Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightഅ​റാ​ദി​ലെ ഗ്യാ​സ്...

അ​റാ​ദി​ലെ ഗ്യാ​സ് സി​ലി​ണ്ട​ർ അ​പ​ക​ടം: റ​സ്റ്റാ​റ​ന്‍റ് ഉ​ട​മ​യു​ടെ വി​ചാ​ര​ണ ആ​രം​ഭി​ച്ചു

text_fields
bookmark_border
അ​റാ​ദി​ലെ ഗ്യാ​സ് സി​ലി​ണ്ട​ർ അ​പ​ക​ടം: റ​സ്റ്റാ​റ​ന്‍റ് ഉ​ട​മ​യു​ടെ വി​ചാ​ര​ണ ആ​രം​ഭി​ച്ചു
cancel

മ​നാ​മ: അ​റാ​ദി​ലെ റ​സ്റ്റാ​റ​ന്‍റി​ൽ ഗ്യാ​സ് സി​ലി​ണ്ട​ർ പൊ​ട്ടി​ത്തെ​റി​യെ​ത്തു​ട​ർ​ന്ന് കെ​ട്ടി​ടം ത​ക​ർ​ന്ന് ര​ണ്ടു പേ​ർ മ​രി​ച്ച സം​ഭ​വ​ത്തി​ൽ റ​സ്റ്റാ​റ​ന്‍റ് ഉ​ട​മ​യു​ടെ വി​ചാ​ര​ണ ആ​രം​ഭി​ച്ചു. നേ​ര​ത്തേ പ​ബ്ലി​ക് പ്രോ​സി​ക്യൂ​ഷ​ൻ 50കാ​ര​നാ​യ റ​സ്റ്റാ​റ​ന്‍റ് ഉ​ട​മ കു​റ്റ​ക്കാ​ര​നെ​ന്ന് ക​ണ്ടെ​ത്തി​യി​രു​ന്നു. ലോ​വ​ർ ക്രി​മി​ന​ൽ കോ​ട​തി​യി​ൽ ഇ​ന്ന​ലെ ന​ട​ന്ന വാ​ദം കേ​ട്ടു. പ്ര​തി​ക്കാ​യി അ​ഭി​ഭാ​ഷ​ക​ൻ സൈ​ന​ബ് ഹ​സ്സ​നാ​യി​രു​ന്നു ഹാ​ജ​രാ​യ​ത്.

കേ​സ് ഫ​യ​ലി​ന്‍റെ പ​ക​ർ​പ്പും പ്ര​തി​വാ​ദം ത​യാ​റാ​ക്കാ​നു​ള്ള സ​മ​യ​വും ആ​വ​ശ്യ​പ്പെ​ട്ട പ്ര​കാ​രം തു​ട​ർ വാ​ദം കേ​ൾ​ക്ക​ലി​നും വി​ധി​ക്കും കേ​സ് ഏ​പ്രി​ൽ 22ലേ​ക്ക് മാ​റ്റി. ക​ഴി​ഞ്ഞ ഏ​പ്രി​ൽ 12നാ​ണ് കേ​സി​നാ​സ്പ​ദ സം​ഭ​വം ന​ട​ന്ന​ത്. കെ​ട്ടി​ട​ത്തി​ന്‍റെ മ​റ്റൊ​രു വ​ശ​ത്ത് പ്ര​വ​ർ​ത്തി​ച്ചി​രു​ന്ന ബാ​ർ​ബ​ർ ഷോ​പ്പി​ൽ മു​ടി വെ​ട്ടി​ക്കൊ​ണ്ടി​രു​ന്ന ബ​ഹ്‌​റൈ​നി പൗ​ര​നാ​യ അ​ലി അ​ബ്ദു​ല്ല അ​ലി അ​ൽ ഹ​മീ​ദ് (66), ബം​ഗ്ലാ​ദേ​ശ് പൗ​ര​നാ​യ ഷൈ​മോ​ൾ ച​ന്ദ്ര ഷി​ൽ മൊ​നി​ന്ദ്ര (42) എ​ന്നി​വ​രാ​ണ് മ​രി​ച്ച​ത്.

സം​ഭ​വ​ത്തി​ൽ ആ​റു പേ​ർ​ക്ക് പ​രി​ക്കേ​റ്റ​താ​യാ​ണ് ക​ണ്ടെ​ത്തി​യ​ത്. സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യും അ​ശ്ര​ദ്ധ​മാ​യി ഗ്യാ​സ് കൈ​കാ​ര്യം ചെ​യ്ത​തി​നാ​ണ് റ​സ്റ്റാ​റ​ന്‍റ് ഉ​ട​മ​യെ കു​റ്റ​ക്കാ​ര​നാ​യി പ​ബ്ലി​ക് പ്രോ​സി​ക്യൂ​ഷ​ൻ ക​ണ്ടെ​ത്തി​യ​ത്. ഗ്യാ​സ് ചോ​രു​ക​യും റ​സ്റ്റാ​റ​ന്‍റി​ലെ അ​കം മു​ഴു​വ​ൻ പ​ര​ക്കു​ക​യും ചെ​യ്തി​രു​ന്നു.

പി​ന്നീ​ടാ​ണ് പൊ​ട്ടി​ത്തെ​റി​ച്ച​ത്. സ​മീ​പ​ത്തെ കെ​ട്ടി​ട​ങ്ങ​ൾ, ക​ട​ക​ൾ, ഒ​രു പ​ള്ളി, വാ​ഹ​ന​ങ്ങ​ൾ എ​ന്നി​വ​ക്കും കേ​ടു​പാ​ടു​ക​ൾ സം​ഭ​വി​ച്ചി​രു​ന്നു. 400 മീ​റ്റ​റോ​ളം ചു​റ്റു​വ​ട്ട​ത്ത് പൊ​ട്ടി​ത്തെ​റി ബാ​ധി​ച്ച​താ​യാ​ണ് ക​ണ്ടെ​ത്തി​യ​ത്. അ​ഗ്നി​സു​ര​ക്ഷ സം​വി​ധാ​ന​ങ്ങ​ൾ​ക്ക് അം​ഗീ​കാ​രം ല​ഭി​ക്കു​ന്ന​തി​ന് മു​മ്പ് ത​ന്നെ റ​സ്റ്റാ​റ​ന്‍റ് തു​റ​ന്ന് പ്ര​വ​ർ​ത്തി​ച്ച​തി​നും ലൈ​സ​ൻ​സി​ല്ലാ​ത്ത ഗ്യാ​സ് സെ​ൻ​സ​റു​ക​ളും ഷ​ട്ട് -ഓ​ഫ് വാ​ൽ​വു​ക​ളും ഉ​പ‍യോ​ഗി​ച്ച​തി​നും ഇ​ദ്ദേ​ഹ​ത്തി​ന് മേ​ൽ കു​റ്റം ചു​മ​ത്തി​യി​ട്ടു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:restaurant ownerBahrain Newsgas cylinder accident
News Summary - Arad gas cylinder accident: Trial begins for restaurant owner
Next Story