ബഹ്റൈനും തായ്ലൻഡും പരസ്പര ബഹുമാനമുള്ള സൗഹൃദ രാഷ്ട്രങ്ങൾ
text_fieldsമനാമ: വിശ്വാസവും പരസ്പര ബഹുമാനമുള്ള സൗഹൃദരാഷ്ട്രങ്ങളാണ് ബഹ്റൈനും തായ്ല ൻഡുമെന്ന് തായ്ലൻഡ് പ്രധാനമന്ത്രി ജനറൽ പ്രയുത് ചാൻ ഒച പറഞ്ഞു. ബഹ്റൈൻ വിദേശകാ ര്യമന്ത്രി ശൈഖ് ഖാലിദ് ബിൻ അഹ്മദ് ബിൻ മുഹമ്മദ് ആൽ ഖലീഫയെ സ്വീകരിച്ച് സംസാരിക ്കുകയായിരുന്നു അദ്ദേഹം.
വിവിധ മേഖലകളിൽ തായ്ലൻഡുമായി ഉഭയകക്ഷി ബന്ധം മുന്നോട്ട് കൊണ്ടുപോകുന്നതിൽ വിദേശകാര്യമന്ത്രിയും സംതൃപ്തി അറിയിച്ചു. അന്താരാഷ്ട്ര വേദികളിൽ വിവിധ വിഷയങ്ങളിൽ ബഹ്റൈൻ തായ്ലൻഡുമായി സഹകരിക്കുന്നുണ്ട്. ആസിയാൻ 35ാം ഉച്ചകോടിക്ക് ആതിഥേയത്വം വഹിച്ചതിന് തായ്ലൻഡിനെ വിദേശകാര്യമന്ത്രി അഭിനന്ദിക്കുകയും ചെയ്തു. ആസിയാെൻറ പങ്ക് ശക്തിപ്പെടുത്തുന്നതിനും ലക്ഷ്യങ്ങൾ കൈവരിക്കുന്നതിനും ഉച്ചകോടി വിജയകരമായിരുന്നതായും മന്ത്രി പറഞ്ഞു.
രാജാവ് ഹമദ് ബിൻ ഇൗസ ആൽ ഖലീഫ, പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ, കിരീടാവകാശി ഒന്നാം ഉപപ്രധാനമന്ത്രി പ്രിൻസ് സൽമാൻ ബിൻ ഹമദ് ആൽ ഖലീഫ എന്നിവരുടെ ആശംസകളും മന്ത്രി പ്രധാനമന്ത്രി ജനറൽ പ്രയുത് ചാൻ ഒചക്ക് കൈമാറി. തായ്ലൻഡ് പ്രസിഡൻറ് ഹമദ് രാജാവിനുള്ള ആശംസകളും കൈമാറി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.