ആശുപത്രിയോടുള്ള ‘കുട്ടിപ്പേടി’മാറ്റാന് ബോധവല്ക്കരണം
text_fieldsമനാമ: കുട്ടികളുടെ ആശുപത്രി പേടി മാറ്റാന് ബോധവല്ക്കരണ പരിപാടികള് സംഘടിപ്പിച്ചു. അറേബ്യന് ഗള്ഫ് യൂനിവേഴ്സിറ്റിയാണ് ഇൗ വർഷെത്ത േബാധവൽക്കരണ പരിപാടിയുടെ ഒന്നാം ഘട്ടം പൂര്ത്തിയാക്കിയത്. അവന്യൂസ് മാളിലെ ആശുപത്രി കേന്ദ്രത്തില് നടന്ന പരിപാടിയില് ആയിരത്തിലധികം കുട്ടികള് പങ്കെടുത്തു. കഴിഞ്ഞ വര്ഷം നടത്തിയ ബോധവല്ക്കരണം വിജയകരമായതിനെ തുടര്ന്നാണ് ഈ വര്ഷവും വിവിധ പരിപാടികളോടെ നടത്തിയത്.
കുട്ടികള്ക്ക് ആശുപത്രികളോടുള്ള ഭയമകറ്റുക, മരുന്നുകളോടുള്ള വെറുപ്പ് ഒഴിവാക്കുക, ആശുപ്രതി സേവനങ്ങളെന്താണെന്ന് മനസ്സിലാക്കി ക്കൊടുക്കുക തുടങ്ങിയവയാണ് ബോധവല്ക്കരണ പരിപാടിയില് ഒരുക്കിയിരുന്നത്.
സമൂഹത്തിലെ പ്രധാന ഭാഗമാണ് കുട്ടികളെന്നും അതിനാല് അവര്ക്കിടയില് ആശുപത്രികളെക്കുറിച്ചുള്ള അവബോധമുണ്ടാക്കേണ്ടതുണ്ടെന്നും അറേബ്യ ഗള്ഫ് യൂണിവേഴ്സിറ്റി പി.ആര് വിഭാഗം ഡയറക്ടര് അബ്ദുല്ല അല് ഖത്താമി വ്യക്തമാക്കി. മെഡിക്കല് വിദ്യാര്ഥികള്ക്ക് കൂടുതല് പരിശീലനം ലഭിക്കാനും ഇത്തരം പരിപാടികള് വഴിയൊരുക്കുമെന്നും അദ്ദേഹം കൂട്ടിച്ചേര്ത്തു. ഇതുമായി സഹകരിച്ച മുഴുവന് മെഡിക്കല് വിദ്യാര്ഥികള്ക്കും ഡോക്ടര്മാര്ക്കും അദ്ദേഹം പ്രത്യേകം നന്ദി അറിയിക്കുകയും ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.