വേനലിൽ കണ്ണുകൾക്ക് കരുതൽ വേണം
text_fieldsവേനൽക്കാലം അതിെൻറ തീവ്രതയിലേക്ക് കടക്കുകയാണ്. ബഹ്റൈനിൽ 43 ഡിഗ്രി സെൽഷ്യസ് ചൂട് രേഖപ്പെടുത്തിയതായി റ ിപ്പോർട്ടുകൾ വന്നിരിക്കുന്നു. ഇൗ അവസരത്തിൽ ആരോഗ്യം ശ്രദ്ധിക്കണമെന്നാണ് ഡോക്ടർമാർ പറയുന്നത്. ഏറ്റവും കൂടുതൽ കരുതൽ നൽകേണ്ടത് നമ്മുടെ കണ്ണുകൾക്കാണ്. പകൽ കൂടുതൽ പുറത്തിറങ്ങി നടക്കുന്നത് ഒഴിവാക്കുന്നത് നല്ലതെന്നും നേത്രരോഗ വിദഗ്ധൻമാർ ഉപദേശിക്കുന്നു.
നിലവാരമുള്ള സൺഗ്ലാസ് ഉപയോഗിച്ചാൽ ഒരുപരിധിയോളം കണ്ണിന് സംരക്ഷണം ലഭിക്കാൻ കാരണമാകും. ഏറ്റവും കൂടുതൽ തീവ്രതയുള്ള സമയങ്ങളിൽ വെയിൽ നേരിട്ട് കണ്ണുകളിലേക്ക് തട്ടാതിരിക്കാൻ ശ്രദ്ധിക്കണം. ഇടക്കിടക്ക് ശുദ്ധജലം കൊണ്ട് കണ്ണുകൾ കഴുകുന്നതും നല്ലതാണ്. വേനലിൽ കണ്ണിന് മർദം കൂടും എന്നതിനാൽ കണ്ണുകളിൽ വെള്ളം നിറയാൻ കാരണമാകാറുണ്ട്. ഇൗ സമയത്ത് കൈ കൊണ്ട് കണ്ണ് ഒപ്പുന്നത് വഴി കൈകളിലെ അഴുക്കും രോഗാണുക്കളും കണ്ണിൽ എത്താൻ കാരണമായേക്കാം. വൃത്തിയുള്ള തുണി വച്ചായിരിക്കണം കണ്ണ് തുടക്കേണ്ടത്.
വേനലിൽ ചെങ്കണ്ണ് ഉണ്ടാകാനുള്ള സാധ്യതയും ഏറെയാണ്. നേത്ര പടലത്തിനുള്ളിൽ നീർവീക്കവും വേദനയും ഉണ്ടാക്കുന്ന അവസ്ഥയാണ് ചെങ്കണ്ണ്. കണ്ണുകൾക്ക് ഉണ്ടാകുന്ന ഏത് അസ്വസ്ഥതക്കും ഡോക്ടറെ കാണുകയാണ് ഏറ്റവും വേഗത്തിൽ ചെയ്യേണ്ട കാര്യം. സ്വയം ചികിത്സ അപകടമാണെന്നും അറിയണം. കണ്ണാണ് സൂക്ഷിച്ചാൽ ദു:ഖിക്കേണ്ട എന്ന പഴമൊഴി കൂടി ഒാർക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.