കായിക മത്സരങ്ങൾക്കായി ബഹ്‌റൈൻ ഇന്ത്യയുമായി പങ്കാളിത്തം ഉറപ്പിക്കുന്നു 

മനാമ: ബഹ്‌റൈൻ ആസ്ഥാനമായി പ്രവർത്തിക്കുന്ന ബ്രേവ്‌  കോംബാറ്റ് ഫെഡറേഷൻ ഇന്ത്യയിൽ മത്സരങ്ങൾ സംഘടിപ്പിക്കാൻ മെർക്കുറി സ്പോർട്​സ്​ എൻറർടൈൻമ​​െൻറുമായി ഔദ്യോഗിക പങ്കാളിത്തത്തിലേർപ്പെട്ടതായി വാർത്തസമ്മേളനത്തിൽ  അറിയിച്ചു.  മെർക്കുറി സ്പോർട്ട്സ് എൻറർടെയ്ൻമ​​െൻറി​​​െൻറ  സ്ഥാപകരായ വംശി രാജു അക്ബർ റഷീദ്, അഖിലേന്ത്യാ മിക്​സഡ്​ മാർഷൽ ആർട്​സ്​ ഫെഡറേഷ​​​െൻറ  പ്രസിഡൻറ്​ പി. ആദിത്യ, മുഹമ്മദ് ഷാഹിദ് എന്നിവർ വാർത്തസമ്മേളനത്തിൽ പ​െങ്കടുത്തു.

ശൈഖ്​ ഖാലിദ് ബിൻ ഹമദ് അൽ ഖലീഫയുടെ നേതൃത്വത്തിലാണ് നടപടികൾ കൈകൊണ്ടതെന്ന്​ അവർ പറഞ്ഞു. ബ്രേവ് കോംബാറ്റ് ഫെഡറേഷൻ ഇന്ത്യയിൽ മത്സരങ്ങളും റിയാലിറ്റി ടി.വി ഷോകളും മറ്റ്​ വികസന പദ്ധതികളും ആവിഷ്​കരിക്കുമെന്നും അവർ  വാർത്ത സമ്മേളനത്തിൽ പറഞ്ഞു. വളർന്നു വരുന്ന കായികതാരങ്ങൾക്ക് അവസരങ്ങൾ നൽകാനും അതുവഴി ഇരു രാജ്യങ്ങളും തമ്മിലുള്ള സാംസ്​കാരിക, സാമ്പത്തിക, നിക്ഷേപ അവസരങ്ങൾ വികസിപ്പിക്കാനും ഉഭയകക്ഷി ബന്ധം മെച്ചപ്പെടുത്തുന്നതിൽ ഇത് മൂലം മുൻകൈ എടുക്കും.