി.പി നമ്പർ പറഞ്ഞുകൊടുത്തു. തുടർന്ന്​ സി.പി.ആർ നമ്പർ ചോദിച്ചപ്പോൾ അതും നൽകി. പിന്നീട്​, ബാങ്ക്​ അക്കൗണ്ടി​െൻറ അവസാനനാലക്കങ്ങൾ ചോദിച്ചപ്പോഴാണ്​ ചെറിയ സംശയം തോന്നിയത്​. ഉടൻ കാൾ കട്ട്​ ചെയ്യുകയും ചെയ്​തു.

വൈകീട്ട്​ ജോലി കഴിഞ്ഞ്​ ഫോൺ പരിശോധിച്ചപ്പോഴാണ്​ വാട്​സാപ്​​ ​ ഹാക്ക്​ ചെയ്യപ്പെട്ടതായി മനസ്സിലായത്​. കഴിഞ്ഞ ദിവസം അജ്​ഞാതൻ വീണ്ടും വിളിച്ച്​ ബാങ്ക്​ അക്കൗണ്ട്​ നൽകണമെന്ന്​ ഭീഷണിപ്പെടുത്തി. മൊബൈൽ കമ്പനിയിൽ ബന്ധപ്പെട്ടപ്പോൾ പൊലീസിൽ പരാതി നൽകാൻ നിർദേശിച്ചു. അതനുസരിച്ച്​ ആൻറി സൈബർ ക്രൈം ഡയറക്​ടറേറ്റിലെ 992 എന്ന ഹോട്​ലൈൻ നമ്പറിൽ പരാതി നൽകാൻ ശ്രമിച്ചുകൊണ്ടിരിക്കുകയാണ്​ ഇദ്ദേഹം.

ഒരു മൊബൈൽ നമ്പർ ഉപയോഗിച്ച്​ ഒരു ഫോണിൽ മാത്രമാണ്​ വാട്​സാപ്​​ ഉപയോഗിക്കാൻ കഴിയുക. വാട്​സാപ്പിൽ ലോഗിൻ ചെയ്യു​േമ്പാൾ ലഭിക്കുന്ന ഒ.ടി.പി നമ്പർ പറഞ്ഞുകൊടുത്തെങ്കിൽ മാത്രമാണ്​ മറ്റൊരാൾക്ക്​ മറ്റൊരു ഫോണിൽ വാട്​സാപ്​​ ​ ഉപയോഗിക്കാൻ സാധിക്കുക. സൈബർ കുറ്റവാളികൾ ഇൗ രീതിയിൽ വാട്​സാപ്​​ ഹാക്ക്​ ചെയ്​ത സംഭവങ്ങൾ മുമ്പും ഉണ്ടായിട്ടുണ്ട്​. നിരന്തര ബോധവത്​കരണം നടക്കുന്നുണ്ടെങ്കിലും ആളുകൾ ഇപ്പോഴും ഇവരുടെ കെണിയിൽപെടുന്നത്​ തുടരുകയാണ്​.

ഹാക്ക്​ ചെയ്യപ്പെട്ട അക്കൗണ്ട്​ തിരിച്ചുപിടിക്കാൻ വീണ്ടും ലോഗിൻ ചെയ്യാനാണ്​ വാട്​സാപ്​​ അധികൃതരുമായി ബന്ധപ്പെട്ടപ്പോൾ മറുപടി ലഭിച്ചത്​. അപ്പോൾ ലഭിക്കുന്ന ആറക്ക കോഡ്​ ഉപയോഗിച്ച്​ ലോഗിൻ ചെയ്​താൽ അക്കൗണ്ട്​ തിരിച്ചുപിടിക്കാം. ചിലപ്പോൾ രണ്ടാം ഘട്ട വെരിഫിക്കേഷൻ ചോദിക്കും. ടു സ്​റ്റെപ്പ്​ വെരിഫിക്കേഷൻ സജീവമാക്കിയ അക്കൗണ്ടുകളിലാണ്​ ഇത്​ ചോദിക്കുന്നത്​. ഇൗ കോഡ്​ അറിയില്ലെങ്കിൽ അതിനർഥം ഹാക്ക്​ ചെയ്​തയാൾ ടു സ്​റ്റെപ്പ്​ വെരിഫിക്കേഷൻ സജീവമാക്കിയിട്ടുണ്ടെന്നാണ്​. ഇത്തരം സാഹചര്യത്തിൽ ഏഴ്​ ദിവസം കഴിഞ്ഞാൽ ടു സ്​റ്റെപ്പ്​ വെരിഫിക്കേഷൻ ഇല്ലാതെ തന്നെ ലോഗിൻ ചെയ്യാൻ കഴിയു​െമന്നാണ്​ വാട്​സാപ്​​ മറു​പടി നൽകിയിരിക്കുന്നത്​. ലോഗിൻ ചെയ്യു​േമ്പാൾ ആറക്ക എസ്​.എം.എസ്​ കോഡ്​ നൽകിയാൽ ഹാക്കർക്ക്​ പിന്നീട്​ അക്കൗണ്ട്​ ഉപയോഗിക്കാൻ കഴിയില്ല.