ബഹ്​റൈനിൽ മലപ്പുറം സ്വദേശി താമസസ്ഥലത്ത്​ മരിച്ചനിലയിൽ

മനാമ: ബഹ്​റൈനിൽ  പ്രവാസിയായ മലപ്പുറം സ്വദേശിയെ താമസസ്ഥലത്ത്​ മരിച്ച നിലയിൽ കണ്ടെത്തി. മലപ്പുറം കുറ്റിപ്പുറം നടുവട്ടം മുത്താണിക്കുന്നത്ത്​ വീട്ടിൽ അഹമ്മദി​​​​െൻറയും പാത്തു​മ്മക്കുട്ടിയുടെയും മകൻ മുഹമ്മദ്​ റഫീഖി(46)യെയാണ്​​ മരിച്ച നിലയിൽ കണ്ടെത്തിയത്​. മൃതദേഹത്തിന്​ ദിവസങ്ങളുടെ പഴക്കം ഉണ്ട്​​. ഉമൽഹസത്തെ ഒരു റസ്​റ്റോറൻറിൽ താൽക്കാലിക  ജോലിക്കാരനായിരുന്നു.

കുറച്ച്​ ദിവസമായി ഇദ്ദേഹത്തിനെ ​ഫോണിൽ ബന്ധപ്പെടാൻ ശ്രമിച്ചിട്ടും കിട്ടാത്തതിനെ തുടർന്ന്​ നാട്ടിൽ നിന്നും ഭാര്യ ബഹ്​റൈനിലുള്ള ബന്ധുക്കളെ വിവരം അറിയിച്ചു. അവർ താമസസ്ഥലത്ത്​ വന്ന്​ പരിശോധിച്ചപ്പോഴാണ്​ മുറി അകത്തുനിന്നും പൂട്ടിയ നിലയിൽ കണ്ടെത്തിയത്​. ദുർഗന്ധവും ഉയരുന്ന സ്ഥിതിയായതിനാൽ ബന്​ധ​ുക്കൾ പ്രവാസി സാമൂഹിക പ്രവർത്തകരെ വിവരം അറിയിച്ചു​.

തുടർന്ന്​ സാമൂഹിക പ്രവർത്തകനായ സലാം മമ്പാട്ടുമൂലയുടെ നേതൃത്വത്തിൽ പോലീസിൽ അറിയിക്കുകയും ​േപാലീസ്​ എത്തി മുറിയുടെ വാതിൽ തുറന്ന്​ അകത്ത്​ കടന്ന്​ മരിച്ചതായി സ്ഥിരീകരിക്കരിക്കുകയും ആയിരുന്നു. തുടർന്ന്​ മൃതദേഹം ആശുപത്രിയിലേക്ക്​ മാറ്റി.