ഹമദ് രാജാവ് തിരിച്ചെത്തി

മനാമ: സൗദി, ഈജിപ്ത് എന്നീ രാജ്യങ്ങള്‍ സന്ദര്‍ശിച്ച ശേഷം രാജാവ് ഹമദ് ബിന്‍ ഈസ ആല്‍ഖലീഫ കഴിഞ്ഞ ദിവസം ബഹ്‌റൈനില്‍ തിരിച്ചെത്തി. സൗദി ഭരണാധികാരി സല്‍മാന്‍ രാജാവ്, ഈജിപ്ത് പ്രസിഡൻറ്​ അബ്​ദുല്‍ ഫത്താഹ് സീസി എന്നിവരുമായി കൂടിക്കാഴ്​ച നടത്തിയ അദ്ദേഹം  മേഖലയുടെ സമാധാനം ശക്തിപ്പെടുത്തുന്നതിനുള്ള നടപടികൾ ചര്‍ച്ചയിൽ ഉന്നയിച്ചു. ബഹ്‌റൈനും സൗദിയും ഈജിപ്തും തമ്മിലുള്ള ബന്ധം ദൃഢമാക്കുന്നതിനും വിവിധ വിഷയങ്ങളിൽ നിലപാടുകള്‍ ഏകീകരിക്കുന്നിനും സന്ദര്‍ശനം ഉപകരിച്ചതായി വാർത്ത ഏജൻസി റിപ്പോർട്ട്​ ചെയ്​തു. സഖീര്‍ എയര്‍ബേസിലെത്തിയ അദ്ദേഹത്തെ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ഖലീഫയുടെ നേതൃത്വത്തില്‍ സ്വീകരിച്ചു.