നിശ്ചയദാർഡ്യത്തിെൻറ പര്യായമായി വൈശാഖ് കളിക്കളത്തിൽ
text_fieldsമനാമ: അഞ്ചു ദിവസങ്ങളിലായി യുവ കേരള ബഹ്റൈൻ ക്ലബിെൻറ നേതൃത്വത്തിൽ നടക്കുന്ന ‘യുവ കപ്പ് സീസൺ ^4’ൽ താരമായി ക ോഴിക്കോട് പേരാമ്പ്ര സ്വദേശി വൈശാഖ്. ബൈക്ക് അപകടത്തിൽപെട്ട് വലതു കാൽ മുറിച്ചു മാറ്റേണ്ടി വന്നെങ്കിലും ഇൗ ച െറുപ്പക്കാരെൻറ ഉള്ളിലെ ഫുട്ബാളിനോടുള്ള പ്രണയം തീരുന്നില്ല. വർഷങ്ങൾ നീണ്ട ചികിത്സക്ക് ശേഷം സുഹൃത്തുക്കളുടെ സഹായത്തോടെ ഗ്രൗണ്ടിലെത്തിയ വൈശാഖ് പിന്നീട് ഊന്നു വടിയുടെ സഹായത്തോടെ കളിക്കാൻ തുടങ്ങുകയായിരുന്നു.
നിശ്ചയദാർഢ്യം ഏതൊരു ദുരവസ്ഥയെയും മറികടക്കാൻ സഹായിക്കുമെന്ന് തെളിയിച്ച യുവാവ് ഫുട്ബോൾ മത്സരങ്ങളിലെ സ്ഥിരം ക്ഷണിതാവാണ്. ‘മീഡിയ വൺ’ ചാനലിൽ വന്ന ഡോക്യൂമെൻററിയിലൂടെയാണ് ഇൗ 24 കാരനെ കുറിച്ച് ‘യുവ കപ്പ്’ ഭാരവാഹികൾ അറിയുന്നത്. തുടർന്ന് വൈശാഖിനെ ബഹ്റൈനിലേക്ക് കൊണ്ടുവരാൻ തീരുമാനിക്കുകയായിരുന്നു. കൊളംബോയിൽ 2016ൽ നടന്ന പാരലിമ്പിക് വോളി ടൂർണമെൻറിൽ ഇന്ത്യൻ ടീമിന് വേണ്ടി വൈശാഖ് ജേഴ്സി അണിഞ്ഞിട്ടുണ്ട്. ബഹ്റൈനിലും യുവയുടെ ടീമിനു വേണ്ടി കളിച്ച വൈശാഖ് കാണികളുടെ മനം കവർന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.